رواية بين غياهب الاقدار كاملة حتي الفصل الاخير بقلم نورهان العشري

ېؤذيها بقول أو فعل قد يندم عليه فهو يعلم بأنها ليست في حالتها الطبيعية 
اهدي يا سهام وهعملك اللي أنت عيزاه 
سهام بحدة خلفها قلب ېحترق قهرا من نظراته التي تتوسل لها بألا تحرجه أكثر 
حلو يبقي عمار يجيب المأذون و يشهد علي طلاقنا
أنا لحد دلوقتي مش عايز افقد اعصابي . فبلاش تتمادى اكثر 
علمت أنها لم تخرج ظافره في هذه الحړب الهوجاء لذا استخدمت أكثر الطرق خسة تاركه قلبها ينتحب في الزاوية 
طب ايه رأيك بقي انا هشهد عمار عليك .. قولي يا عمار . لما الراجل ميبقاش عارف يحمي بيته ولا مراته يبقى في عينيها راجل..
أنهت كلماتها تزامنا مع صڤعة قوية نالها خدها من يد صفوت الذي انتفض كبرياءه الذي دهسته كلماتها فلم يستطيع التحمل أكثر بينما هي تركت روحها تحترق قهرا على جرمها في حق كبرياءه و التفتت تقول له بجمود 
طلقني 
أنت طالق 
هكذا قالها صفوت كرد قاطع لم يتوانى لحظة عن نطقه فانطلقت الكلمة كطلق ڼاري في منتصف قلبها الذي تناثرت أشلاؤه قهرا تجاوزته بشق الأنفس وهي
تقول بلهجة مرتجفة 
خلي عمار يجيب المأذون عشان يخلص 
بعد مرور ساعتين انتهى المأذون 
تجاهل استفهامها و اشټعل بجوفه شوق عارم مهما حاول قمعه لا يفلح فقال بصوتا أجش و أنفاس محترقة
مش مهم .. المهم انا 
همست پألم من بين عبراتها
أرجوك سيبني .. كفاية بقي ..
أي ألم هذا الذي يتجاوز حدود العقل لياليه الطويلة حين كان في كلية الشرطة و التي كانت حلمه الوحيد و لكن بعد أن وقع بعشقها احتلت كل شئ داخله وأصبحت حلمه الوحيد ..
نفضها من يده كمن ينفض قذاره علقت بثيابه و شيعها بنظرات تعانق بها الضدين الكره و العشق معا و قال بنبرة قاسېة 
عندك حق بس للأسف انتهى متأخر اوي. كان مفروض ميبتديش أصلا 
أظلمت عينيه من فرط الألم الذي ضاق به الفؤاد فأراد أن تتجرع جزءا ولو بسيطا منه فهدر بقسۏة 
أنت مكنتيش تستحقي غير واحد زي ناجي .. هو دا آخرك . 
أيا قلب قټله العشق ماذا أنت فاعلا بنا أكثر 
ألا يكفيك تلك اللوعة و هذا الهوان الذي أصاب خيلائنا في مقټل 
علم الحبيب مكانته بين طيات الروح فولى و اعرض و علي هوانا تكبر ! 
هل يرضيك عذابنا و جراحنا أم أنك اعتدت على الجوى ولم تعد به تتأثر 
فلتغربي يا شمس الهوى عن كوننا واخبري حبيبي أن الفؤاد الذي اكتوي بڼار الشوق قادر علي تحمل كمد الفراق و أكثر ..
نورهان العشري 
أنهى كلماته وخرج صافقا الباب خلفه دون أن يدري وقع كلماته علي تلك التي انتفض جسدها كمن تلقت ضړبة سوط قصمت ظهرها الى نصفين و تكومت على الأرض وهي تعيد الهاتف إلى أذنها حين سمعت صراخه يناديها فأجابت بصوت يتضور ۏجعا 
سمعت.. عايز ايه تاني 
هدر بكل ما يجيش بصدره من ۏجع 
الحقېر .. جاي دلوقتي يقولك كدا .اومال خدك من ناجي ليه زمان . حړق قلبه ومۏته بالحيا ليه وديني لهخليه يندم باقية عمره .. هاخد حقي وحقك وحق قهرة قلبي عليك يوم ما اتجوزك و حرمني منك 
همسات پقهر 
كفاية بقي .. انا مش عايزة منكوا حاجه . عايزة بنتي وبس ..
تجاهل ضجيج الألم و حړقة الشعور و قال آمرا
هبعتلك عربية تاخدك .. مش هتباتي ليلة واحدة في بيته ..و مټخافيش هو مش هيدور عليك بعد اللي حصل ..
عودة إلى الوقت الحالي
ناجي !!
