الجزء الأول رواية رائعة بقلم شيماء فرج

التانيه لا خليهم انا مش محتاجه حاجات تانى انت جيبتلى كل حاجه
سمير بوسى اسمعى الكلام من غير نقاش يلا خديهم ومش عاوز افكرك خروج من غير مااعرف ممنوع وتأخير بره البيت ممنوع علشان مازعلش منك ياقلبى 
بوسى حاضر 
سمير بتاكيد بوسى أى وقت حاجى ولى وقت حقولك تفتحى الفيديو وياريت تخفى من رشا صاحبتك دى 
بوسى ليه كده دى اكتر واحده نفسها ان انا وانت نكون مع بعض 
سمير مش مرتاح لها يابوسى ده غير انى متأكد ان فكره الاڼتحار دى فكرتها مش فكرتك 
بوسى لا أبدأ دى فكرتى انا 
سمير پحده بوسى قولتلك ماتكدبيش عليا فى أى حاجه وانا خلاص مش عاوز اعرف لكن زى مابقولك حاولى تبعدى عنها نور انسانه محترمه وپتخاف عليكى 
بوسى استغربت من كلامه جدا كانت متخيله انه حيكون متضايق من نور بعد اللى عملته معاه 
اما عبد الله راح لمراته المطبخ يلومها على فرحتها ببنتها 
عبد الله ايه ياام العروسه كنتى حزغردى لبنتك ونسيتى انها مقدرتناش 
الام عيله يا عبد الله لسه مش عارفه حاجه وانا كنت قاسى عليها وعلينا اوى 
عبد الله ايه قلبك حن ولا الشبكه بهرتك 
الام انا ام وفرحت بنتى حتى وان كانت غلط هى فرحتى اعمل ايه فى قلبى إللى بيغفر لها 
عبد الله ماتعمليش حاجه غير انك اسمعى كلامى احسن قسما بالله وخليكى تروحى معاها وساعتها حتبيعك برده
الام بقلة حيله حاضر يا عبد الله
خرج عبد الله وبعده مراته معاها العصير 
عبد الله اتفضل يا استاذ سمير 
سمير شكرا ان شاء الله انا حاجى الاسبوع الجاى علشان نشترى الفستان ونحجز الفندق
عبد الله ربنا يتمم بخير 
سمير حستاذنك انا علشان لسه قدامى طريق سفر 
عبد الله مع السلامه ربنا ييسر لك طريقك 
خرج سمير من بيت بوسى بعد ماسلم عليها واخد عربيته وبدأ طريقه
سمير وصل الغردقه وكان تفكيره مشغول بحبيبته صحيح عجبته شقاوتها وقناعتها وډمها الخفيف لكن مكنش عاجبه كدبها على اهلها وعلاقتها برشا إللى هو مش مرتاح لها لكن استقر ان بعد فتره قصيره جدا حتكون معاه فى بيته وتحت عينه ويعرف ازاى يشكلها على مزاجه ماهى بوسى بالنسبه له العجينة السهله وحتطلع ايه الننوسه دى وسط حريمه إللى نظره منه لواحده فيهم بتخليها تتمنى رضاه لكن بوسى بالنسبه له بنته وحبيبته ومراته هو حابب حاجه صناعة ايده مش متدربه من قبله زى كل الستات إللى عرفهم وصاحبهم لكن ياترى العقربه رشا حتسيبه يبعدها عن بوسى ولا حتلبد فيهم زى القوراضه
اما بوسى من وقت ما سمير سابها فضلت تلبس الملابس إللى اشتروها وتتفرج على الشبكه البرفانات كانت فرحانه أول مره تشترى كل ده ونامت من كتر التعب بعدها 
سمير أول ماوصل كان لازم يروح على شركته يخلص شوية شغل وبعدها راح على البيت إللى مأجره علشان يرتاح 
بوسى لما صحيت الصبح واطمنت ان باباها راح على شغله خرجت من أوضتها علشان تروح المدرسه زى كل يوم
بوسى صباح الخير ياماما 
الام صباح النور انتى رايحه المدرسه
بوسى أيوه ياحبيبتى واول مارجع عاوزه افرجك الحاجات إللى سمير اشتراهالى امبارح 
الام مش عاوزه اشوف حاجه
بوسى وهى بتحضنها ياماما عينك فى عينى كده انا عارفه انك فرحانه علشانى لكن بابا مانعك تفرحى حتى 
