قصة رساله واتس

(((رساله واتس )))
عمري ما كنت اتخيل ان رساله علي الواتساب ممكن تغير حياتي وتهد بيتي الي قعدت سنين ابنيه.....⁦
انا هند وعندي ٣٣ سنه متجوزة قصدي يعني كنت متجوزة وانفصلت ....
عندي ولد وبنت صغيريين ..
انا عارفه ان قرار الانفصال دا كان صعب لكن انا كان لازم أخده مكنش ينفع اكمل بعد كل الي حصل دا....
الموضوع حصل من سنه تقريبا ....
قبل السنه دي عمري ما حسيت ان ابو اولادي ممكن يقدر يخوني او يتخلي عن بيته بالسهولة دي ..
عمره ما حسسني اني ناقصني حاجه بالعكس كان بيقولي اني احلي ست شافها في حياته وكل يوم يفاجئني بكلام حلو اكتر من الي قبله....

لحد ما فيوم كان راجع من الشغل ودخل ياخد دش كا عادته وانا عمري ما كنت متعودة امسك تليفونه او افتش فيه ....
كنت واثقه فيه ثقه عمياء....
لحد ما ابني مسك التليفون عاوز يلعب بيه راحت جاتله رساله واتساب وابني فتحها ڠصب عنه وانا جمبه...
الرساله كانت بتقول...
_ ها يا حبيبي روحت ولا اتصل بيك...
انا جسمي كله اټشل وفنفس الوقت طلع من الحمام من قبل ما اخد الرقم لكن انا محسستوش ب اي حاجه...
وبعد ما ابني خلص لعب مسك هو تليفونه واكيد شاف الرساله انها اتقرت وكان طول اليوم مش علي بعضه....
وانا كنت ھموت بمعني الكلمه وھموت اكتر واعرف مين الي بيكلمها عليا وايه الي بينهم.....
لحد ما جاتلي فكرة اعرف بيها مين الي بيكلمها.....
انا هراقب الواتس بتاعه علي تليفوني....
استنيت لما نام بليل ومسكت تليفونه وصورت الشفرة عندي وبكده كل الرسايل الي بتوصله بتوصلني انا كمان.....
صحي الصبح وراح الشغل كا عادته وانا كل دا مش محسساه ب اي حاجه نهائي بالعكس انا اهتميت بيه اكتر من الاول عشان ميشكش لحظه اني عرفت حاجه..
اول ما نزل فتحت تليفوني بسرعه مستنيه اي رساله تتبعت او حد يبعتله عشان اعرف مين وبالي يرتاح ..
بقيت اقول يارب اطلع ظلماه والي شوفته دا يكون كابوس...
بس الي كان مشككني اكتر اني لما فتحت الواتس علي تليفونه بليل لقيت الرساله اتمسحت من عنده يعني اكيد في حاجه غلط بتحصل......
فضلت مستنيه ساعه لحد ما لقيته بعت لرقم....
_ حبيبتي انا وصلت الشغل....
هنا اتأكدت من ان فعلا مش بيتهيألي ....
خدت الرقم بسرعه ورحت اشوفه متسجل ب اسم مين علي التروكولر وكانت الصدمه....

الجزء الثاني 

كتبت الرقم والصدمة انه لقيته متسجل ب اسم جوزي ....

بقيت محتارة ياتري هو جايب الخط ده ب اسمه ومديه لمين ومين دي الي بيكلمها عليا وشاريلها خط ....
قررت اني هسكت خالص وهحاول اراقبه من بعيد....
والرقم دا انا مش هحاول اتصل بيه عشان ميحسش ب حاجه او اني عرفت ...
اليوم دا جوزي رجع مدايق جدا من برة وبسأله مالك...