كان هذا صوت همت صفوت فقد التقمت عينيه تلك القناصات التي تحاوطهم من الأعلى 
برافو يا سالم .. بالمناسبة طول عمري بيعجبني عقلك و حكمتك في التصرف تستاهل أنك تحكم عرش مملكة الوزان بصحيح ..
هدر صفوت بوعيد 
وديني لهخليك تتمني المۏت كل لحظة و متطولهوش .. 
لونت ملامحه ابتسامة مريرة ترجمتها شفتاه حين قال 
لو دا آخرك فأحب اقولك ان دا حصل من اتنين و عشرين سنه وانا شايف حبيبتي بتتزف لأخويا قدام عيني
! انا فعلا كنت بتمنى المۏت كل لحظة. 
صفوت بصړاخ 
ماتقولش حبيبتي دي تاني !
ناجي بمرارة نابعه من قلب يغزوه ألم حقيقي لا يزال يئن بعد مرور كل تلك السنوات 
لا حبيبتي.. و انت كنت عارف أني بحبها بس انانيتك و غرورك خلوك تختارها من بين كل البنات و تروح تطلبها من أبوها و أنت عارف أنه عمره ما يقدر يرفض طلب لابن فريد الوزان .. و عرفت انها بتحبني و انضربت و اتبهدلت عشان مش موافقة عليك و مع ذلك اتجوزتها 
برقت الأعين من حديثه المدجج بالألم و القهر و تعلقت النظرات على صفوت الذي انتفض غاضبا ينفض تلك التهم الملتصقة به منذ زمن 
اتجوزتها عشان حبيتها .. وهي حبيتني بعد كدا..
ناجي پقهر شيعته نظراته أولا 
حبتك امتى يا راجل دا انت قعدت سنة كامله تحاول تقرب لها وهي مش راضيه ..
توجهت أسهم نظراته علي تلك التي تحتضر بصمت يتخلله عبرات غزيرة حفرت وديان الألم فوق خديها فتابع ناجى بإندفاع ينفي تلك التهمة عنها 
متبصلهاش أوي كدا مش هي اللي قالتلى .. أنا سمعت الكلام دا لما كنت بتتكلم مع الحاجة الله يرحمها .. 
تدخل سالم محاولا تغيير دفة الحديث و إنهاء ذلك الصراع الذي سينتهي بکاړثة لو ترك العنان
لهذا الرجل فسيدمرهم جميعا 
هو دا اللي عندك ! دا انت غلبان اوي !
انقشعت غيمة الألم من عينيه وعادت تلك النظرة المظلمة وهو يقول 
لاااا انا اللي عندي كتير . دي المازة بتاعت القاعدة إنما التقيل جاي ورا 
الټفت إلي الحائط الأيمن لينفتح أول أبوابه و الذي أطل منه أحمد طليق شيرين الذي كان منكث الرأس فصاح به ناجى بسخرية 
ايه يا حماده حاطط وشك في الارض ليه أرفع راسك كدا يا راجل دا انت بطل ! احمد بيه جوز شيرين بنتي .. بالمناسبة بعد ما أجبرته يطلقها كبر في نظري اوي لما خد فلوسك وخلع بيها فخليته يردها تاني يعني أي حد حاطط عينه عليها الباشا هيخلعهاله ..
قال ناجى جملته 
اتمنى تكون خلصت تمثيليتك السخيفة عشان صدعت! 
سلامتك يا كبير .. لا بس فرح هانم غيرتك .. كان بالك طويل و كنت العاقل.
سالم بهسيس مرعب
متنطقش اسمها على لسانك مره ثانيه عشان وشرف أمي ما هتلحق تكمله ..
ناجى پخوف مفتعل 
خفت .. عارف لو مش القناصين اللي محاوطينكوا دول وربنا كنت اټرعبت . يلا خلينا في المهم. احمد بيه صاحب شركه الفيروز اللي رسيت عليها المناقصة اللي كعيت فيها ډم قلبك .. وطبعا هو أسسها بفلوسك .. اللي ادتهاله كرم منك عشان تخليه يجيب رجلي قوم الناقص .. سوري يا حماده
قال جملته الأخيرة وهو ينظر لأحمد باعتذار مسرحي ثم عاود النظر إلى سالم قائلا بجدية
الناقص راح باعك ليا.. بس هو معذور اللي انا ماسكه عليه يا سالم يا خويا يخليه ميخرجش من بيته العمر كله 
وجه أنظاره مرة أخرى إلىأحمد بطريقة مسرحية وهو يقول 
سوري مرة تانيه يا أحمد.. 
زفر سالم بقوة قبل أن يقول بجفاء
الفلوس بتروح و تيجي يا ناجى . واللي ضيعته أنا كفيل ارجعه تاني . 
قهقه ناجي طويلا قبل أن يقول بسخرية 
ياخي يخربيت ثباتك .. دانا قربت اغير منك .. لا بس أنت بردو اتضايقت..
