قصه رائعه بقلم شيماء عثمان

بسم الله توكلت على الله ولا حول ولا قوة الا بالله 
فى احد العقارات الفخمه فى وسط البلد تقف شيرين تضغط على جرس احد الشقق لتفتح لها سيده فى عمر الاربعين .جميله المظهر يظهر عليها علامات الثراء . نظرت لشيرين بأعجاب وتبسمت 
شيرين مساء الخير يا افندم حضرتك مدام مها !
مها بنفس الابتسامه وبى ابداء اعجابها لشيرين ايوه انا . انتي مين 

شيرين انا شيرين من طرف مدام حنان الخياطه . وباعته معايه فستان حضرتك 
مها اه .اهلا . طب اتفضلي جوه على ما اقيسه واجبلك باقي الحساب .
شيرين لاء معلش انا وصلته وحضرتك ممكن تكلميها فى التليفون وتبقى تقوليلها لو في اى حاجه مش عجباكى .
مها بأصرار لاااء مش هينفع عشان لو فى حاجه مش هقدر ارجعلها بيه . ثواني بالظبط وهكون خلصت انتى خاېفه ليه كده 
شيرين وتسلل القلق لقلبها طب اتفضلي قيسيه وانا واقفه هنا منتظراكى . بس من فضلك بسرعه عشان عندى شغل 
مها بتصميم مش هينفع تقفي هنا قدام الباب .اتفضلي جوا .مټخافيش انا معنديش حد .انا عايشه لوحدى 
شيرين اتوترت اكتر من تصميم مها وفالاخر امتثلت للامر الواقع عشان تخلص ..دخلت معاها وقعدت فى الصالون لحين انتهاء مها من قياس الفستان ...
مها بأبتسامه ثوانى وهرجعلك . البيت بيتيك دخلت مها للداخل ...وبعد ثوانى خرج شاب يبدو عليه الغموض من الوهله الاولى تجمد حين رأي شيرين . شيرين ترتدى ديرس طويل فضفاض و محتشم ومحجبه نظر لها مستعجبا من امرها 
الشاب بنظرات غامضه انتى مين وبتعملي ايه هنا ! 
شيرين بعفويه انا شيرين من طرف مدام حنان الخياطه وكنت جايبه فستان مدام مها 
الشاب انتى بتشتغلي خياطه يعنى 
شيرين بقلق وخوف من غموضه لاء انا محاميه .بشتغل فى مكتب محامي كبير .والدتى هي اللى تعرف مدام حنان . وهي طلبت مننا نوصل الفستان لمدام مها .وقالتلي بيتها فى سكتك فأخدته منها . من فضلك المدام اتأخرت . وانا عندى شغل وكده هتأخر . ممكن تستعجلها شويه .الشاب حس ان كلام شيرين كله صدق فهي تقول

الحقيقه و بأرتباك وتوتر . وهو يعلم ما سيحدث الان .
الشاب لشيرين قومي معايه بسرعه مافيش وقت 
شيرين پخوف اقوم فين .هو فى ايه بالظبط 
الشاب بسرعه شديده وبأرتباك مسك ايديها وبقلق يلا قولتلك مافيش وقت .انتى ايه بس اللى جابك هنا دلوقتى 
شيرين الخۏف سيطر عليها ولسه هتشد ايديها من ايده سمعت صوت خبط على الباب بطريقه مرعبه .الشاب شدها بسرعه .واتجه بيها للمطبخ عشان يخرجها من الباب الخلفي ولكن للاسف كانت الشرطه حاوطت المكان .وكان بعض افراد الشرطه يقفون من الخارج . فتح الشاب الباب وللاسف دخل بعض افراد الشرطه ومسكوا شيرين .والشاب كان بيحاول يقولهم انها مش
بتشتغل هنا . وهي غريبه