رواية كامله

انا قولتك من الاول خليه يجي في السر ويتجوز ويسافر ما رضيتش 
علام پحده زعق فيها وقال 
يا بوي من دماغ الحريم اللي مش هتفهم هالص دي يا وليه هو كان قادر يجي يشوف مرته
اسمع يا حج
وافهمني
زين
احلام بت اخوك خلفت مره وحده وخلفتها بت ومعتقدرش تخلف تاني وانت كل اللي حيلتك واد واحد وعايزين نشوف عوضه وولده ونطمن عليه قبل ما نروح انا وانت ونقابل وجه كريم 
رد عليها علام وقال باقتناع 
انتي معاكي حق بقولك ايه شوفيله انتي عروسه وانا عبقي
اتكلم ويااه واقوله واقنعه 
ام عيسي بحماس 
العروسه موجوده تهاني بت اخويه بنت حسب ونسب وصغيره وحلوه واخواتها الينات كلهم متجوزين وخلفتهم رجاله 
اتنهد علام بضيق وقال 
طيب انا وياكي فيه الكلام ده بس البت احلام دي بعد ما ابوها وامها راحو ملهاش غيري 
لوت ام عيسي بوزها وقالت 
وانا مقولتش يطلقها ولا يسيبها انا قولت يتجوز ويخليها تعيش وياها هنا احلام دي هبله هتزعلها شويه وتبكي شويه وفي الاخر هتتراضي وهتسكت 
تاني يوم في اوضة عيسي واحلام دخلت احلام وهي ماسمه صنية الفطار وقالت 
احلام بصوت هادي 
عيسي يا عيسي 
صحي عيسي ورد عليها وهو لسه نايم وقال 
ايه يا يا احلام علي الصبح 
ردت عليه احلام وقالت 
قوم اكده ووسع عشان احط الفطار 
قعد عيسي وبصلها وضحك وقال 
ايه الدلع ده كله يا حبيبتي الافطار لحد السرير 
ردت عليه احلام وقالت 
علي الله عاد يطمر فيك 
عيسي بغيظ 
احلام في ايه هو انتي من لما جيت عماله تدبي في وشي الكلام دب 
احلام بحزن قالتله 
اهو شويه من الكلام اللي كنت بسمعه من حربم البلد انك سيبتني وطفشت ومطايفش ترجع في وشي 
ضحك عيسي وقرب منها وقال 
طيب دي كلها حريم متكاده منك ومتغاظه وبعدين انا عايزك يا احلام تبقي غير اي حد تفهميني قبل ما اي حد يفهمني انا كان طلعان عيني في الشغل وقدرت اعمل فلوس زينه وقريب هفتح مشروع اهنه 
احلام پحده 
وبعد ما تكبره ايوه تتجوز عليا صح 
ضحك عيسي وقالها 
امشي اطلعي بره يا احلام انا مش فايقلك علي الصبح 
لکمته احلام في كتفه وقالت 
طيب افطر يا اخويا وابقي انزل عمي عايزك تحت 
عيسي بخبث 
انتي صدقتي ولا ايه اقعدي افطري معايا انا نفسي بتتفتح وانتي بتاكلي معايا 
ضحكت احلام وقالتله 
هههههه علي اساس انك كنت صايم في دبي ده انت جاي زايد النص 
عيسي بغيظ 
في ايه يا عاد انتي هتقري عليا ولا ايه 
احلام وهي بتحاول ما تضحكش 
ايوه اكده عوصيني بالدلع اللي كنت محروم منه 
خلص عيسي افطار ونزل قعد تحت عند ابوه اللي قاله 
علام 
انت لازم تجيبلي واد يا عيسي 
اتنهد عيسي بضيق وقال 
وقته ده يا ابوي انا لسه راجع عشيه مناقصش ارجع علي الروح والجاي علي الدكاتره ومش عايز اتعب احلام اكتر من اكده 
علام بجديه قاله 
ما انت مش هتروح مستشفيات ولا هتروح بيت خالك تخطب تهاني بت خالك 
عيسي بعصبيه 
نعممم يا ابوي اتجوز مين واخطب مين انت واعي بتقول ايه كويس 
علام پحده 
ايوه واعي انا مش معايا اخ ليك ولا اخين ولا معايا انا نفسي معنديش اخ وانت اللي حيلتي ايه هتقعد علي مريم اكده من غير ما تخويها 
اتنهد عيسي بضيق وقال 
انا ما عيزش اتجوز علي مرتي