_ مفيش شويه مشاكل بس فالشغل....
انا متأكده انه مش الشغل اعدت اواسيه وقولت هحاول اخليه ينسي الي بيكلمها جايز ويتغير ويرجع ل عقلة وبيته وعياله....
وفي عز ما احنا بنتكلم جاتله رساله عالواتس جري بسرعه عالتليفون وانا كمان مسكت التليفون اراقبه من عندي وعملت نفسي فاتحه الفيسبوك عادي...
لقيت الرقم ده باعتله ... 
_ انت لسه زعلان مني خلاص بقي...
_ ايوة زعلان انتي ازاي تسيبيني واقف كل ده فالشارع مستنيكي ومتجيش.....
_ والله مقدرتش انزل خالص ماما كانت تعبانه وبابا كان مش فالبيت ومعرفتش اكلمك....
_ بس كنتي حتي ابعتيلي متسبنيش واقف كل ده انا كنت هتجنن عليكي افتكرت حصلك حاجه وبعدين انتي وحشتيني اوي بقالي يومين مشوفتكيش...
_ وانت كمان وحشتني...
_ خلاص انا بكرة مش هروح الشغل وهقضي اليوم معاكي هستناكي...
ماشي ياحبيبي...
صدمتي كانت كبيرة فيك يا آدم معقولة الكلام دا بتقوله لحد غيري ومين دي الي انت بتكلمها انا اتأكدت انها مش متجوزه عشان عايشه مع اهلها ياترا متفقين عالجواز كمان ورايح تقضي معاها اليوم فين بكرة ولا يمكن اصلا تكونوا متجوزيين
فضلت سرحانه وانا مش واخده بالي لقيته بيندهلي..
_ هند ...هند .. مالك سرحانة في ايه ....
_ لا ابدا اصلي دوخت شويه هدخل اريح....
_ تعرفي انك حلوة اوي النهاردة...
ابتسمتله ومردتش عليه ودخلت الاوضه بتاعتي اعدت ابص فالمرايا ياتري انا ناقصني ايه ليه يكلم واحده عليا انا لازم انهي الموضوع دا انا مش هفضل ساكته كتير
قررت اني خلاص هنزل بكرة واراقبه عشان اعرف مين الي بيقابلها دي ...
كلمت سواق اتفقت معاه يجيلي بكرة من بدري يستناني في شارع جمب البيت وقولتله اني هديله المبلغ الي هو عاوزه بس يسكت وميقولش لحد ....
جوزي دخل الاوضه عملت نفسي اني جالي دور برد وتعبانه جدا عشان يتطمن اني هبقي نايمه وقولتله اني هعمل تليفوني سايلنت عشان اعرف انام ....
ونزلت ابليكيشن عندي وهو كان فالحمام عملتله موافقه من تليفونه يعرفني هو فين بظبط والموقع بتاعه ...
لبس ونزل ومتشيك طبعا عشان يقابل الهانم وانا قومت بسرعه لبست عباية بتاعه والدتي الله يرحمها عشان متأخرش ونزلت وفضلت ماشيه وراه عن طريق التليفون لحد مالقيت عربيته راكنه عند كافيه كبير في المعادي....
قولت للسواق يستناني هنا لحظه نزلت وببص من بعيد كانت صډمه حياتي

