رواية بنتي وجاري لهويدي زغلول
انا بس بحاول افك معاكي واضحكك على العموم انا هبقا افكر في حكاية الجواز ده وابقي واقولك
فوزي جه عند امي عشان يصالحني
ها يا مروة مش يلا بقا عشان نرجع بيتنا انتو وحشتوني اوي انتي وايمان والبيت مضلم من غيركم
مروة
انا مش هرجع معاك غير لما تعمل اللي بقولك عليه وتخلي بالك من بنتك وتخاف عليها ومتوافقهاش على كل حاجة هي بتعملها
يابنتي يعنى هو مش بېخاف عليها طيب ده فوزي بيحب بنته وبيخاف عليها اكتر واحدة في الدنيا كأنها بنته بالظبط
مروة
ياماما ده علطول سيبها تلبس براحتها وتخرج براحتها وترجع براحتها ومش بيحاسبها على اي حاجه غلط بتعملها
فوزي
وهو انا يعني لازم اعلقها لما تغلط عشان ارضيكي يا مروة انا مش بحب ازعل بنتي الوحيده ولا بحب حد يزعلها
ماهو قلبك الطيب الحنين ده اللي هيودي البت في داهية ياراجل امنعها تخرج تروح وتيجي مع اللي اسمه وليد ده عشان محدش يتكلم عليها نص كلمة
فوزي
طيب اشهدي انتي ياحماتي وليد اللي بتتكلم عنه ده يبقا. راجل كبير ويمكن قدي في السن يعني زي ابوها معقوله اقولها وخلي بالك من نفسك منه ومتتكلميش معاه وافتح عيون البنت انه ممكن الراجل ده واخليها تخاف منه بدل مكانت مدياله الأمان
بس الزمن ده مفيش امان لاي راجل حتى لما كان 90 سنة الرجاله كلها بيطلع منهم بلاوي انت مش بتشوف الأحداث اللي بتحصل على النت ولا ايه
فوزي
عارف وبشوف ومتابع كل حاجة بس برضو وليد راجل محترم وهيحافظ على بنتي وعمره ما ياذيها
مروة
طيب يافوزي دي بنتك وانت حر فيها بقا هو انا هخلص منك ولا من بنتك
طيب نادي عليها بقا خليها تجهز نفسها عشان نمشي ياحبيبتي
وفي الوقت ده كانت ايمان بتكلم وليد ودخلت عليها مروة وقالت
انتي بتكلمي يا ايمان عماله بنادي عليكي وانتي مش سمعاني
ايمان بتوتر
دي دي سلمي صاحبتي ياماما كنا بنتكلم انا وهي في موضوع الدرس بتاع امبارح
مروة
طيب يلا البسي عشان بابا جه وهنرجع معاه البيت
بجد يا ماما هييييييييييه انا اقوم البس حالا اهو
وفعلا لبست بسرعة وخرجت بره وقالت
بابا حبيبي وحشتني اوي اوي الحمد لله انك جيت عشان تاخدنا البيت وحشني اوي واوضتي
الجده
شوف ياختي البنت بتعمل ازاى اللي يشوفها كده يقول اننا كنا بنعذبها
فوزي
ههههه ايمان عيلة وفرحانة ياحماتي وبعدين انتي كتر خيرك اوي لحد كده انك استحملتي مروة وبنتها الايام دي كلها عندك
ياسلام وهي ماما كانت اشتاكتلك يافوزي عشان تقول كده
فوزي
والله ابدا دي حتى هي كانت مبسوطه بوجودكم معاها
الجده
والله يابني ربنا اللي يعلم اني كنت فرحانة اد ايه وكمان مروة وايمان كانو مالين عليا البيت
مروة
ربنا ما يحرمني منك يا ماما يارب انا اكيد يومين وهجيلك تاني
ايمان
بس والنبي ياماما ابقي تعالي لوحدك هنا عند تيتة
الجده
بقا كده يا ايمان مش عايزة تيجي عند تيتة تاني ده انا حتى بحبك اوي لا انا زعلانة
ايمان حضنت جدتها وقالت
حبيبتى ياتيتة والله مقصدش حاجة انا بس عشان مش برتاح الا في سريري متزعليش مني بقا
مروة
طيب يلا بينا يا لمضة انتي مع السلامه ياماما
ورجعت البيت ولقيت هند جايه تقولي
حمد الله على السلامة يا مروة ايوه ارجعي بيتك ونوريه ياحبيبتي وفي الوقت ده روحت البيت وبعدها بكام يوم جت هند اقعدت عندي وقالت
مروة
انا مكنتش ناوية ارجع خالص ياهند بس هو فوزي اللي جه واترجاني عشان ارجعله تاني
هند بغيرة وغيظ مكتوم
والله بقا كده امممم
مروة
ايه ياهند في حاجة ولا ايه مش
عارفه ليه حاسه ان طريقه كلامك كده مش طبيعه
هند
ها
