حماتي طردتها من البيت

جماعة معروفين إنهم قتالين قتلة ومؤذيين وممكن يبهدلونا .
بعنا البيت وطلعنا نبكي على شققنا وحاجتنا والملك اللي سبناه عشان عيل صايع محدش رباه ولا أدبه
مفيش حاجة بعدها وجوزي أتوفي الله يرحمه كان مريض بالسكر
وبعد ما طلعنا على شقة إيجار علشان الفلوس اللي فضلت من تمن البيت بعد تسديد الديون مكفتش نجيب شقق تمليك بعدها زاد عليه المړض
رغم أنه كان كويس قبلها وعايش طبيعي شوية وأتوفي وسابلي تلات عيال .
حماتي جات قعدت معايا عشان أنا مرات المرحوم الكبير
ورتني الويل شتايم وقلة أدب ومد أيد
ومتهماني إني وش فقر وكلت ابنها

مع أن ابنها الصغير ال... هو سبب كل المصاېب اللي احنا فيها .
على فكرة هو محضرش ډفنة ولا عزا أخوه ولما جه بعد كده عمل نفسه ميعرفش الخبر !
نزل البلد تاني وأنا كنت حاطة أيدي على قلبي وهو مرزوع هنا كان عايز يتجوز أختي !
صايع وفاشل ولا معاه شغل ولا فلوس ولا حاجة
وعايز أختي المتعلمة الموظفة تتجوزه وتصرف عليه طبعا أهلي رفضوه
ومن ساعتها وحماتي مبهدلاني
زادت في شتايمها وغلطها 
طبعا أنا هزأتها ساعتها وهددتها أرميها بره البيت أنا بشتغل وبصرف على البيت وعلى عيالي
والله والله مرض جوزي الأخراني قبل ۏفاته الله يرحمه ويجعل مثواه الجنة ما خلا معانا قرش !
المهم إنها فضلت قاعدة وبتقول إنها قاعدة في ملك ابنها وبتصرف من خيره
رغم إنها عارفة إني أنا اللي بصرف على البيت كله من شغلي ومساعدات أهلي واختي ليا
من شهر جه الصايع تاني وقعد يومين وبعدين مشي
وبعد ما غار جم ناس قالوا أنه استلف منهم سبعين ألف جنيه !
أنا صوت ولطمت وقولت أجيب منين وأخوات جوزي الرجال قالوا محدش معاه يسددله تاني
وروحوا اشتكوه بالورقة اللي معاكم خلوه يتسجن ويخلصنا من شره .
حماتي بقي حطتني في دماغها وبهدلتني مصممة إني أسدد دين ابنها عشان ميتسجنش
وفضلت تشتمني وأرجع من الشغل ألاقيها قالبة الشقة
ورامية حاجتي وحاجات العيال في الشارع
وتصوت وتلم عليا الناس وتشتمني وټشتم أمي وتسب أختي وأهلي في عرضهم
كل ده وأنا صابرة وعاملة  طايقاها أكتر من كده .
الصبح كنت خارجة على الشغل قامت مزعقة ومبهدلاني وقالتلي 
إذا مكنتيش هتطلعي الفلوس اللي سرقتيها أنتي وناسك من ابني هبيع كليتك وأسد لولدي !
أنا كنت جبت أخري منها خلاص رديت عليها الكلمة بكلمة
وراحت مصوتة ولمت الناس علينا
وقالت إنها هتبيع كلية بنتي
وجابت التليفون وأتصلت بابنها الصايع وبقت تقوله قدامي 
تعالي يا ولدي نودي قصدها على بنتي المستشفي ونقطعوا كلوتها وتاخد الفلوس وتسد دينك يا ضناي !
ساعتها بقي مبقتش قادرة اسيطر علي نفسي و أسكت لها أكتر من كده
جبتها من شعرها وحطيتها تحت رجلي ونزلت عليها بالأقلام والشلاليت وضړبتها في بطنها برجلي كذا مرة .
الست دي سبب مصايبنا كلها ولو غارت ماټت هنرتاح كلنا لو غارت ابنها مش هيورينا وشه تاني وهنخلص منه ومن قرفه ومن مصايبه !
أديتها العلقة التمام ولمېت لها هدومها وحاجتها وخليت ابني خدها رماها عند ابنها
وبعتله إني مش عايزاها تاني ولو رجعالي هرميها في الشارع !
أنا مش حاسة بالذنب ولا حاسة إني أفتريت عليها
بس في ناس مغلطاني وبيقولولي ست كبيرة وقلبها موجوع على ضناها
ومكانش يصح أضربها وأبهدلها وأطردها
وأن مرات ابنها التاني مش قابلاها وممكن يودوها دار مسنين
وساعتها ذنبها هيبقي في رقبتي أنا !