الجزء الثالث 

قربت عالكافيه وبصيت من بعيد لقيته قاعد وماسك ايد بنت عمي....ايوة بنت عمي الي زي اختي .
انا الي دخلتها بيتي ب ايدي .
كانت اي مشكلة تحصل اكلمها احكيلها واخليها تكلمه تصلح بينا وانا كمان الي كنت بخليه يروح يوصلها للجامعه بتاعتها في طريقه ولما عزلوا من بيتهم انا الي قولتله يشطبلهم بيتهم الجديد لانه بيشتغل مهندس و دا شغله ....
انا الي عملت كل دا في نفسي وانا الي هتحمل نتيجته...
طلعت تليفوني بسرعه وصورتهم 
وبعدها
جريت علي السواق قبل ما حد يشوفني خليته روحني عالبيت بسرعه عشان افكر هعمل ايه....
صدمتي فيهم هما ال ٢ كانت كبيرة ازاي هو يعمل فيا كده وبعد كل ال عملته معاها دا جزائي. .
انا لازم اندمهم ندم عمرهم هما الاتنين علي الي عملوه فيا ده..
اول حاجه عملتها كلمت محامي واتفقت معاه اني عاوزه ارفع قضيه خلع بس ميجبش اي سيرة ل جوزي دلوقتي لما الإجرائات تخلص....
وقررت اني هتعامل عادي جدا عشان انا ناويه اندمه علي انه فكر لحظه انه يخونني....
رجع الاستاذ عالبيت وهو في غاية السعادة ....
_ ها يا حبيبتي لسه تعبانه....
_، لا اتحسنت شوية لما شوفتك...
بس انت اتأخرت ليه كده النهارده....
الشغل كان كتير مش ملاحق عليه....
حتي اتغديت بره...
طيب ياحبيبي روح غير هدومك وتعالا نقعد مع بعض...
لا انا هنام عشان عندي ارهاق من الشغل...
ماشي زي ما تحب...
رحت اتصلت ب بنت عمي اول ما سمعني جري يشوفني بقولها ايه..
ازيك ياسارة عاملة ايه وحشتيني
الحمد لله ياهند انتي وحشتيني اكتر...
فينك مختفيه فين ولا بتسألي ولا بتيجي..
معلش مشغوله شوية فالبيت...
طيب ايه رأيك تيجي بكرة تقضي معايا اليوم هنا فالبيت ونتغدي سوا...
ماشي ياحبيبتي هجيلك بكرة ان شاء الله...
قفلت التليفون ولقيته بيقولي ..
اشمعنا يعني عزمتي سارة عندنا بكرة...
_ ابدآ اصلها وحشتني اوي بقالي كتير مشوفتهاش....
راحت بعتاله رساله عالواتس..
_ هند عزمتني عندكم بكرة
اه منا عرفت كويس اهو بالمرة اشوفك اصل انتي وحشاني اوي..

_ مانت لسه كنت معايا النهارده...

_ انتي بتوحشيني وانا معاكي اصلا...

كل دا وانا شايفه الكلام وساكته وكاتمه في قلبي وھموت من القهرة علي نفسي وعلي ولادي ..
رحت دخلت نمت عشان ميحسش بحاجه 
وجه اليوم الموعود الي اخيرا هواجههم بالكلام وكل شيء هينكشف ويبان .....
وتشوفوا اڼتقامي هيبقي ازاى

الجزء الرابع الأخير

وجه اليوم الموعود الي اخيرا هواجههم بالكلام وكل شيء هينكشف ويبان .
صحيت من النوم كلمت اختي الصغيرة جت خدت العيال ودتهم عند ماما عشان مش عوزاهم يسمعوا اي كلام مهما كان هما صغيريين بس الكلام هيثبت في دماغههم.
وقمت نضفت البيت عادي جدا ونزلت الكوافير ظبطت نفسي وبعدها طلعت ولبست اشيك لبس عندي وقعدت .
ادم خرج من الاوضه انبهر بجمالي
ايه الحلاوة دي
انا طول عمري حلوة
بس النهاردة انتي حلوة اوي
امال فين العيال 
ودتهم عند ماما عشان نعد انا وانت وسارة براحتنا من غير إزعاج.
طيب متعتزري لسارة ونعد انا وانتي بس.
لا طبعا عيب اعزمها وبعدها اعتزر
طيب فين الاكل انا مش شايفك عملتي اكل يعني...
لا منا طلبته دليفري هيجي وقت ما سارة تيجي عشان يبقي سخن..
هو كمان فاكرني هطفحهم اكل ده النهاردة يومهم اسود معايا....
فجأه الباب خبط ...وجري يفتحلها...
ازيك يا سارة
ازيك يا ادم.
وانا مقومتش من مكاني هي جت تسلم عليا وتبوسني..

هند عاملة ايه وحشتيني جدا امال فين العيال...
ودتهم عند ماما عشان ميلخموناش....
بس ايه الحلاوة دي يا هند بقيتي قمر ...
اكيد مش احلي منك
طب ايه انتي مش هتغديني ولا ضحكتي عليا 
الاكل زمانه جاي اعدي بس نعد نحكي شوية بقالنا كتير مشوفناش بعض.شوفتي يا سارة انا متدايقه جدا 
ليه بس
جوز واحده صاحبتي طلع بېخونها مع اقرب صاحبة ليها وتبقي بنت عمها 
لقيتها ارتبكت ووشها احمر وبدأت تبص ل ادم وهو دور وشه
صاحبتك ... صاحبتك مين
واهي حتي صورتهم وهما ماسكيين ايد بعض فالكافييه حتي بصي
راحت بصه عالصورة واټصدمت صدمة عمرها وهو كمان شاف الصورة..
هند... انتي مش فاهمه حاجه دنا كنت متخانقه مع اهلي وهو كان بيحاول يهديني....