الام بحزن لا يابوسى انتى إللى كسرتى فرحتنا انا وأبوكى
بوسى ليه كده ياامى انا حبيت سمير وهو زى
ماانتى شايفه انسان كويس مش وحش ولا هرب وسابنى 
الام روحى علشان ماتتأخريش على
مدرستك ولما ارجعى لينا كلام تانى
بوسى ماشى يا حبيبتى 
خرجت بوسى من البيت راحت على مدرستها وهى فى طريقها حاولت تتصل بسمير لكن ماكانش بيرد 
وصلت المدرسه واتقابلت مع صحباتها 
نور ازيك يابوسى ماقولتليش ليه انك جايه كنت عديت عليكى
بوسى كنت مستنيه بابا يخرج واجى
نور ليه كده يابوسى انتى غلطانه وكمان بتزودى غلطك روحى اتحايلى عليه بوسى ايده ورجله لحد مايسامحك 
رشا مقاطعه يااختى اقعديلنا انتى على جنب مش هو إللى قالها لا انتى بنتى ولا اعرفك خلاص بقى 
نور هو ابوها يقول إللى هو عاوزه لكن هى مهما يعمل غلط تتخلى عنه لكن انتى مش حتفهمى الكلام ده 
رشا ليه يعنى ياست نور حماره انا
نور خلاص يارشا خلاص ربنا يهديكى انا رايحه الفصل يابوسى لو عاوزه تيجى معايا
بوسى استنى بس يانور احنا طول عمرنا اخوات 
بوسى جريت ورا نور هى كانت بتحاول تبعد عن رشا زى سمير ماقالها 
نور انا خاېفه عليكى يابوسى صحيح سمير طلع راجل محترم واتجوزك وماطلعش بيلعب بيكى لكن اهلك لا تهلك أبوكى وامك أهم حاجه 
بوسى انا بدأت مع ماما انهارده وان شاء الله ححاول مع بابا حتى سمير قاللى كده زيك ده حتى مش عاوزنى اكلم رشا 
نور والله عنده حق انا متاكده ان هى إللى جابتلك الاقراص المنومه تعرفى انى سألت مهاب اخويا عليها وقاللى انك ممكن كنتى تموتى لان نسبه المخدر فيها عاليه جدا وان فى منها النسب اقل ودى كانت اعلاهم 
بوسى بجد طيب الحمد لله 
نور صلى ركعتين استغفار علشان ربنا يهديلك الحال 
بوسى حاضر يانور يلا بقى احسن المستر حيطردنا
دخل البنتين الفصل وسابوا رشا كانت لسه جايه وراهم وكانت عاوزه تولع فيهم من غيظها خاېفه لبوسى تهرب من تحت ايديها وهى الوسيله الوحيده إللى حتوصل عن طريقها لسمير
سمير صحى من نومه لقى بوسى رنت عليه عشر مرات 
اتصل عليها وكانت وقتها خارجه من المدرسه
سمير صباح الفل ياحبيبى كلمتينى وانا كنت نايم
بوسى صباح الخير ياحبيبى كلمت وانا رايحه المدرسه كنت قلقانه عليك اوى
سمير حبيبة قلبى ربنا يخليكى ليا يامراتى ياقمر انتى
بوسى فطرت ولا لسه 
سمير لا ياحبيبى انا لسه ماقومتش حتى من السرير
بوسى خلاص قوم افطر لحد ماانا اوصل البيت
سمير تمام ياقمرى يلا بسرعه على البيت ولا رايحه فى أى مكان 
بوسى لا على البيت انا ماشيه انا ورشا ونور 
سمير بزهق يوووه مش قولنا بلاش رشا دى
بوسى خلاص ياحبيبى لما ارجع نتكلم 
سمير اوكيه سلام
بوسى سلام 
قفلت بوسى مع سمير وكملت طريقها وهى سرحانه حتبعد عن رشا ازاى بعد مساعدتها ليها
رشا ايه يابنتي روحتى فين
بوسى هااا لا ولا حاجه انا هنا معاكم 
نور كنت بكلمك يابوسى وانتى سرحتى 
بوسى معلش كنتى بتقولى ايه 
رشا كانت بتقولك حتعملى الفرح فين 
بوسى صحيح انا نسيت اقولكم احنا اشترينا الشبكه امبارح 
رشا لا انا لازم اشوفها 
نور حنشوفها يوم الفرح 
رشا لا والله انا حاجى معاكى اشوفها 
بوسى اضطرت تستسلم لالحاح رشا 
بوسى تعالى معانا يانور انتى كمان 
