روايه حكاوي فيروز

لفترة طيب تعالي نتعشى الاول.
خرج معايا الاطباق وقعدنا كلنا ناكل بس الي استغربته ان لا هو ولا جدي جابوا سيرة العريس الي كان هنا من شوية ولا اي حاجة مكنتش قادرة افكر ممكن ده يكون ليه خصوصا بعد ما افتكرت الموضوع الي عمالة اتوه فيه بقالي كام يوم.
اغلب الوقت كنت سرحانة لحد ما كلهم بدأوا يلاحظوا ده لقيت تيتة بتحط ايديها على ايدي مالك يحبيبتي 
انتبهت ليها لقيتهم كلهم باصين ليا لا يتيتة انا كويسة انا بس صدعت وعاوزة انام. 
جدي اتكلم وهو بيقوم من على السفرة وانا كمان جبت اخري خلاص هتروح يحبيبي 

رد عليه وهو لسه باصصلي اه هروح يجدي بس وعد عاوزاني في كلمتين هنشرب شاي مع بعض وبعد كده همشي. 
اتكلم وهو ماشي ماشي يحبيبي سلملي على ابوك.
بعد شوية كنت بحط الصينية قدامنا احنا الاتنين في البلكونة وقعدت قدامه فضل السكوت بينا لحد ما هو اتكلم في ايه يا وعد ايه الي حصل 
الدموع اتجمعت في عيني اتعدل وهو بيقرب ناحيتي بخضة بټعيطي ليه بس يبنتي متعصبينيش متعيطيش بس! 
اتكلمت بعد ما خدت نفس عشان احاول معيطش من يومين لقيت رقم باعتلي طلع الرقم ده واحد اسمه محمود ومحمود ده المفروض انه يبقى ابن الي اسمه خالي ده. 
عقد حواجبه وده جاب رقمك منين ولا ايه الي فكرهم بيكي. 
رفعت كتفي مش عارفة والله انا اصلا عملتله بلوك. 
طب وايه الي مضايقك قالك ايه ده 
قالي كلام كتير وحش يمروان انا عمري ما كنت اتخيل انهم شايفيني وحشة كده! مش عارفة عملت ليهم ايه انا حتى مفتكرش انا كنت بحبهم ولا لأ! ومش طالبة ولا حبهم ولا كرههم 
ضحكت في وسط دموعي وانا بمسحها الي يضحك ان محمود ده ذات نفسه ميعرفنيش اصلا لانه شب يعني احنا في اعمار بعض يعني ميفتكرش مين وعد اصلا! قالي ان معرفش ابو ماما ده شافني فين صدفة وعرفني لاني شبهها رجعلهم البيت مش طايق نفسه واټخانق مع مراته وتعبتت وهي اصلا كانت تعبانة ف مستحملتش واټوفت وهو دلوقتي الي تعبان عشان حاسس بالذنب حاجات كتير انا مليش ذنب فيها والله بس هما هناك كلهم دلوقتي بقوا شايفين اني السبب في مۏت بنتهم وامها وكمان تعب ابوها! 
انا بس عملت ايه لكل ده!
اتنهد وهو بيقوم من مكانه وجه مسك ايدي وهو بيقعد قدامي اول حاجة متعيطيش بس عشان لما بټعيطي عفاريت الدنيا بتتنطط قدام وشي والله. 
مسحت دموعي وانا بهز راسي فهو اتكلم تاني حقك عليا بالله عليكي متركزي في اي كلمة اتقالت ليكي دول مش اهلك يا وعد عشان كلامهم يأثر فيكي انتي حرفيا ولا هما يعرفوكي ولا انتي تعرفيهم هتكوني السبب في مۏت مامتك ولا امها ازاي بس!
مش احنا كفاية 
ابتسمتله انتو
عندي الدنيا كلها. 
ابتسمت ده انتي الي ضحكتك دي بالدنيا كلها والله متضايقيش نفسك بالله عليكي عشان والله لاروح ادور على الي اسمه محمود ده وأوأده.
ضحكت وانا بمسح دموعي مكنتش عاوزة اقولك عشان كده. 
لا مهو ده حوار تاني سايبة مع حوار العريس عشان تبقى نفخة واحدة. 
بصتله وانا بضيق عيني انت ليه مفتري بقولك نفسيتي مش كويسة. 
ما انا لقيت حل يخلي نفسيتك كويسة. 
وايه هو بقا يخويا
اتجوزك وكفاية استهبال بقا لحد كده.
قومت وقفت بخضة ليه ممكن انسان يخض اخوه الانسان كده مش فاهمة! 
ا... ا ايه 
قوليلي بقا ممكن الاقي محمود ده فين 
انت قولت ايه 
محمود. 
مرواان! 
يا عيون مروان. 
اممم يبقى الي سمعته صح.
ضحك رافعة ضغطي اه بس مبحبش قدك والله. 
حكاوي_فيروزه