_ انتي تخرسي خالص انا كل محادثاتك عالواتس بتاعه معايا وتسجيلات مكالمتكم كمان.
متصدقيهاش يا هند دي كدابة هي الي اعدت تزن علي وداني عشان اكلمها وانتي عارفه الرجالة قلبها بيحن بسرعه.
انا عملت كده يا كداب امال مين الي كان بيجري ورايا ويتصل بيا ويجي عشان يشوفني....
انتي الي خونتي بنت عمك.
وهي مراتك برضه وانت خونتها.
بس انتو الاتنين اخرسوا ومش عاوزة اسمع صوت حد فيكم..

اما بقي بالنسبالك انت فأنت انتهيت خلاص من حياتي للأبد ومش هقولك طلقني والكلام ده لأني متطلقه منك بالفعل ورافعه عليك قضية خلع وبرضو مش عايزة اشوف وشك هنا تاني 
يلا انزل وخد الژبالة دي معاك.
اطلعوا برة بيتي 
طلعوا وهما وشهم فالأرض وسمعتهم بيزعقوا برة وهو ضربها بالقلم .
وركب عربيته وهي مشيت روحت بيتها........
بس هي دي كل الحكاية انا عارفه ان قراري كان صعب لكن مكنش ينفع اكمل معاه 
اكتفيت اني اقول ل اهلي اننا اختلفنا مع بعض وانفصلنا مرضتش احكي الحقيقة ل أي حد عشان الكلام ميوصلش ل اولادي لما يكبروا....
وقاعدة في بيتي بولادي 
ونزلت اشتغلت واتغيرت خالص عن زمان ....
وهو لمده سنه واقفلي تحت البيت مستني مني بس كلمه عشان يرجعلي لكن انا رافضه رفض تام.
سمعت كمان انه اترفد من شغله عشان مش بيروح ....
اكتر حد صعبان عليا هما الولاد مش بيبطلوا يسألوا عنه ...
بعد مرور اسبوع.
جرس الباب رن ....
الولاد جريوا يفتحوا ....
بابا بابا جه
جاي وجايبلهم لعب والدموع في عينه دخلوا يلعبوا بيها جوة...انت ايه الي جابك هنا انت استأذنت تيجي تشوف الولاد...
كفاية بقي يا هند انا اتذليت بما فيه الكفايه انا تعبان من غيركم وعرفت غلطي .
ابوس ايدك ارجعيلي لو مش عشاني عشان خاطر الولاد وحشتني القعدة معاكم اوي انا حياتي كلها اټدمرت
طيب سيبني افكر وهرد عليك.
مكدبش عليكم قلبي بدأ يحن والولاد صعبوا عليا اوي ....
اد ايه بيحبوا ابوهم .....
وهو كمان صعب عليا منظروا بقي مبهدل وخس جدا ...
لكن هو خد درس عمره ما هينساه .
ودا جزاء اي راجل يفكر انه يفضل واحدة تانيه عن مراته وعياله .
بعد شهر اتصلت بيه 
كان تحت البيت كالعادة نايم في عربيته.

_ ايوة يا ادم انا خلاص موافقه...

لقيته طالع يجري عالبيت فوق....
وبيتصل ب مأذون يجي عشان نرجع لبعض....

ورجعنا لبعض بالفعل وهو رجع احسن من الاول ورجع شغله ....

وبالنسبة لسارة اتجوزت بعد المشكلة ب شهريين ودلوقتي معاها بنوته

علي طول بتحاول تكلمني تعتذرلي لكن انا مش برد...
بس اكيد هيجي يوم وانسي الي حصل ونتكلم....