حبيبي زوجني عمه

عمل فيا
الحلقة التانيه
مندور فضل يكلم زينب اللي سرحانة في بدر ومش عارفه تشيل عنيها من عليه وابوها قال
وااه انتي يازينب مالك يابتي
زينب انتبهت لابوها وقالت له
نعم يابوي نعم
مندور
سرحت في ايه يابتي من الصبح واني اتكلم وياكي وانتي ولا انتي اهنه واصل في ايه هي الشمش كلت دماغك ولا ايه
زينب
هاه ايوه يابوي ايوه هي باين الشمش هي اللي حامية على دماغي
مندور
طيب يازينب يلا روحي على الدار وتسلم يدك على الوكل
زينب
تسلم وتعيش يابوي بالف هنا وشفا على جلبك ياحبيبي مش عايز مني حاجه
مندور
لاه يابتي بس خلي بالك من روحك وانتي ماشية

زينب
حاضر يابوي سلام ياعم سالم ولاني زعلانة منيك عشان مكلتش من الوكل بتاعي
سالم
كيف ديه ما اني اكلت بس عشان اكمني واكل محبتش اكسف واكلت لجمة بسيطة أكده تسلم يدك ياست البنات احلى وكل اكلته من يدك يازينب
زينب
ربنا يخليك ياعم سالم يلا بالاذن اني يابوي معايزش مني حاجة
مندور
سلامتك يابتي مع السلامه
ومشيت زينب وهي عنيها على بدر اللي بيتابع العمال اللي شغالين في الأرض وراحت ناحيتة لما بعدت عن ابوها
وجات قدامة وعملت نفسها وقعت وقالت لنفسها 
ااه يارجلي ااه يسوادك يازينب بجي عشان تخليه ياخد باله منيكي تجومي توجعي نفسك اديكي كنتي هتتكسري ياحزينة
وجه بدر من وراها وقال لها
انتي مين وبتعملي ايه اهنه
زينب شافته ارتبكت ونسيت الكلام ماهي بتحبه لكن هو مش معبرها وفضلت بص له وقال
وااه انتي لسانك اكلته الجطة ولا ايه ما تنطجي وتجولي انتي وبتعملي ايه اهنه
زينب
اني اني زينب ااا بت مندور العامل اللي عيشتغل اهناك ديه
بدر
ااه طيب وايه اللي دهولك أكده ايه مش شايفه جدامك جبل ماتوجعي الۏجعة المنيلة دي انتي كويسه
زينب
الحمد لله اني بخير وجات سليمة الظاهر أكده ان الشمش ضړبت في نافوخي وماشوفتش الطريج واصل
بدر
طيب ابجي خودي بالك بعد أكده لتوجعي تاني
زينب
حاضر همشي بعد أكده على مهلي عشان مجعش تاني عن اذنك
بدر
استني عنديكي في حاجة وجعت منيكي هناك اهيه
زينب
ايوه ديه الايشارب اللي كنت مغطيه بيه الوكل تشكر ياساعت البيه انك نبهتني
بدر
أسمي بدر مش ساعت البيه دي
زينب ابتسمت له وقالت
حاضر يابدر بالاذن اني بجي سلام وسابته ومشيت
بدر قال لنفسه
مالها دي مچنونة ولا ايه
ورجعت زينب البيت وهي مبسوطه انها اول مره تتكلم معاه وقالت لأمها
خودي ياما الصنية بتاعت الوكل اهيه الحمد لله الوكل عجبة جوي
عديلة
ماهو ابوكي بيحب الوكل بتاعك يازينب وبيحب ياكل من يدك يابتي
زينب
ماني عشان أكده بحب اعمله الوكل واحب واوديه له بنفس
عديلة
طيب يلا عشان نشوف اللي ورانا في الدار ونلحج نخلصوه
زينب
اوامرك ياما انتي تؤمري امر ياحبيبتي وسابتها ودخلت المطبخ وعديلة قالت
وااه مالها البت دي
وعدت الايام وفي سرايا عيسى قال لبدر
بجالك فتر كابيرة تجولي انك عتدور على عروسة يابدر ليا واني لحد دلوك ماشوفتش لا عروسة ولا يحزنون
بدر
والله ياكابير اني مش ساكت وبسال في كل مكان وفجأه افتكر زينب البنت اللي وقعت قدامة وقال لعمة
طيب ايه رايك ياعمي في بت تكون أهلها غلابه بس بت مؤدبه جوي وابوها راجل طيب
عيسى
ودي تطلع مين دي يابدر وبت مين اني مايهمنيش مين أهلها اني اللي يهمني ان البت تبجا زينة يعني تكون حلوه ومؤدبه وبس
بدر
خلاص اني بكلم لك ابوها واخد منيه ميعاد ونروح لهم
وراح بدر اتكلم مع مندور وقاله ان عيسى كبير البلد كلها عايز يتجوز زينب بته وفرح ورجع البيت وقال لعديلة
تعالي ياعديلة عايزك في موضوع مهم جوي
و خلو اوضتهم وزينب قالت
وااه ابوي اخد امي ودخلو جوه ليه ياترى في ايه واني مالي واحد ومرته
ومندور قال لعديله
افرحي ياعديله تعالي اجول لك على الامله اللي هنبجو فيها والله شكل طاجت الجدر هتتفتح لنا باين
عديلة
في ايه يامندور مالك أكده وفرحان جوي ليه ياراجل ماتحكي وتجولي في ايه
مندور
زينب بتك جالها عريس انما ايه عارفه يطلع مين كابير البلد عيسي بيه
عديلة
واه عيسى بيه عايز يتجوز بتنا يامندور كيف ديه وشافها كيف ومېته
مندور
مش مهم شافها كييف ممكن يكون شافها وهي بتجيب لي الوكل الغيط وبعدين بدر بيه ولد اخوه هو اللي اتكلم وياي
عديلة
طيب وتفتكر ان زينب هتوافج يامندور اني حاسه انها هترفض وخصوصا ان عيسى ديه كابير عليها انتي ماتعرفش ياراجل
مندور
لاه عارف بس اني بجول فلوسه ومركزه