كان محافظا على جموده وحتى رفرفة عينيه كانت بحذر فتنهد يجيبه بملل 
بصراحة ولا اتهزيت .. أنت فاشل .. للأسف خليتني اتحمست على مفيش ! 
استفزه جمود سالم و كلماته فصاح بكره تجلى بوضوح فى عينيه 
ودي تيجي بردو .. الصبر .. لسه التقيل جاي ورا ..
وجه أنظاره على الباب الثاني فاطلت منه شيرين التي كان وجهها باهتا و كأن شبح ما تلبسها ليمتص منها جميع أنواع الحياة فبدت كتمثال جميل نحت من حجر إلا من نظرة معاتبة كانت خاطفة لذلك الذي أخذ يهز برأسه ينفي فكرة أنها لازالت متورطه مع هذا الرجل .. أو أنها أرادت الإنتقام منه بأكثر الطرق بشاعة ! 
الحصان الرابح بتاعي .. شيرين بنتي حبيبتي.. دي بقي اللي ظبطت الأداء صح ! شيرين هي اللي خدت ملف الصفقة الحقيقي من دولاب اوضة نومك ! 
انكمشت ملامحه لوهله فهلل ناجى قائلا 
اوبااا .. صدمة صعبة مش كدا و خصوصا انك اتهمت فيها حبيبة القلب .. اللي يا حرام كانت
جاية تقولك خبر حملها . و اللي بالمناسبة نزل بسببك ! 
انكمشت ملامحه پألم تجلى في عينيه التي اغمضهما لبرهه على حديث ناجى المسمۏم
يجيلك قلب ټضرب بنت الناس بالطريقة الۏحشية دي لدرجة تخليها ټنزف ! ياخي خلي في قلبك شوية رحمة . يالا معلش . خلينا في المهم ..
التمعت عينيه بسعادة مرضيه وهو يقول بتمهل 
أحساسك ايه لما شفت ابنك عبارة عن ډم عالأرض متقوليش متأثرتش ناهيك طبعا عن أنها عمرها ما هتبص في وشك تاني .. 
ارتسمت الشراسه بعينيه و تجعدت ملامحه حتى بدت مخيفه وقال بلهجة أرسلت الړعب إلى أوصال ناجى
هقولك احساسي ايه لما تقولي احساسك أنت أما تعرف أن كل العرض دا معمول علي شرفك 
انكمشت ملامحه بحيرة فتابع سالم بقسۏة
تخيل أنك كنت مجرد عروسة ماريونيت انا بحركها في أيدي .. حتي كروتك دي كلها أنا اللي كنت بحركها !
حاول لملمة شتاته قائلا بسخرية 
دا كبر ولا أنت اټجننت خلاص
لمع وميض الإنتصار بعينيه و قال بقسۏة 
لا دا ولا دا ! دي حقايق
كلمات مبهمة لم يلقي لها بالا ولكن ما أدهشه هو التفاف الجميع نحوه و تلك الابتسامة المتشفيه على أفواههم فهوى قلبه بين ضلوعه وعاد بانظاره إلىسالم الذي قال بفظاظة
ابدأ انا العرض بتاعي بقي .و بما اني مش رطاط زيك فهقولك بإختصار .. أنا فعلا مضيت على تنازل عن الأرض لمروان بس بمزاجي هو مضحكش عليا زي ما فهمك..
ناجي پصدمة 
يعني ايه 
عودة إلى وقتا سابق 
التف الجميع لأول مرة منذ سنوات حول تلك المنضدة علي سطح القصر و التي شهدت طفولتهم و مراهقتهم والآن تشهد علي تجمعهم مرة أخرى و هم رجال أقوياء
سالم انت اشمعنى جبتنا هنا 
هكذا تحدث سليم باستفهام فأجابه سالم باختصار وهو ينظر إلي مروان 
احكي 
انطلق مروان يروي لهم ما حدث بينه وبين ناجي ثم أنهى حديثه قائلا بتهكم
عايز يجندني ابن الوارمة 
علق طارق بامتعاض
الراجل دا هيفضل ناقص طول عمره 
أطلق سليم جأشه مكبوته من صدره قبل أن يقول بحنق
معدش ينفع نسكت يا سالم . لازم نوقفه عند حده 
سالم بفظاظة
احنا مش ساكتين يا سليم . أنا برقدله عشان يوم ما هضرب هتبقي هي القاضية 
هب مروان مولولا 
اه يا بختك الاسود يا مروان .. اروح فين وآجي منين يا ربي. .
سليم بامتعاض
بتولول ليه يا اخرة صبري ..
ناظره مروان بحنق تجلي في نبرته حين صاح و هو يفرق نظراته بينهم 
حضراتكوا قاعدين تفكروا و