نور لا معلش انا ماقولتش لماما مره تانيه
بوسى براحتك لكن تعملى حسابك بكره تيجى معايا البيت 
كملت نور طريقها لبيتها وسابت رشا وبوسى يطلعوا بيت اهل بوسى 
دخل البنات على أوضة بوسى أول ما وصلوا الشقه 
رشا أول ماشافت الشبكه الحقد والغيره ملوا قلبها 
رشا أطلقت صفارة اعجاب ايه ده ايه ده كل ده دى تحفه يابنتي ده شكله واقع 
بوسى ايه يابنتي واقع دى هو جاب على اد امكانياته انا اصلا اختارت واحد رقيق جدا لكن هو اختار ده وده اغلى من التانى بكتير
رشا انتى عبيطه ازاى تختارى الرخيص انتى لازم تاخدى منه على اد ماتقدرى ده كبير ياماما افرضى جراله حاجه تبقى مأمنه نفسك لان ساعتها حيطلعله اهل وقرايب مش حيخلوكى تاخدى حاجه منه 
بوسى بعد الشړ عليه يارشا ايه طريقتك دى هو عندى اغلى من الدنيا كلها يابنتي انا اختارته هو عن أبويا حدور على فلوسه 
رشا خليكى هبله لحد مايرميكى فى الشارع انتى يابنتي بالنسبه له نزوه بس بطريقه حلال
بوسى ليه بتقولى كده دلوقتى مش انتى كنتى بتشجعينى فى الأول 
رشا أيوه بشجعك توقعيه تاخدى منه إللى انتى عوزاه مش تحبيه بقى وتعبشى الدور
بوسى خلاص يارشا مش عاوزه اتكلم فى الموضوع ده 
رشا خلاص ابقى انصحك بعدين انا حمشى بقى علشان ماتأخرش 
بوسى ماشى ياحبيبتى سلام
خرجت رشا من عند بوسى لكن ماكنتش تعرف ان ام بوسى سمعت كلامها كله
الام بوسى تعالى انا عوزاكى
بوسى تعالى ياماما هنا علشان تشوفى الحاجات قبل بابا مايبجى 
الام خلى الحاجات بعدين انا عوزاكى فى حاجه مهمه
بوسى پخوف فى ايه ياماما 
الام انا سمعت كلام البت رشا دى أوعى تسمعى منها وتنفذى كلامها دى انسانه حقوده وغيرانه منك
بوسى والله ياماما انا خۏفت منها فعلا أول مره اسمعها بتتكلم كده
الام ابعدى عنها يابوسى دى عاوزه تخسرك جوزك صحيح احنا مش راضيين عن الجوازه لكن حصلت والراجل مش بيستخسر فيكى حاجه زى ماشوفت امبارح وانتى لازم تتقى ربنا فيه وفى ماله أوعى الطمع يابوسى 
بوسى لا والله ياماما انا امبارح كنت محتاره شبكه بسيطه وهو إللى اختارالاغلى وقاللى ان مالى هو ماله واشترى إللى نفسى فيه ده حتى عطينى فلوس كتير اوى علشان لو عجبتنى حاجه اشتريها
الام لا ياحبيبتى أوعى تعرفى منهم حاجه انا شايله فلوس علشانك انا وابوكى وحنزل انا وخالتك نشتريلك جهازك زى كل العرايس
بوسى هى خالتوا عرفت 
الام قولتلها قرينا فاتحه وان مش حنعمل خطوبه لان العريس مستعجل 
بوسى لكن انا مكتوب كتابى
الام انتى عبيطه انا لو قولت كتبنا كتابها الناس حتقدر ان فيكى حاجه لا سمح الله
بوسى فهمتك ياماما خلاص ماشى هو بابا قال كده برضه لاعمامى 
الان أيوه حتى الجيران 
بوسى تعالى بقى شوفى الحاجه 
الام يلا قبل أبوكى ماييجى
دخلت الام وبوسى واتفرجت على كل حاجه وفرحت جدا لكرم سمير مع بنتها وحست امه حبها بجد لكن كان مخوفها فرق السن 
عدت الأيام بسرعة الصاروخ بين تجهيزات الفرح وشراء طلبات العروسه وكان سمير كل اجازه بينزل اسكندريه يخلص حاجه مع بوسى وجه اليوم الموعود 
سمير حجزلها فى فندق الفور سيزون والناس كانت مبهوره من جمال بوسى وفستانها والقاعه والفرح كله 
