يلا خلصي اهل جوزك مستنينك
تانى
ماتضحكش عليا
حاضر قالهاوهو بيكتم ضحكته افردى الكنبة صح بقا من تحت كده
هى هى فردتها
برافو عليكى اقفلى النور بقا ويلا ننام بقا صدعتينى
انا اللى صدعتك قالتها بتهكم وهى بتقفل النور
هتنامى بهدومك
اه
ماينفعش ابقى خلى غادة تشتريلك لبس علشان تبقى براحتك
منا أغلب الوقت هبقا بالاسدال
ليه
مش عمك وابنه عايشين معاكم هنا
طيب
طيب ايه
انا محجبه اكيد مش هقعد قدامهم براحتى يعنى
غمزلها تقعدى قدامى انا
احم تصبح على خير
وانتى من اهله
يوم جديد
صباح الخير
صباح االنور انتى صاحية من بدرى
اه
ليه كده
بصلى الفجر وبقرأ ورد القراءن ومش بنام تانى
ربنا يزيدك
يارب هااا تحب تفطر فين
يعنى ايه
يعنى تحب تفطر فى الجنينة ولا معاهم تحت على السفرة
ليه
ايه اللى ليه يعنى مش شايفه
لا شايفه واحد ربنا عطاله حاجات كتير اووى ومركز على الحاجه الوحيدة اللى ربنا اخدها منه ووقف حياته عليها
الكلام سهل
عندك حق واللى بيسمعوا كتيير بس اللى بينفذوا قليل
..............
هنزل اجيبلك فطارك ومشيت ماستنتش رد منه
ثائر كان بيفكر مع نفسه من وقت الحاډثه وفعلا حياته وقفت الشغل مابقاش يسأل عليه حتى رغم أنه يقدر يعمل كل حاجه من مكانه بس سايب الهم كله على والده مابقاش يخرج ولا يطلع من اوضته حتى مش بيضحك من وقتها أول مرة كانت إمبارح مع ليل ابتسم تلقائى لما افتكر الموقف
احم ليل
نعم
هو انا يعنى هنزل ازاى تحت
ليل ابتسمت
من قلبها أنه ممكن يستجيب ليها انا هساعدك وحد من الخدم هنشيل كرسي
ثائر بأسي بس ده هيبقا صعب عليكم وكمان كل يوم وماينفعش انزل كذا مره تحت
اممممم انا هظبطها ماتقلقش ثوانى أنادى حد ينزل الأكل تحت ويساعدنى
ثائر ابتسم بعد مانزلت على لطفها وأنها بتحاول تساعده من قلبها مش بيشوف حد كده غير والده ودلوقتى ليل
وقفتوا ليه كملوا فطاركم وحشنى اتجمع معاكم تحت
سليم بص لليل بامتنان وهى ردتله النظرة
قعدوا يفطروا كلهم واتفاجئوا بواحده دخلت عليهم
دخلت عليهم بنت لابسه قصير ومشطبه وشها ميكب كتيير ليل لاحظت تغير ملامح سائر مافهمتش ملامحه بتدل على ايه بس شكله فاقت ليل من تركيزها على البنت وهى بتقرب ناحية سائر وباسته من خده وبسرعه سائر كان بعدها عنه
ايه يا سائر مش عايز تشوف ريم حبيبتك
ريم حبيبتى دى ماټت واتدفنت خلاص
واهون عليك ياساسو
ليل بداخلها ايه الدلع ده هو فرخة
اسمى سائر وبس
انا عارفه انه من حقك تزعل بس انا كنت مصډومة
ماشاء الله وفوقتى بعد سنه
كنت تعبانه نفسيا من اللى حصلك وسافرت بره بابا اصر على ده علشان اعصابى تعبت
والكلام اللى قولتهولى فى المستشفى بابا برضو اللى اصر
وكبرتى متأخر
يعنى ايه بتطردنى من حياتك
انتى طلعتى منها بمزاجك ومش هسمحلك ترجعيلها تانى
أرجوك ادينى فرصه اثبتلك حبى ليك
سليم قطع كلامهم واتكلم هو مش تباركى لسائر ياريم
على ايه يااونكل
اتجوز ياحبيبتى ودى ليل مراته
ايه البتاعه دى مراتك يا سائر
رييييم قالها بعصبيه لدرجة أنها خاڤت ورجعت لورا اياكى تغلطى فى مراتى انتى فاهمة دى ست البيت ده يبقا تتكلمى عنها باحترام
بتتعصب عليا يا سائر بعد كل اللى كان بينا وخرجت من الفيلا وهى بټعيط وبتجرى
سليماقعدى ياليل واقفه ليه ياحبيبتى
ليلكنت بجيب مياه لسائر ياعمى
يابنتى قولتلك مية مرة فيه خدامين لكل ده
وايه يعنى ياعمى ده جوزى وخدمته واجب عليا حضرتك عارف يعمى ان اللى تنام وهى مزعلة جوزها الملائكة تلعنها
ربنا يباركلك فى عقلك يابنتى
تسلم ياعمى
انا شبعت الحمد لله
تحب اطلعك أوضتك
