حماتي طردتها من البيت

أنا أتجوزت في بيت عيلة من سنين طويلة جوزي الله يرحمه كان ابن حلال وأخلاق ماشية على الأرض وأخوات جوزي راجلين وبنتين متجوزين برضه كويسين آه كان في مشاكل عادية بين السلايف بس كانت حاجات بسيطة يعني وأسرارانا مش بتطلع بره .
مشكلتي ومشكلة جوزي ومشكلة البيت كله كانت في حمايا وحماتي وحماتي بالذات
أخو جوزي الصغير الواد الرابع اللي جه فوق راس البنات

كان متدلع زيادة عن اللزوم 
أى حاجة يعوزها لازم تتجاب في وقتها
لما فشل في الدبلوم عملوله محل موبايلات صغير
مفيش حاجة وأتداين وخرب الشغل
بعدها طفش وراح مصر
وفضل هناك شهور ولما رجع كان عايز يتجوز !
عايز يتجوز وهو مش معاه قرش واحد وجوزي وأخواته لسه بيسددوا في ديونه
أبو جوزي وأمه فرحوا قوي وكانوا عايزين يجبروا جوزي وأخواته يلموا من بعض ويجيبوله شقة ويجهزوه ويجوزوه من شقاهم وقوتهم وقوت عيالهم التلاتة رفضوا وقالوا لأبوهم 
يشتغل ويجيب من دراعه ويتجوز .
هو سمع كده وزعل وراح طفش تاني بس المرة دي أستلف مبلغ كبير من معارف لينا وكتب لهم شيك وهرب .
الناس جم يطالبونا وجوزي وأخواته لموا من بعض وسددوا له الدين
وبقت دي عادة عنده ينزل البلد يستلف فلوس كتيرة ويهرب والناس تيجي تخبط علينا وتطالبنا
ولما أهل البلد عرفوه وبطلوا يسلفوه بدأ يروح للمعارف في البلاد اللي حوالينا مرة يستلف
ومرة يعمل نفسه بيتاجر أو بيوظف أموال لغاية لما بقينا نخاف لما نسمع صوت حد بيخبط على بابنا !
كان بيجي يستلف ويخبي علينا ويقعد يومين ويقول ورايا شغل ويطفش
وبعدها بقي مبيجيش البيت خالص ينزل يستلف ويمشي من بره لبره
حمايا ماټ بالجلطة بعد ما مبقاش عارف يمشي في البلد ويوري وشه للناس اللي كل واحد فيهم مداين ابنه بحاجة .
لغاية لما عمل المصېبة الكبيرة نزل بلد جنبنا ولم فلوس كتير من الناس
عمل نفسه بيوظف أموال بربح كبير جمع أكتر من مليون جنيه وهرب بعدها !
کاړثة وبلوي وجوزي واخواته ملقيوش حل غير يبيعوا بيت العيلة ويسددوا الدين الكبير اللي خده ال أخوهم
عشان كمان من ضمن اللي خد منهم