رواية مراوغة عشق (كاملة جميع الفصول) بقلم ملك ابراهيم

بصړاخ وعڼف وكأنهم بداخل الاستاد واللاعبين يستمعون الي توجهاتهم السيدات يقفون بالاعلى يتحدثون الى بعضهم من داخل الشرفة وأمرأة تضع الغسيل فوق الاحبال المعلقة بالشرفة ثم قامت بسكب ماء الغسيل امامه وهو يقف ينظر الى كل هذا بدهشة.
تراجع بجسده سريعا الى الخلف قبل ان تسكب السيدة الماء فوقه.
اقترب منه اسلام وتحدث بفخر وهو يقف بجانبه.
ايه رأيك في منطقتي 
نظر اليه يونس بشمئزاز وحرك رأسه بعدم رد.
نظر اليه اسلام بابتسامة قائلا.
تعالى بقى افرجك على شقتي ومتقلقش انا عايش لوحدي بعد مۏت ابويا وامي الله يرحمهم يعني هتبقى في الشقة برحتك
ذهب يونس معه وهو يستند على كتف اسلام وينظر الى كل شئ يحدث حوله بدهشة ويصبر نفسه انه سوف يبقى هنا لليلة واحدة فقط.
وقف احد الاشخاص امامهم يقطع عليهم الطريق وهو يترنح في وقفته و ينظر الى يونس بفضول ثم نظر الى اسلام قائلا.
مش تعرفنا بالباشا الا معاك يا اسلام
نظر اليه اسلام بارتباك ثم نظر الى يونس وتحدث بتوتر.
ده دا واحد صاحبي وفي شوية عيال طلعوا علينا وهو بيوصلني بعربيته لهنا وسرقوا منه العربية وبهدلونا زي ما انت شايف كده يا معلم صابر
وقف صابر بلطجي المنطقة يترنح في وقفته وهو يتأملهم بغموض ثم نظر الى يونس من الاعلى الى الاسفل قائلا.
صحيح باين عليه ابن ناس
ثم اضاف بفضول.
انتو تعرفوا مين العيال الا طلعوا عليكم دول 
تحدث اسلام سريعا.
لا يا معلم منعرفهمش
نظر اليه صابر بدهشة قائلا.
هو انت الا عمال ترد عليا ليه ياض يا اسلام انت ما تسيب الباشا يتكلم كده وياخد راحته معانا في الكلام
نظر إليه يونس بدهشة ولم يفهم بعض كلماته ثم تحدث اسلام بارتباك.
اصله مبيتكلمش ولا بيسمع يا معلم
تأملهم صابر بدهشة ثم تحرك اسلام من امامه وهو يأخذ يد يونس واتجه به سريعا الى العقار الذي يسكن به.
وقف المعلم صابر يتابع دخولهم العقار بدهشة ثم عاد الى ورشته مرة اخرى.
صعد اسلام الدرج وهو يسند يونس معه حتى
وصلوا للدور الثاني من العقار وقام بفتح شقته ورحب بيونس وهم يدخلون معا.
نظر يونس الى الشقة پصدمة واسلام يسنده حتى جلس على اريكة عاليه موضوعه بوسط الشقة.
وقف اسلام يأخذ انفاسه ثم تحدث بحرج وهو يأخذ ملابسه المتناثرة في كل مكان بالشقة قائلا.
معلش الشقة مش اد المقام شقة عازب بقى
نظر يونس الى الحيطان المشققة و الى دهان الشقة المتساقط والى محتويات الشقة المتهالكة قائلا بدهشة.
الشقة شكلها قديمة جدا
تحدث اسلام وهو يلقي بملابسه فوق الفراش بداخل غرفته.
اصلها ايجار قديم ابويا وامي الله يرحمهم كانوا متجوزين فيها وانا عايش فيها لوحدي من بعد وفاتهم
ثم اضاف وهو يتجه الى خارج الشقة.
هروح انادي الدكتورة فرح بنت خالتي تشوفلك الچرح هي في الشقه الا قصادي دي
ثم خرج من شقته وذهب الى الشقة المقابلة له وطرق على الباب بقوة.
تابعه يونس من داخل الشقه وهو يجلس فوق الاريكة الموضوعة بمنتصف الشقة.
ارتفع صوت اسلام وهو يطرق على الباب بقوة قائلا.
يا دكتورة فرح يا ست الدكتورة
فتحت له الباب فتاة في بداية العشرينات من عمرها وهي تضع الحجاب فوق رأسها ويظهر على وجهها اثر بكاء شديد وترفع اكمام عبايتها المنزليه وتمسك السکين بيد وبصلة باليد الاخرى وتحدثت معه وهي تحاول فتح عينيها بصعوبة ولا تستطيع من كثرة الدموع التي تسيل من عينيها بسبب رائحة البصل القوية.
عايز ايه يا اسلام دلوقتي مش فضيالك
تحدث اسلام وعينيه بدأت في الاحمرار هو الاخر من قوة رائحة البصل.
في واحد صحبي عنده چرح في رجله وكنا عايزين نعالجه
فتحت عينيها بصعوبة قائلة.
