مكتوبه على اسمي للكاتبه ملك ابراهيم الحلقه ١٩
انت في الصفحة 1 من 4 صفحات
الحلقة_19 هدية لمتابعيني
مكتوبة_على_إسمي
بقلمي_ملك_إبراهيم
عامر بصلها بثقة وقالها مش هترجعي.. بس لازم عمك يطمن عليكي ويشوفك وانتي في بيتي.
آيات پصدمة في بيتك ازاي يعني!!
عامر بدهشة في بيتي يا آيات!! بيت جوزك ولا نسيتي!
آيات خفضت وشها بتوتر وقالت و.. وبابا جاي معاه
بصلها بحزن ومقدرش يقولها الحقيقه وقال لا.
اتكلم عامر بحزن مش دايما الهروب بيكون الحل.. اوقات كتير المواجهة بتكون افضل من الهروب.
آيات بصتله پغضب وقالت انت السبب في هروبي ده على فكرة.
عامر بصلها وقال انا عارف ان انا كمان غلطت بس ممكن نأجل كل الكلام ده لبعدين.. عمك لازم لما يجي يلاقينا احنا الاتنين كويسين مع بعض عشان يطمن عليكي وميفكرش ياخدك معاه البلد وهو راجع.
عامر بثقة طبعا.
آيات ابتسمت خلاص اتفقنا.. بس اول لما عمي يرجع البلد انا هرجع الشقة عند البنات تاني.
عامر بصلها اوي وقال ربنا يسهل.
آيات بصت قدامها وافتكرت الشغل بتاعها وقالتله بفزع الشغل!! انا مروحتش إمبارح ولازم اخد اجازة النهاردة!
عامر ببساطه عادي الشغل مش مشكله.. وبعدين انتي مسؤولة مني ومش محتاجة تشتغلي بعد النهاردة!
عامر يعني كل مصاريفك وكل اللي تحتاجيه مسؤوليتي انا من اللحظة دي.
آيات بصتله بقوة وقالت باعتراض لا طبعا انا مش موافقه علي الكلام ده ومش هاخد منك اي حاجة وانا قادرة اصرف على نفسي.
عامر بصلها وقبل ما يتكلم تليفونه رن برقم صاحب معرض العربيات اللي بيتعامل معاه.. عامر رفض المكالمة وبعد لحظات الرقم اتصل مرة تانيه وعامر بص ل آيات وقالها لازم ارد على المكالمة دي ضروري.
عامر الو..
صاحب معرض العربيات الو.. عامر باشا انا توفيق صاحب معرض العربيات.
عامر اهلا يا توفيق خير
توفيق ميسره هانم والدتك ومعاها انسه ميرنا خطيبتك عندي هنا في المعرض واختاروا عربية وعايزيني اعملهم عقد وقالولي ان حضرتك اللي هتدفع تمن العربيه.
عامر زفر پغضب وهو بيسوق العربية وهمس بصوت واضح ل آيات برضه يا امي عملتي اللي في دماغك!
آيات بصتله بستغراب وعامر رد على صاحب المعرض بضيق تمام يا توفيق خليهم ياخدوا العربية اللي اختاروها وانا هجيلك المعرض نخلص كل حاجة مع بعض.
توفيق بس.. بس الهانم مختاره عربيه غاليه شويه وانسه ميرنا عايزة عقد العربية يكون بأسمها.
توفيق تمام ياباشا تحت امرك.
قفل عامر المكالمة وآيات بصتله وسكتت لما لاحظت الڠضب الشديد اللي ظهر علي ملامحه وبعد دقيقة واحدة تليفونه رن مرة تانيه وعامر رد بعصبيه نعم يا امي
ميسرة إيه يا عامر الكلام ده.. احنا في المعرض بنختار عربيه ل ميرنا وتوفيق مش عايز يكتبلها العقد!
عامر پغضب مكتوم هيكتبلها عقد ازاي يا امي وانتوا مدفعتوش فلوس!
والدته بتوتر فلوس إيه اللي ندفعها يا عامر مش انا اتفقت معاك انك انت اللي هتشتريلها العربيه
عامرلا يا امي.. حضرتك خدتيها من ورايا وروحتوا تختاروا العربيه وانتي عارفه كويس اني رافض موضوع العربيه ده!
والدته بتوتر انا مكنش قصدي اخدها من وراك
