مكتوبه على اسمي للكاتبه ملك ابراهيم الحلقه٤٠
مكتوبه علي اسمي البارت 40
ايات قالت للسكرتيرة تسمحله بالدخول.
دخل علاء برائحة برفانه القوية اللي كان قاصد يزودها عشان يجذب انتباه آيات ليه لكن اللي حصل العكس وآيات معدتها وجعتها اول لما شمت ريحة برفانه القوية وبصتله بشمئزاز وقالت مين حضرتك
علاء اتفاجئ من تعبير وشها إللي بتعبر عن الاشمئزاز وهي بتبصله وشم لبسه وقال هو البرفان بتاعي ريحته وحشه ولا ايه
علاء بص ل آيات وقالها بنبرة مرحة وهو بيبصلها بطريقة شايف انه بيقدر بيها يجذب البنات اكيد لسه فكراني صح
آيات كانت مستغربة طريقته وسألته بدهشة هو انا شوفت حضرتك قبل كده
علاء اټصدم انها مش فكراه وقال باحراج احمم.. انا.. انا اللي كنت قابلتك في.. في المؤتمر اللي كان الباشمهندس عامر ضيف شرف فيه.
علاء اټصدم اكتر من نبرتها القويه وقال باحراج انتي مش فكراني ولا ايه
آيات بنبرة اقوي عايزني افتكر ايه بالظبط وبعدين ايه حكاية انك معرفة قديمه ليا والكلام اللي قولته للسكرتيرة ده!! انت لك شغل في الشركة هنا
علاء كان متجمد مكانه من الصدمة والشخصية الغير متوقعه اللي شافها قدامه دلوقتي ومختلفه تماما عن البنت الخجوله الرقيقه اللي قابلها في الحفلة!!.. وقف قدامها زي الطفل الصغير ومش عارف يرد عليها يقول ايه!!
فتح عينيه پصدمة وقالها انتي بتطرديني!! انتي متعرفيش انا مين
خبطت على المكتب قدامها بقوة وقامت وقفت وردت عليه بصوت قوي انت اللي متعرفش انا مين.. انا مرات عامر الچارحي.. فاكره.. عامر الجراحي اللي لما شوفته في الحفلة قدامك كنت واقف ترتعش في مكانك.. عامر الجارحى اللي انت وامثالك فاكرين انكم تقدروا تستغلوا غيابوا وجاي لحد شركته وحاطت برفانك المقرف ده وجاي تبهرنا بطلتك البهية!!
آيات بلامبالاة تمام ابقى ابعتلي الفاتورة على البيت.
علاء بصلها پصدمة وخرج من مكتبها بسرعه وهو هيتجنن من اهانتها ليها وقوتها وعدم مبالاتها بأي شئ!
هاجر ضحكت بقوة اول لما علاء خرج من المكتب وقالت ل آيات ايه ده يا آيات انتي بهدلتي الراجل.. بس بصراحة جامدة خلتيه ماشي يكلم نفسه.
آيات قعدت مكانها تاني وبصت علي مقعد عامر اللي جنبها وقالت .....