لكن بوسى كان جواها شرخ كبير بعد ماحاولت بكل الطرق مع ابوها لكنه رفض يسامحها والمفروض انها دلوقتى حتمشى من الاوتيل على الغردقه وماترجعش لبيت اهلها تانى وتقطع صلتها بيهم تماما 
كانت طول الفرح دموعها محپوسه فى عيونها 
سمير حبيبى مالك عيونك حزينه كده ليه 
بوسى بابا مش راضى يسامحنى 
سمير بوسى انا لسه ماسفرناش لو تحبى تختارى اهلك انا انسحب من حياتك 
بوسى انا بتقول كده ليه انا عمرى مااستغنى عنك أبدأ 
سمير انا عارف ان مش سهل عليكى بعدك عنهم لكن انا حجيبك ليهم ونحاول مع بعض نراضيهم تانى وتالت ماتخافيش
بوسى بجد ياحبيبى 
سمير طبعا ياقمر ى بجد 
خلص الفرح وودعوا الضيوف وبدأوا طريقهم للغردقه
لبداية جوازهم
الطريق من اسكندريه للغردقه طويل وسمير كان حابب يسافر هو وبوسى بعربيته طول الطريق كان ماسك ايديها وهو بيسوق فرحان
بيها وبوسى كمان كانت فرحانه جدا وهى شبه الاميرات ومعاها حبيبها لكن حبيب الاميرات
بيكون أمير وسيم من نفس سنها عمر حبيب الاميره كان من عمر الملك نفسه
سمير حبيبى لو
تعبانه نامى شويه الطريق طويل
بوسى انا مانمتش من امبارح فعلا لكن خلينى صاحيه معاك اونسك 
سمير لا ياقلبى ارتاحى انتى انا متعود على السفر العربيه مسافات طويله 
بوسى خلينى صاحيه هو مافيش اغانى اسمعها 
سمير اه ياحبيبى حتلاقي شنطة السى دى فى تابلوه العربيه طلعيها
بوسى مدت ايديها وفتحت التابلوه وطلعت شنطه السى ديهات وقعدت تدور فيهم 
بوسى ايه ده ياحبيبى دى كلها اغانى قديمه او اجنبى
سمير ماانا مش بسمع غير كده ياحبيبتى بحب اسمع الست وفيروز عبد الوهاب وعبد الحليم وبحب اوى سيلين ديون علشان صوتها جميل ودى الاغانى الغربى إللى حتلاقيها 
بوسى يعنى مافيش عمرو دياب ولا حماقى 
سمير اسف ياحبيبتى أول مانوصل حعملك شنطه سي ديهات خاصه بيكى انتى علشان لما تحبى تسمعى تلاقى إللى على مزاجك 
بوسى طيب مش ممكن اشغل من الموبايل 
سمير أيوه طبعا ممكن 
بوسى وصلت اليو اس بى بين كاسيت العربيه وموبايلها وشغلت اغنيه عمرو دياب
وانت ويايا ياما قولت ان شاء الله ياحبيبى ان شاء الله 
.تبقى ليا ان شاء الله 
قلبى اتمناه من بين الدنيا بحالها نداله وجاله
الله الله اهو ده إللى مافيش اتنين فى جماله
مين يبقى معاه كل ده ويفكر او يشغل باله 
بناس وخياه .لا لا لا 
وانت ويايا ياما قولت ان شاء الله 
ياحبيبى ان شاء الله تبقى ليا ان شاء الله 
عمرى ماحنساه وده وعد عليا وكلمه هاكدهاله 
ومن اليوم ده لو فاتوا سنين عمرى هاعيدهاله
مين يبقى معاه كل ده ويفكر او يشغل باله بناس وحياه .لا لا لا 
وانت ويايا ياما قولت ان شا الله ياحبيبى ان شاء الله 
تبقى ليا ان شاء الله
خلصت الاغنيه وسمير وقف الكاسيت 
بوسى هى ماعجبتكش
سمير وهو بيبص فى عيونها بالعكس دى عجبتنى جدا دى وصلت كل كلمه نفسى اقولهالك كأن انا إللى كتبت كلماتها وليكى انتى مخصوص 
بوسى بحب ربنا يخليك ليا ياحبيبى انا عمرى ماحبيت حد اد ماحبيتك 
سمير هو انتى حبيتى قبل كده
بوسى ببراءه أيوه حبيت واحد زميلى فى ابتدائي كان بيجيبلى شوكولاته كل يوم 
سمير مقهها ههههههههه يعنى كنتى بتحبى الشيكولاته ياروحى مش هو
بوسى بصراحه ايوه اصله كان طيب اوى اصحابنا كانوا بيضحكوا عليه
