رواية بين غياهب الاقدار كاملة حتي الفصل الاخير بقلم نورهان العشري

عملت كدا مصعبتش عليك البنت اللي قولت عليها انها زي بنتك يا أخى حسبي الله ونعم الوكيل 
توقف عقله عند جملته الأولى التي وضعت سيف الحيرة الباتر علي رقبته فأغمض عينيه للحظات قبل أن يقول بجمود 
و أيه مصلحتي من دا يعني انت من الاساس مكنتش هتقدر تعملى حاجه عشان اللي عمل كدا في بنتك مبقاش موجود. ليه انا هعمل معاكوا كدا كنت من الأول مسألتش فيكوا ولا انت ايه رأيك 
بدأ محقا في حديثه للحد الذي جعل الألم و الحيرة ترتسم علي وجه محمد الذي وضع رأسه بين يديه پقهر تجلى في نبرته وهو يقول
مبقتش عارف اقول ايه ولا ايه الصح . لطفك يارب .
تأثر داخليا بمظهره ولكن خرجت كلماته جافة حين قال
احكيلي اللي حصل بالظبط . 
مرت الدقائق كساعات مع ذلك الانتظار الممېت الذي كان يأكلهم بصمت لا يسمع فيه سوى أنفاس متوترة و صدور متأججة بنيران الخۏف الذي تعاظم حين دخل الحرس الي المكتب ليخرجوا بعد لحظات محاوطين ذلك الرجل فهرولت فرح الي سالم الذي كان يتأهب للمغادرة فإذا بها تندفع إليه فاحتواها بقوة و اتكأ على كتفها للحظات قطعها سؤالها المرتبك 
في ايه يا سالم و مين الراجل دا 
زفرة قوية خرجت من جوفه اتبعها قوله الصارم
متسأليش يا فرح . سبيني ارتاح جنبك شويه ..
لم تجرؤ على الحديث أمام تعبه الذي بدا واضحا من إتكاءة عليها فأخذت اناملها الحانية تهدهد أكتافه برفق علها تزيح توتره الذي يأبى الإفصاح عنه فمرت لحظات صامتة اختطفها من براثن الزمن ليستكين بين جنبات صدرها قبل أن يرفع رأسه قائلا بخشونة
هروح اطمن على مروان . خلى بالك من ماما ولو سألت حصل ايه قوليلها عداوة مع ناس في الشغل..
لم يعجبها حديثه فانكمشت ملامحها بامتعاض تجاهله وهو يقول بصرامة
مش وقته كلام دلوقتي . في حاجات مهمة لازم اعملها..
زفرت بقلة حيلة فاقترب واضعا ناثرا سكر عشقه بين عينيها و امتدت أنامله تتأرجح توتيتها برقه حين قال بخفوت 
عايز لما ارجع ألاقيك مستنياني ..
بنبرة يشوبها العتاب أجابته
انا دايما مستنياك ..
شعر بعتابها فقال بخشونة
حاسس بنبرة اعتراض 
حاسس مش متأكد 
استفزته تلك النبرة التهكمية فقال بفظاظة
عدي يومك عشان أنا على أخرى منك ..
ارتفع أحدي حاجبيها بسخط تجاهله وهو يتقدمها فأبت الصمت لتقول بنبرة يشوبها المكر
ابقي طمني علي مروان ..
لونت ملامحه ابتسامة بسيطة قبل أن يشملها بنظرة متوعدة تشبه لهجته حين قال 
أفضالك يا فرح و هربيك من اول وجديد الصبر بس ..
لم يعطيها الفرصة للحديث إنما انطلق إلى وجهته ليتركها خلفه تنفس النيران من أنفها فهي تعشقه للحد الذي يجعلها تشعر بالسخط من كل تلك الأعباء التي تقيده و تجذبه بعيدا عنها تتلظى بنيران الشوق و الڠضب معا 
خرجت ټتشاجر مع خطواتها لتصطدم بأمينة التي قالت بلهفه 
طمنيني يا فرح قالك ايه
عدلت من لهجتها لتبدو عادية حين قالت 
عداوة شغل يا ماما . اطمني الموضوع اتحل 
تعلم بأن الأمر تكبر و ترتاب في حديث هذا الرجل عن تلك الفتاة المزعومة ولكنها لن تناقش الآن 
يالا يا حاجه اطلعي عشان ترتاحي الفجر قرب يأذن و أنت منمتيش من امبارح 
هكذا تحدثت نعمة فأومأت أمينة بصمت و توجهت معها للأعلي فاقتربت جنة من فرح قائلة پخوف 
فرح . انا حاسة
أن اللي حصل دا وراه حاجات كتير أوي متطمنش
احتضنت فرح كتفيها وهي تصعد للأعلى قائلة بحنان 
متقلقيش يا جنة . سالم طمني أن الموضوع مجرد عداوة في الشغل . و هو اكيد هيحل كل حاجه..
