روايه حب امتلاك
شويه بتفتكر وتضحك
في المعرض التاني بتاع مراد
مراد كان بيعلق لوحه ماهي
شاب اللوحه دي حلوه شبه اللوحه الي في المعرض التاني
مراد ايوا عشان كدا جبتها هناا
الشاب طيب واخدتها ليه اصلا طالما في منها
مراد صاحبتها تعبت فيهاا ف محبتش احرجها
الشاب اممم هي متعرفش ان في شبهاا
مراد قولتلهاا مش عارف فهمت كلامي ازاي بس واضح انها مش بتحب حد ينتقدهاا
الشاب ايواا فكره كويسه
مراد اتمني تكون قدرت تفهم اني عاوز مصلحتها مش قصدي اقلل منها
الشاب ااه ياريت
في باريس
عبدالرحمن كنت قاعد بقلب في الصور لقيت صور لينا انا وماهي ورنا وحشوني أطفالي المشاكسين بقالي فتره مكلمتش ماهي ولما بكلم رنا مش بتتكلم عنها كتير حسيت اني عاوز اكلمها ف رنيت عليها
ماهي كنت بلعب ع اللاب لقيت الفون بتاعي بيرن برقم ف تلقائيا فتحت اكيد حد عاوز رسمه
ألوو
عبدالرحمن الوو
ماهي سكتت ف الصوت داا انا عارفاه اكتر من صوتي
صوتي اختفي ومش راضي يطلع بحاول اجمع قوتي
هي راحت فين صحيح فين الوعود الي وعدتها لنفسي اي هحن ولا اي افكاري مشتته مااهي انطقي اجمدي
عبدالرحمن مش عارفاني
ماهي لو كنت عرفاك مكنتش سئلت لو بتتصل تهزر ف سلام أفضل
عبدالرحمن مااهي
ماهي لنفسهاا بتقولهاا لييه ملقتش غير الاسم داا وتقولو بتكلمني ليه جاي بعد شهرين معاناه تكلمني وتبوظ كل حاجه
عبدالرحمن مااهي انتي معايا
ماهي معااك
عبدالرحمن عامله اي
عبدالرحمن وحشتيني ياقرده
ماهي هه شكراا
عبدالرحمن هو انتي وراكي حاجه
ماهي اهاا ويفضل تقفل عشان مشغوله
عبدالرحمن احم تمام
ماهي سلام
قفلت انا مكنتش جاهزه للمكالمه دي ومش جاهزه اعلق قلبي تاني ومش هقدر ابدء من الصفر من جديد
تاني يوم
ماهي صحيت وعدت ع رنا
رنا صبااح الخير
رنا اي اللوحه دي ومغلفاها بورق اسمر وفيونكه حمرا لي
ماهي دي بتاعت الشاب الي رسمتو امبارح هي خطيبتو طلبتها كداا عاوزاها هديه
رنا امم طيب يالا
في الجامعه
ماهي ورنا في الكافتيريا بيشربو عصير
ساره ماهي
ماهي ازيك ياحبيبتي البورتريه اهوو وغلفتو زي ماطلبتي
ساره وااو الغلاف تحفه انتي مبدعه نفسي اشوف الرسمه بس خاېفه ابوظ الغلاف
ساره الله ياماهي جميله اووي مفيش فرق بين الاصل والرسمه ياعمري
ماهي شكراا ياحبيبتي
رنا بتبصلهم بقرف وتقول لنفسها اي كميه الحب المأڤور داا
ساره شكرت ماهي واخدت الرسمه ومشيت
ماهي عسل اووي
رنا بتقلد صوت ساره بجد يامااهي انتي مبدعه نفسي اشوف الرسمه وخاېفه ابوظ الغلاف الله ياماهي جميله اووي ااي كميه حبيبتي وعمري وقلبي دي كتكم قرف
ماهي هههههههههههههه حاسب الغيره ياعم الحاج
رنا غيره اي انتي هبله هي بس ملزقه كداا ف مرتحتلهاش
ماهي بتبصلها بجمب عينهاا اممم طاايب
رنا يالا قبل المحاضره ماتبدأ
ماهي يالا
دخلو المحاضره ورنا لاحظت ان ساره دفعتهم بس مكانتش تعرفها غير لما شافتها مع ماهي وفضلت مركزه معاها
بعد المحاضره
ماهي انا عازماكي ع العشاا النهارده نخرج شويه نغير جو وعاوزه احكيلك علي حاجه
رنا حاجت
اي
ماهي حاجه حصلت معايا امبارح هقولك عليها النهارده بليل في المطعم
رنا اتفقناا
رجعو ع البيت وكل واحده فيهم نامت شويه وبليل جهزو واتقابلو ع السلم
ماهي كانت لابسه فستان موڤ شيك ورنا كانت لابسه فستان اسمر جميل
ماهي تسمحيلي اعزمك ع العشاا سيدتي
رنا اسمحلك يا ابو ادم
ضحكو الاتنين بصوت عالي ونزلو ركبو تاكس وراحو ع المطعم
رنا الله بصي ياماهي ترابيزه متزينه اكيد بتاع اتنين متجوزين او مخطوبين تعالي نقعد جمبهم
ماهي وهنقعد جمبهم ليي
رنا تعالي بس عشان لما يجو نتفرج عليهم ونبقا قريبين منهم
ماهي طيب متشدنيش ياابت
رناا الله عقبالنا يارب
ماهي بضحك يافضحانا
وبعد شويه دخل رائد وساره ماسكين ايد بعض
رنا فضلت متنحه عليهم وخاصتآ لما شافت رائد بيضحك ل ساره
رنا ضربه في بوقك لما انت مبسوط معاها بتبصلي ليه
متابعه روايتي من تأليفي يارا غزلان
رائد وساره قعدو علي الترابيزه المتزينه
رائد كان لابس بدله شيك وكان باين عليه انو مبسوط
وساره لابسه فستان لون البدله وعامله فورمه في شعرهاا
علي الترابيزه التانيه عيون رناا مش سيباهم
بس محدش واخد بالو منهاا غير ماهي
الانوار بتنطفي واغنيه انزل ياجميل في الساحه بتشتغل
رنا كانت عيونها ع التورته وعليهم ومضايقه وماهي ملاحظه كداا
الاغنيه بتخلص والنور بيشتغل والكل بيسقف وساره بتطلع البورتريه وعجب رائد جداا
رنا بتبرق الحقي ياا مااهي اي البجاحه دي قدام الكل كداا دول متحررين اووي
ماهي هما حريين احنا مالناا
رنا بتبصلهم بقرف بس هي في الوقع بتبص بغيره
رائد وساره خرجو من المطعم وعيون رنا متابعاهم
ماهي مالك يارنا انتي حبيتيه
رنا لا طبعاا احب مين هو انا لحقت اشوفو اصلا ويالا نمشي صدعت
ماهي طاايب يالا
خرجو من المطعم
ماهي شنطتي نسيتها استني
دخلت ماهي تجيب الشنطه ورنا واقفه قريبه من الشارع
وكان رائد مستني ساره وساند علي عربيتو ف شاف رناا
رنا مكانتش واخده بالها منو وكانت بتتنفس بضيق وحاسه ان الهواا بيخلص من حواليها
رائد كان متابعهاا وبيفتكر توترها واللغبطه الي كانت