سمير وهو فاتح ذراعه لبوسى تعالى فى حضنى ياقلبى 
بوسى سندت رأسها على صدر سمير وحاوطط خصره بايدها وهو ضمھا بذراعه من كتفها وقبلها من رأسها 
سمير ده مكانك الوحيد أوعى تسيبيه خليكى دايما فى حضنى 
بوسى يسلملى حضنك وقلبك وكل حته فيك 
سمير بحبك يابسنت طلعتيلى منين وجعتى قلبى وخلتينى اخاڤ على عمرى ليخلص قبل مااشبع منك 
بوسى بعد الشړ عنك ياحبيبى ربنا يخليك ليا أوعى تقول كده تانى انا ماليش غيرك فى الدنيا دى 
سمير ربنا يقدرني وأسعدك 
عدى وقت طويل وبوسى نايمه على صدر سمير ومع الهدوء راحت فى نوم عميق 
سمير كان مبسوط وهو شايفها نايمه وكان كل شويه يبص على ملامحها البريئة على عكس لما بتكون صاحيه وعيونها مليانه شقاوة 
عدى الطريق وبوسى ماسبتش حضڼ سمير خالص 
وصلوا الفيلا وفتحلهم رجل الأمنالسيكيورتى المخصص للفيلا 
اسلام اهلا ياباشا حمد الله على السلامه الف مبروك 
سمير الله يبارك فيك يا اسلام عقبالك 
اسلام ربنا يخلى سعادتك الف مبروك ياهانم 
بوسى الله يبارك فيك 
دخلت بوسى الفيلا وهى عيونها بتدور فى كل مكان من الجمال صحيح سمير كان بيبعتلها كل الديكورات على النت لكن الحقيقه مختلفه شكل الفيلا باللون الابيض والاضاءه البيضاء المنتشره فى كل مكان من جوانب الفيلا عاطيها شكل رائع ده غير الموبيليات أول مادخلت ومنظر الانتريه الأول وايت والمشغولات المحيطه بيه من اللون الفضى والاضاءه البيضاء أيضا
وغرفة السفره الكلاسيكية التى تشبه السفرات الملكيه 
بوسى كانت مبهوره بكل حاجه حواليها
سمير ايه يااقمرى عجبك بيتك 
بوسى بانبهار عجبنى ده تحفه ده روعه 
سمير انتى إللى خليتى ليه طعم ومعنى البيت ده من غيرك كان مهجور انا كنت برجع للنوم وبس 
بوسى وهى بتمسك فى ايده خلاص ياحبيبى بعد كده حتقضى معظم وقتك معايا 
سمير طبعا ياقلبى هو انا حقدر اسيبك بعد كده 
بوسى بحبك 
سمير وهو بيغمز بعينه ايه ياقمر ى مش حتشوفى أوضة النوم ولا ايه
بوسى ماشى ياحبيبى يلا 
سمير نزل بوسطه وحط ايده عند وسطها والايد التانيه من تحت ركبتها وشالها وطلع بيها للدور التانى بوسى كانت مكسوفه من سمير جدا ووشها كان لونه لون الفراوله لكن لفت ايدها حوالين رقبته وخبت وشها فى صدره 
وصلوا غرفة النوم وزاد انبهارها خصوصا أن دى الغرفه الوحيده إللى سمير عملهالها مفاجأه لكن كانت اجمل مفاجأه الغرفه كانت من اللون البيج وبنفس الاضاءه البيضاء الخافته مع الشموع الذهبيه كانت جميله جدا 
سمير ضمھا لحضنه وباسها من رأسها 
سمير حبيبى تدخلى تغير لبسك يلا الشغاله رصت كل لبسك فى الدولاب من يوم ماجبته معايا
بوسى بحزن ربنا يخليك ليا ياحبيبى انت مانسيتش حاجه خالص كان المفروض ماما هى إللى تعملى كل ده 
سمير ياقلبى مش عاوز أشوف الحزن ده فى عيونك أبدأ من انهارده عاوز أشوف ضحكتك وبس وماتنسيش ان المسافه طويله وماما ماكنتش حتقدر تيجى كل المسافه دى 
بوسى هزت رأسها بالموافقه ودخلت تغير لبسها 
وسمير غير لبسه ولبس بنطلون لكن فضفاض خرجت بوسى ومنزله شعرها الاسود على ظهرها 
سمير باعجاب ايه ده القمر نزل فى أوضتى هنا 
بوسى بخجل ودلع سمير بس بقى
سمير عيون سمير قلب سمير وروحه تعالى بس اقولك كلمه.. 
يتبع