بس انا مش فاضية دلوقتي يا اسلام انا لسه راجعه من المستشفى وبحضر الاكل زي ما انت شايف وعايزة اخلص بسرعة امي مكلتش لقمه من الصبح
تحدث اسلام برجاء.
معلش يا فرح دا صحبي والدنيا ليل هروح بيه فين دلوقتي
زفرت بضيق ثم تحدثت بقلة حيلة.
حاضر يا اسلام هدخل اعلق على العدس واجاي اشوف چرح صحبك ده
تحدث اسلام بجوع.
الله هنتعشى عدس النهاردة
تحدثت فرح بغيظ.
يارب صبرني
ثم اتجهت الى داخل الشقة ودخل اسلام خلفها يتحدث الى خالته الجالسة فوق الاريكة الموضوعة بمنتصف شقتهم وتشاهد احد المسلسلات التركية بتركيز شديد.
عجبك الا بنتك بتعمله فيا ده يا خالتي 
تحدثت خالته وهي تشاهد التلفاز بتركيز.
اعذرها اصل الزفت الا اسمه صابر ده بيغلس عليها في الرايحه والجايه وكانت لسه مسحه بكرامته الحارة من شوية
تحدث اسلام بقلة حيلة.
والله يا خالتي احنا كلنا زهقنا من صابر الزفت ده بس هنعمل ايه ده البلطجي بتاع الحارة واحنا مش ناقصين مشاكل
خرجت فرح وهي تنزل اكمام عبايتها على يدها وتغطيها بالكامل وتحدثت معه قائلة پغضب وقوة.
بلطجي على نفسه طب والله لو ما احترم نفسه معايا
لأكون مسحه انا بكرمته الارض في الرايحه والجايه
ثم اخذت كيس صغير به بعض ادوات التعقيم واللاصق الطبي وبعض المراهم مضاد الحيوي وتحدثت الى والدتها.
قومي يما معايا ندخل شقة اسلام اشوف چرح صحبه ده
تحدثت والدتها وهي تشاهد التلفاز بتركيز.
ما تروحي لوحدك يا فرح هو اسلام يعني غريب ده ابن خالتك
تحدثت فرح بغيظ.
هدخل شقة لوحدي مع اتنين رجاله وتقوليلي ابن خالتك !!
وقفت والدتها تستند على يد اسلام وهي تتحدث معها.
طب تعالي هدخل معاكي بس خلصي بسرعة عايزة اشوف الحلقة قبل ما تخلص عشان المسلسل الهندي هيجي بعد ده
تحدثت فرح بغيظ وهي تذهب خلف والدتها واسلام.
والله مش عارفة اخرتها معاكي ومع المسلسلات الهندية والتركية دي ايه !
دخلت والدة فرح مع اسلام شقته وتفاجأت بشاب جميل الملامح مثل ابطال المسلسلات التي تتابعها ثم ابتسمت وهي تتحدث بسعادة.
بسم الله ماشاءالله ايه الواد القمر ده ياواد يا اسلام ده شبه الممثلين الا انا بتفرج عليهم
ثم تحدثت الى فرح.
صح يا فرح شبه البطل الا كان في المسلسل امبارح ابو عنين ملونه ده 
نظر إليهم يونس بدهشة ثم همس بداخله.
إيه المجانين دول !
نظرت اليه فرح بدهشة وتقابلت عينيها بعينيه الساحرة ثم خفضت وجهها سريعا بحرج وتحدثت بعدم اهتمام.
انهي مسلسل فيهم 
جلست والدتها بجوار يونس وتحدثت وهي تتأمله عن قرب بسعادة.
يابت المسلسل الا البطل فيه كان امور اوي البطل الا كان عجبك ده
احمر وجه فرح بشدة وتحدثت مع والدتها بغيظ.
ايه يا امي الا انتي بتقوليه ده ! فضحتينا قدام الراجل
تأملت والدتها يونس بأعجاب شديد وسعادة وكأنها تجلس بجوار احد ابطال مسلسلاتها المفضلة حقا ثم تحدثت بدهشة.
سبحان الله هو والله شبهو بالظبط
زفرت فرح بغيظ من والدتها ومن تعلقها الشديد بابطال المسلسلات ثم وضعت الكيس من يدها واقتربت من يونس حتى ترى جرحه وتعالجه وهي تتحدث اليه.
معلش اصل امي متعلقه شوية بابطال المسلسلات
ثم اضافة وهي تنحني بجسدها ترى جرحه.
ايه ده الچرح ده بمطوه !!
__________________________
الوزير الفرنسي في منطقة شعبيه وشكل فرح هتأكله من العدس بتاعها ربنا يستر على العلاقات بين مصر وفرنسا بعد العدس
منتظرة رأيكم في الكومنتات
ياريت الكل يتفاعل لان لو التفاعل بقى ضعيف النهارده كمان الرواية مش هتنزل يوميا هتكون يومين فقط في الاسبوع لان التفاعل الشئ الوحيد الا بيشجعني اكمل.
صلوا على الحبيب المصطفى صلى الله عليه وسلم