بارك الله لكما وبارك عليكما

بارك الله لكما وبارك عليكما وجمع بينكما في خير.
يوسف.
نعم يا قلب بوسف.
أنا مبسوطة أووي بالرغم إن معملناش فرح كبير ولا حاجة بس أنا مبسوطة إني بقيت مراتك.
يوسف بنظرة خبيثة
أنا أكتر واحد مبسوط أنا مش مصدق إن أنت قدامي دلوقتي ومراتي بعد كل المشاكل والصعوبات دي أنا بحبك يا سديم وأتمنى نفضل مع بعض للنهاية.
وأنا بحبك أكتر يا يوسف متسبش إيدي أو تبعد عني أنت وعدتني هتفضل جمبي صح.

ايوه وعدتك ومش هخلف بوعدي إلا على مۏتي يا قلب يوسف يلا عشان أنا استأذنت باباكي عشان نخرج شويه.
ماشي يلا وبقلك على فكره أنا عاوزه أروح على البحر مش عاوزه أروح مكان تاني.
ماشي يلا هعملك اللي أنت عوزاه هو أنا ليا غيرك.
عند البحر
باباكي تعبني أووي يا سديم عما وصلنا للمرحلة دي بس خير أهم حاجة إني وصلتلك أنت مش متصورة أنا فرحان أد إي إنك بقيتي على اسمي خلاص.
ما أنت عارف بابا صعب شويه بس بيحبني والله ومتنساش أن كان زعلان في الأول عشان كان عاوز يجوزني ياسين ابن عمي عشان ميزعلش عمي بس عشان تمسكك بيا ده ورفضي جدا لياسين بابا حس أنو مينفعش ومش هيقدر يفرقنا.
معاكي حق بس متجبليش سيرة ياسين ده تاني بالله عليك مش شايفه كانت نظراته ليك انهاردة عاملة ازاي.
يا حبيبى خلاص اهدي هو عارف إني بحبك ومش بعتبره غير أخويا وابن عمي بس يا يوسف وأنت عارف كده.
ماشي بس حاولي ميكونش في كلام معاه خالص غير أنه معندوش كرامة أتقدم كذا مرة وهو عارف إنك رفضاه وبتحبيني أنا.
سديم بمحاولة لتغير الموضوع
خلاص بقى يا يوسف مش هنفضل نتكلم على ياسين في يوم زي ده.
عند ياسين
أنا عارف إن سديم مبتحبنيش يا رب وعارف إنها مبقتش ليا بس أنا خاېف عليها من يوسف هو مبحبهاش هيا متعرفش الحقيقة هو بينتقم مني ومن باباها فيها أنا مش عارف هو بيعمل فيها كده لي هيا ملهاش ذنب ومحدش مصدقني حتى عمي فكر خلاص إن يوسف حبها بجد ومش هينتقم منها ولا حاجة مبقاش
في إيدي حاجة أعملها ومعتش ينفع أفكر فيها بقت باسمه بقت ملكه هو زمانه دلوقتي ماسك إيدها قاعد مكاني بيقول كلام بمشاعر مزيفة.
دخلت نور بدموع وقالت
صدقني يا ياسين مش عارفة مقدرتش أوقفها لي هيا حتى دلوقتي زعلانة مني عشان مكنتش واقفة جمبها في كتب الكتاب أووي مع إني أقرب واحدة ليها الظاهر إن يوسف فهمها إني وحشة ومكنتش فرحانة أووي عشان كنت عاوزاها تتجوزك أنت عشان أنت أخويا بس هيا متعرفش الحقيقة ولا حتى هتصدقها أنا حاولت كذه مره أقلها يوسف بيضحك عليك مصدقتنيش متزعليش يا أخويا أكيد هتفهم قريب بس لازم نفهمها في أسرع وقت قبل ما يوسف يأذيها.
حان