اومال بنت مين اللي بيتكلموا عليها دي
احتارت بماذا تجيبها فقالت بطمأنة
متشغليش بالك يا جنة موضوع بعيد عننا و أن شاء الله سالم وسليم هيحلوه 
جنة بقلق 
خاېفه على سليم أوي . غضبه و تهوره بيخليني مش عايزاه يخرج من البيت حتى 
كان ألمها يلون ملامحها فأرادت فرح التخفيف عنها قليلا فقالت بمزاح
الله الله أومال ايه
التطورات الرهيبة دي والخۏف و الحنية دول من امتى يا جنة هانم 
تجاهلت خجلها قائلة
ايوا طبعا مش جوزي حبيبي و لازم أخاف عليه !
إرتفع إحدى حاجبيها الجميلين وهي تقول بمشاكسة
جوزي حبيبي مرة واحدة دا في تطورات بقي وأنا معرفش ! و ياتري الغالي لسه بينام عالأرض و لا عفيتي عنه خلاص 
اغتاظت من كلماتها فقالت باندفاع
لا طبعا أرض إيه بينام جنبي ياختي . 
ضحكت فرح بسعادة وقالت بحماس
أوبا .. يبقى حصل ! فرحي قلبي و قولي أنه حصل 
لون الخجل ملامحها و قالت بحدة مفتعلة 
بطلي يا فرح ..
يبقي حصل .. اخس عليك وانا معرفش .. سليم دا غيرك و بقيتي تخبي عني كل حاجة .. أنا لازم أوقع بينكوا
هكذا تحدثت فرح بمزاح فهبت جنة بلهفة
محدش في الدنيا يقدر يوقع بينا .. و بعدين دي أسرار يعني هو أنا مفروض أقول كل حاجة ..
عندك حق يا قلبي أنا بهزر معاك أسرارك أنت و جوزك متطلعش بره أوضة نومك .. ربنا يهنيكوا مع بعض .. فرحتلك أوي يا جنة.. سليم بيحبك و يستاهل تنسي كل حاجه و تعيشي معاه في سعادة..
احتضنتها جنة بحب و بادلتها الفرح العناق باقوى منه وهي تحمد الله على سعادة شقيقتها. 
اسمحولي أقاطع الحضن الأخوى دا و أسأل عن مروان 
برقت عينا فرح حين سمعت صوت شيرين من خلفهم فحاولت تمالك نفسها قبل أن تلتفت قائلة باختصار 
كويس! 
اغتاظت شيرين من حديثها ولكن لم تعلق بل التفتت أنظارها إلىجنة ورقت نبرتها حين قالت
عاملة إيه دلوقتي 
خيم الاندهاش على ملامح الشقيقتين و سرعان ما تجاهلته جنة قائلة بهدوء
الحمد لله أحسن .. شكرا على سؤالك ..
اومأت شيرين بابتسامة بسيطة قبل أن تقول بلهجة جامدة 
ياريت لو حد أطمن على مروان يطمني .. سما للأسف ناسيه فونها هنا مش عارفه أكلمها
حاضر هكلم سليم و أطمنك ..
أومأت شيرين و توجهت إلى غرفتها لتنظر إلىريتال التي كانت تتوسط مخدعها نائمة بعمق فقامت بتناول هاتفها و قامت بإرسال رسالة نصية صدح بعدها رنين الهاتف بإلحاح تجاهلته بحنق و توجهت إلى المرحاض لتنعش جسدها بحمام ساخن تحتاجه بشدة..
جاء الصباح بنوره ليطغى على ظلام الأمس فتوسطت الشمس كبد السماء ناثره أشعتها الدافئة على برودة قلوب أبت التسليم أمام أصفاد الماضي لتعلن عن بداية جديدة مع يوم جديد لا تعلم خباياه فقط تتضرع إلى الله أن يأتي حاملا معه الخير 
حمد لله دائما من حزنها
أنت مفيش فايدة فيك حتى و أنت في الحالة دي بتضحك وتهزر 
مروان بغزل 
دانا اتقلب قرد عشان أشوف الضحكة الحلوة دي 
أنت قرد من غير حاجه مش محتاج تتعب نفسك . 
اخترق صوت سليم الساخر حديثهم فبدد اجواءه الرومانسية مما جعل مروان يناظره بحنق تجلى في نبرته حين قال 
دمك يلطش و كلنا عارفين إيه لازمته تستخفه بقي 
سليم ساخرا
شويه من اللي بتعمله فينا !
تمتم مروان بحنق 
عملك أسود و منيل يا بعيد ..
لسانك الطويل رجع تاني يبقي انت كده خفيت ..
كان هذا صوت سالم الساخر الذي دخل الغرفة يتبعه طارق الذي قال بتهكم
على أساس أنه كان في حاجة أصلا ولا الخربوش دا يعتبر چرح ..
وافقه سالم موجها حديثه إلى مروان 
أجمد شويه هتشمت فينا الأجانب..
