مكتوبه على اسمي للكاتبه ملك ابراهيم الحلقه ٤١
انت في الصفحة 4 من 4 صفحات
آكتر من اجتماع في الشركة وباشمهندس امجد صاحب عامر هيحضر الاجتماعات معايا وبعدها هنروح موقع تحت الإنشاء اتابع الشغل هناك.
ميسرة هزت راسها وقالت بتوتر اصل اصل انا كنت بفكر ابات الليلة دي مع ميرفت في المستشفى وفي نفس الوقت مش عايزة اسيبك لوحدك!
ردت آيات بأبتسامة انا عندي شغل طول اليوم النهاردة ويدوب هرجع علي النوم يعني حضرتك متقلقيش عليا وكمان في حرس على الفيلا أطمني.
وخرجت ميسرة من غرفة آيات وآيات كانت مستغربة سبب فرحتها انها هتبات في المستشفى مع اختها!!
رواية مكتوبة على إسمي بقلمي ملك إبراهيم.
في المطار.
عامر وقف يودع والده واخوه يوسف اللي كان حزين ان عامر مسافر ووعده انه اول لما ينتهي من دراسته الجامعية هيفكر في الرجوع ل مصر هو ووالده ووالدته.
في المساء قدام فيلا الجارحى.
علاء كان راكن عربيته في مكان قريب من بوابة الفيلا وكان في بنت قاعدة جمبه من البنات اللي هو متعود يسهر معاهم وكانت لبسه ملابس شبه عاريه وضيقه جدا وصبغة شعرها باللون الاحمر الڼاري.
علاء كان مركز بعينيه علي بوابة فيلا الجارحى ومنتظر رجوع آيات عشان ينفذ خطته بمساعدة البنت اللي معاه في العربية.
بعد دقايق قليلة امجد وصل بعربيته قدام الفيلا وآيات كانت معاه في العربية واتكلمت معاه بامتنان شكرا يا بشمهندس أمجد انا تعبتك معايا طول اليوم النهاردة.
آيات ابتسمت وقالت الفضل لله تعالى ثم ليك لولا انك رشحتلي مستشارين ثقة ساعدوني في الإدارة مكنتش نجحت.
امجد بص على الفيلا وسألها باهتمام لسه مفيش اخبار عن عامر
آيات هزت راسها بحزن وقالت للأسف مفيش وانا بدأت أخاف اكتر كل يوم بيعدي ومفيش اخبار عنه ده بيقلقني.
آيات بأبتسامة إن شاء الله.
ونزلت من عربية امجد وهي بتبتسم وتشكره.
البنت اللي قاعدة جمبه بصتله وسألته بدهشة مين دي
رد عليها پغضب ملكيش دعوة ويلا اجهزي عشان
تنفذي اللي قولتلك عليه.
البنت هزت راسها بالايجاب وآيات دخلت الفيلا وامجد مشي بعربيته.
كانوا اتنين حرس واقفين على البوابه بصولها بستغراب وهي قالت برقه مش دي فيلا المهندس عاامر الچارحي
رد الحارس اه يا فندم.
اتكلمت بدلع ممكن اقابله
الحارس بس الباشمهندس مش موجود.
البنت طب المدام موجودة
الحارس ايوا يا فندم.
البنت طب ممكن تقولها اني عايزه اقابلها بخصوص المهندس عامر.
الحارس هز راسه بالايجاب وطلب من زميله يكلم آيات ويبلغها.
آيات كانت طلعت غرفتها لكنها لسه مغيرتش لبسها والحارس كلمها وقالها ان في بنت عايزه تقابلها وبتقول بخصوص المهندس عامر.
آيات قلقت اول لما سمعت اسم عامر ووافقت تقابلها ونزلت بسرعة والحرس سمحوا للبنت بالدخول وهي كانت داخله الفيلا ومركزة جدا انها تعرف كم عدد اللي موجودين في الفيلا.
آيات اول لما شافتها استغربت من شكلها ولبسها وسألتها بدهشة أهلا بيكي اتفضلي انتي تعرفي عامر
ردت البنت بتوتر اه انا كنت مهندسة في الشركة عنده وكنت مسافرة
بقالي فترة ولما رجعت عرفت
اللي حصل وجيت اطمن عليه.
آيات بصتلها بدهشة لان البنت شكلها مكنش مريح ابدا وقالتلها شكرا علي اهتمامك.
البنت بصت حواليها وقالت هو مفيش حد هنا غيرك اسأله عليه
آيات بدهشة وڠضب ما حضرتك سألتيني وانا جاوبت وبعدين مفيش حد في البيت غيري.
البنت قامت وقالتلها طب شكرا يا جميل تعبتك معايا.
آيات بصتلها بستغراب والبنت خرجت بخطواتها المستفزة وصوت الكعب العالي اللي عمل ازعاج ل آيات وقالت بغيرة وڠضب مهندسة إيه دي!! معقول عامر يعرف واحدة من الأشكال دي!! لا اكيد لا عامر مش كده ابدا وعمره ما يكون كده!
واتحركت آيات عشان تطلع غرفتها لكن لفت انتباها شنطة البنت كانت موجودة على الأرض جنب المقعد اللي كانت قاعدة عليه!.
آيات مسكت الشنطة وهمست بستغراب دي نسيت شنطتها!!
وكلمت الحرس وقالتلهم ان الضيفه إللي كانت موجودة دلوقتي نسيت شنطتها ولو رجعت عشان تاخدها هي موجودة في الفيلا جوه.
البنت طلعت من الفيلا بسرعة وقربت من عربية علاء اللي ركنها بعيد عن الفيلا وركبت جنبه وقالت الفيلا فاضيه مفيش غيرها فيها وفي اتنين حرس على البوابة الكبيرة هنا وفي اتنين على البوابة التانيه.
علاء هز راسه وقالها تمام 10 دقايق وترجعي تسألي علي الشنطة والباقي انتي عرفاه. بقلمي ملك إبراهيم.
. يتبع