لا ياليل طلعينى الجنينه لو سمحتى
حاضر عن اذنكم
حابب أتكلم
وانا حابه أسمعك
ريم تبقا بنت صديق لبابا عرفتها عن طريق شغلهم مع بعض حبيتها جدا شدتنى ليها رغم ان لبسها زى ماانتى شوفتى كده بابا كان رافض تماما رغم ان فيه شغل مشترك مع صديقه ده والجواز بينى انا وريم هيقوى العلاقات اكتر بس قالى انه مش فارق معاه الشغل وأهم حاجه انا وبس وانى لما أتجوز لازم اختار صح مش اهتمام بالشكل وبس لا واحده تصونى وتقف جنبى وتراعى ربنا فيا بس انا صممت على اللى فى دماغي وكل ما بابا يرفض كنت بعند اكتر واتمسك بريم علمتنى اروح الديسكو وانى اسهر معاها ماكنتش برضى أشرب مع أصحابها ويفضلوا بقا يتريقوا عليا وكنت بستحمل علشانها وهى طبعا كان عندها ده كله عادى بمإنها عايشة فى لندن واتربت هناك وفي يوم قالتلى نخرج قولتلها مش هخرج تانى مع شلتها كنت خلاص جبت أخرى منهم فضلت تتحايل عليا وانا رافض واتعصبت عليها فعيطت وطبعا بمإنى بخاف على زعلها وافقت وكالعاده أصحابها قعدوا يتريقوا على موضوع الشرب ده بس زودوها بقا فااتضايقت وحبيت اثبتلهم انى راجل واستحمل اكتر منهم شربت كتير رغم ان دى اول مره أشرب خلصنا قعدتنا واحنا راجعين ماكنتش عارف أركز فى الطريق وفعلا العربية اتقلبت بينا كنت حاضنها خاېف يحصلها حاجه والحمد لله فعلا ماحصلهاش حاجه بس انا اللى بقيت عاجز وبعد كل ده جاتلى المستشفى بعدها باسبوعين بتقولى سورى مش هقدر أكمل يا سائر انت عاجز وانا مااقدرش استحمل ده ومشيت خلت نفسيتى اټدمرت وحالتى بقت تتأخر اكتر وجايه دلوقتى عايزه ترجع
سائر خلص كلامه ودموعه نازلة على وشه
لسه بتحبها
بتقرف منها ياليل
طيب زعلان ليه دلوقتى
إنها ورا كل اللى حصلى
هى مجرد سبب واللى حصلك ده كان هيحصل بيها او من غيرها ده ربنا كاتبهولك عايز يختبرك
وانا فشلت فى الاختبار ده
لا لسه فيه فرصه تانية
بجد
اه والله ابتسمت علشان تطمنه
انتى جميلة اووى ياليل وقلبك ابيض
كلك ذوق
بس كده
اه انا ليا
فى الخناق لكن فى الرومانسيه مش قد كده
طيب مش هتحكيلى حكايتك انتى كمان
انت ناقص غم ده انا حكايتى مأساوية تخليك ټنتحر
ياساتر يارب للدرجادى
واكتر والله بس انا بطمنك
اه واضح اطمنت
اى خدمه
طيب مش هتروحى مع غادة علشان تجيبلك لبس
بنت عمك المقشفه دى
هههههه فضل يضحك بصوت عالى وهى كالعاده سرحانه مع ضحكته
غادة مقشفه دى قمر
ليل زمت شفايفها وقالت بتهكم تحب اروح اخطبهالك
لا شكرا ماهو انا متجوز
طيب كويس انك فاكر
بتغيرى ولاايه
انت فاكر علشان طول بعرض وعندك وعيونك بنى كده وشعرك طويل تبقا حلو واغير لاطبعا
عندك حق مش حلو خالص طيب هتروحى مع مين يجبلك لبس
لو هروح يبقا مع جوزى
ليل انتى بتقولى ايه
اللى سمعته
هخرج ازاى وانا كده
تانى نفس الكلام
ايوه نزلت هنا فى الفيلا بيتى لكن بره قدام الناس
ماتولع الناس احنا مالنا
صعب ياليل
مش مستحيل
برضو لا
خلاص خلينى بلبسي وخلاص مش عايزه حاجه
بلاش عند
مش عند عايزه جوزى معايا يختارلى اللبس ايه المشكلة
ان جوزك عاجز
مش عيب فيه وانا متقبلاه
ماشى هنروح وهتشوفى الناس هتبصلى ازاى
هيعجبوا بيك يا قمر انت
ضحك تانى لا انتى مش طبيعيه يلا نتمشى
يلا
خليكى وراه ياريم
منا روحت وعملت اللى قولتى عليه ومافيش فايده
برضو ژنى عليه خليه يقع فى حبك مره تانيه
سائر هيحب ليل
ايه اللى بتقوليه ده
انا عارفه نظرات الحب فى عنيه كويس وهو كان بيبصلها بيها لما قال مراتى واتمسك بيها
مافيش الكلام ده لازم انتى اللى تملى قلبه علشان
نوصل لخطتنا وماتقلقيش
