رواية هواها محرم (كاملة جميع الفصول) بقلم اية العربي

صاحب العقل المستنير هنا ولن يفهمه أي أحد 
ماتقلقش يا عمي الكلام ده مش حقيقي أنا بس بحب أقرأ عن مواضيع كتير وأجمع معلومات إنت عارف إن كل ما
الواحد يقرأ أكتر هيستفيد أكتر .
المهم يقرأ الحاجة الصح اللي تفيده ومايدخلش على عقله معلومات مضللة .
هكذا قالها حسن موضحا فأومأ طه مؤيدا بخبث 
طبعا لازم الواحد يدور على كتب تفيده مش خرافات تأثر عليه طول حياته .
طالعه حسن بنظرة متشككة لثوان ثم أومأ يزفر وقال بتأن 
أهم حاجة واللي أهم من القراءة إنك تتدبر اللي هتقرأه أنا أيام الجامعة قابلت دكتور هو اللي أخد بإيدي بعد ما كنت قربت أخلع من توب عيلتي بسبب قسوتهم وظلمهم وخصوصا جدك الله يرحمه لولا رحمة ربنا والدكتور ده أنا كنت ضعت ومشيت في سكة اللي يروح ما يرجعش وده كله لإن اليأس لما بيتملك من الإنسان بيفتح جواه طرق يدخل منها الشيطان ولو دخل جوة قلوبنا وعقولنا واتملك منها يبقى عليه العوض هيضللك ويوديك في طرق الكبر والتعالي وتشوف نفسك إنك صح وإن كل اللي حواليك غلط .
تحول هدوءه إلى تجهم وأقتمت نظرته من حديث حسن الذي صفع أفكاره وتوترت جلسته بينما تابع حسن بنبرة صارمة وهو ينظر في عينيه 
مافيش حاجة حوالينا صدفة ومافيش حاجة بتحصل في الدنيا غير بسبب وحكمة أوعى تصدق إنك حر نفسك أوعى تخلي شيطانك يتملك منك ويجملك أفكارك لازم تبقى عارف كويس إنت مين وجاي الدنيا ليه ورايح فين .
إنت بتقول لي الكلام ده ليه دلوقتي 
نطقها بحدة دلت على غضبه فتحدث حسن بهدوء وهو يوضح حسن نيته 
أنا بحكيلك عن كلام الدكتور ليا وفي النهاية إنت كبير وواعي وتقدر تميز بين الصح والغلط .
بات يريد خروجه بأي شكل وكأن شيطانه قد حضر ليهاجمه بعدما استمع لكلماته التي يخشاها ويخشى تأثيرها على مطيعه لذا نهض من مكانه يردف بضيق واضح واستفاضة 
أنا عارف كويس إيه الصح وإيه الغلط ومش محتاج لدكتور ولا محتاج مساعدة من حد وياريت يا عمي زي ما إنت من سنين بتهتم بعيلتك وأولادك بس تخليك مكمل في سكتك وتسيبك من دور الأب معايا لإنك مش أبويا أنا أبويا واحد اختار كل حاجة في الدنيا يتمتع بيها إلا ابنه أنا الوحيد اللي رفض يختارني أنا الوحيد اللي شايف إني ماليش لازمة في الحياة ومن الآخر كدة كلامك مش هيفيدني ولا هينفع معايا إحنا سككنا مختلفة .
نهض حسن من مقعده ينظر لابن أخيه الضائع بحزن بالغ وقلبه يؤلمه على حاله وما آل إليه أمره لذا تنهد وقال قبل أن يغادر 
محدش بيختار أهله يابني بس كل إنسان حر في اختيار مصيره وكل واحد بيشوف الحياة من منظور مختلف فيه اللي جواه أمل وثقة في رحمة ربنا وفي اللي بييأس منها ياريت يابني يكون لسة جواك أمل .
تحرك بعدها يغادر بحزن تجلى على ملامحه وتركه يقف يطالعه وجنود عقله تحتضر ف كلما حاولت النهوض تأثرا بتلك الكلمات أتت مدرعات اليأس تسحقها وترفع أعلام الخيبة والدمار داخله .
وصلا إلى مطار خاص كما أخبره صقر وجلسا أمام مدخله في السيارة ينتظران الطائرة التي في طريقها إليهما .
كانت مشتتة والتزمت الصمت بعدما سألته ولكنه لم يجبها بل كان شاردا يفكر بانزعاج تام .
فقط حديثا مختصرا بينه وبين صقر يعرف منه التفاصيل والتي ما زادته إلا قلقا .
رن هاتفه مجددا فأجاب على الفور قائلا بتهجم 
أسمعك .
تحدث صقر بهدوء 
الطائرة شارفت على الوصول ستعودان إلى مصر ولكن ليس إلى الفيلا اذهبا إلى ذلك البيت الذي كنتما تمكثان فيه في جزيرة جوبال إلى أن أتأكد من تأمينكما احذر أن تترك أثرا .
أغلق معه وترجل يردف وهو يتجه للخلف ليجلب الحقيبة 
هيا خديجة الطائرة على وصول .
أومأت بملامح باهتة وحزينة وترجلت معه فتمسك بكفها يسيران نحو الداخل حيث كان في استقبالهما رجلا على علم مسبق بم سيفعله .
دقائق ووصلت الطائرة وصعدا على متنها وما إن جلسا حتى وجدته يرفع رأسه عاليا ويغلق عينيه بينما أسنانه تصطك غيظا لذا تساءلت مجددا بتوتر 
ممكن بقى تفهمني إيه اللي بيحصل 
كأنها ليست موجودة وكأنه لا يسمعها حيث ظل على حاله حتى بعدما أقلعت الطائرة لذا كادت أن تثور ولكنها تمالكت نفسها بصعوبة إلى أن يصلا ربما الآن هو في قمم غضبه وهذا بالفعل ما يحدث داخله .
يفكر ماذا إن علمت الماڤيا بوجوده حيا هو وصديقه ماذا إن قرروا الاڼتقام منه فيها .
جن جنونه أكتر ورفع كفه يلكم عقله پعنف انتفضت على أثره وهي تطالعه بذهول وخوف تجسد أمامها فباتت ترتعش كليا وتبتلع لعابها مما يحدث معه ولهذا هو صامت فإن تحدث الآن ربما سيبصق كلمات تحزنها .
كانت تجلس في شرفة غرفتها تتأمل المكان من حولها .
الحرس والأشجار والسياج والبوابة الحديدية الضخمة والتي على ما يبدو أنها صممت خصيصا لتمنعها