طافت عينيه على ثلاثتهم وقال بحنق 
اه انتوا اتفقتوا عليا انتوا التلاتة .. فاكرين أن مفيش حد يدافع عني
.. براحتكوا بس حقي هعرف اخده ..
طرقة خفيفة على باب الغرفة لفتت انتباههم و سرعان ما لونت الدهشة ملامح الجميع حين أطلت شيرين برأسها من الباب وهي تلقي التحية ثم تنظر إلى مروان قائلة باهتمام
عامل إيه دلوقتي 
تمتم مروان بسخرية
اهي ابتدت تندع .. تعالي يا شيري يا حبيبتي أنا الحمد لله بقيت أحسن لما شوفتك 
قال جملته الأخيرة بنبرة أعلى و عينيه تلتقم تلك التي لون الإمتعاض ملامحها فابتهج قلبه كثيرا
بينما اجتاحت شيرين موجه من الذبذبات الموترة التي تفشت في سائر جسدها حين مرت بذلك الذي غافلته عينيه و حاوطتها باهتمام كبير تحول لحنق لا يعرف كنهه حين توجهت تجلس بجانب مروان وهي تقول بالقرب من أذنه 
بطل لسانك الطويل دا و احترم نفسك البت قاعدة جنبك من امبارح.. 
مروان بخفوت 
بس يا بت أنت من معسكر الأعداء يبقي تخرسي خالص انا عارف بعمل ايه 
ناظرته پصدمة سرعان ما تحولت لحزن بددته كلمات طارق الذي قال ساخرا
ما تعرفونا بتقولوا إيه ولا إحنا مش قاعدين معاكوا 
اه صحيح انتوا إيه اللي مقعدكوا معانا ما تهوونا شويه 
تحدث مروان موجه كلماته للجميع فنهره سالم قائلا
اسكت احسنلك ..
ماهو زي القرد اهوة كان لازم تجرجرونا عالمستشفيات وخلاص 
الټفت الجميع على صوت همت التي دخلت إلى منتصف الغرفة وخلفها أمينة و بجانبها كلا من جنة و فرح التي اشتبكت عينيها مع عينيه المشتاقه فلبت دعوته على الفور حين مد يديه لتتقدم و تجلس بجانبه فحاوط كتفها بحب لم تفصح عنه شفتاه 
ايه اللي جاب الوليه دي هنا
كان هذا صوت مروان الممتعض فحاول الجميع كبت إبتسامته و خاصة أمينة التي اقتربت تعانقه وهي تقول بجانب أذنه
احترم نفسك و اتلم خليها تعدي علي خير ..
ايوا بردو يعني مش مكفيكوا اللي انا فيه رايحين جيبنهالي هنا كمان .
هكذا تمتم بخفوت ثم رفع عينيه ليناظر همت بإبتسامة مزيفة تشبه نبرته حين قال 
أهلا يا عمتي خطوة عزيزة .. النجف بيرقص من الفرح عشان جيتي والله .. دا حتي چرحي التهب اول ما شوفتك
همت بسخرية
عقبال لسانك يا قلب عمتك لما يلتهب هو كمان عشان نرتاح ..
تمتم مروان بخفوت
حسبي الله ونعم الوكيل في كل ظالم . 
اجلس سالم والدته بجانب فرح وهو يقول بعتب
تعبتي نفسك ليه يا ماما
و هتعب نفسي لاعز من مروان 
صاح مروان يرد علي أمينة
تعيشي يا مرات عمي يا أصيلة
تغلب عليه شوقه حين رآها و تقدم ليحتويها بحنان تجلى في نبرته حين قال بجانب أذنها
أعمل فيك إيه على عدم سمعانك الكلام دا مش قولتلك خليك و إحنا هنجيبه و نيجي عالبيت
ناظرته جنة بخجل من أفعاله أمام الجميع و قالت بخفوت 
مقدرتش استنى في البيت لوحدي قولت اجي معاهم و بالمرة اطمن عليه 
اهو زي القرد قدامك اهوة..
تحدث سليم بصوت عالي فصاح مروان بحنق 
هو في ايه انتوا جايين تزوروني ولا تقروا عليا 
أجابته فرح بمزاح 
لا جايين نطمن عليك طبعا عندك شك في كدا 
مروان بسخرية 
صدقتك أنا و أنت قاعدة جمب حبيب القلب ولا حتى قولتيلي سلامتك .. وكل مخططاتنا راحت في الفاضي صح 
تدخل سليم موجها حديثه إلى سالم 
على فكرة كان بيوقع غيرك وحش لدرجة أن محدش فينا قدر يقعد وأنت مش فيه و جينا كلنا علي هنا 
هكذا تحدثت جنة فتمتم سليم حانقا
الصبر من عندك يارب ..
انطلقت الضحكات وسط مزاح مروان و مشاكسته للجميع و لدهشتها وجدت
نفسها مستمتعة لجو