قوة روح بقلم الكاتبه فاطمه عيد الجزء الاول
تانى .. ترمى نفسها على السرير بتعب وتتنهد بعمق .. وبعد تفكير دام لساعه متواصله وهي سرحانه فى اللاشئ .. اخيرا ابتسامة اترسمت على وشها .. واخيرا اتنهدت بارتياح وهى بتتخيل اللى هيحصل والحلم والطريق اللى رسمته ليها .. وبعد الشعور بالراحه والرضا عن نفسها وتفكيرها ومقاومه للنوم .. تغمض عينها بارتياح وتغوص فى نوم عميق
طول اليوم .. يطلع تلفونه يلاقيها اتصلت خمس مرات .. يحطه على التربيزه هو والمفاتيح وياخد الفوطه من الدولاب ويدخل ياخد شاور ..
تانى يوم الصبح .. نسمه تصحى من النوم على صوت خبط الباب تقوم بقلق تبص فى الساعه وتستغرب ان حد بيخبط عليهم فى الوقت دا تقوم بتعب وتفتح الباب تلاقيها حماتها
انتصار .. كل دا نوم ايه ما تنامى للعصر احسن
نسمه باستغراب .. الساعه لسه ٧ الصبح ! حضرتك عاوزه حاجه
انتصار بصوت عالى .. وانا هعوز منك ايه يعنى صحى امجد عشان شغله بدل ماانتى مقعداه جنبك كده
نسمه .. انهارده اخد اجازه عشان تعبان شويه
انتصار بنفس نبره الصوت .. عشان تعبان ولا عشان انتى عاوزاه قاعد جنبك خليكى كده واخداه مننا ولا عارفين نشوفه ولا نكلمه انا مش فاهمه بيحبك على ايه دا انتى ولا شكل ولا منظر
انتصار .. انتى هتفضلى متنحه كده كتير خشى صحيلى الواد
نسمه بهدوء عكس اللى جواها .. يا ماما حضرتك امجد تعبان وامبارح طول اليوم بره حرام يصحى دلوقتى وبدون سبب كمان
انتصار بعصبيه .. هو ايه اللى بدون سبب هو انا مش عجباكى ولا ايه! اوعى كده لما اشوف اخرتها معاكى
انتصار بزهول .. انتى بتزقينى!!!!
نسمه بعدم استيعاب .. انا زقيتك
انتصار .. يلهوى على قله الادب .. ادى اخرت الجوازات اللى عن حب لو كان سمع كلامى واتجوز واحده زى بوسى مكنش دا بقى حالنا مبقاش الا انتى اللى تمدى ايدك عليا كمان
تسيبها وتنزل ونسمة تقفل الباب وراها ويدوب قعدت على السرير تسمع رزع على الباب تانى تقوم وتفتح
انتصار .. ايه تتخمدى دى روحى شوفى بنتك جعانه ولا نايمه ولا فيها ايه انتى هتسيبها وتنامى كمان ولا سيادتك هتخليها للخدامين هما اللى يربوها عشان تطلع تربيه شوارع هى كمان .. حكمه البيت دا ناقص بلاوي
انتصار بغيظ .. خلاص خشى خشى .. انا هروح لمرات ابنى وحبيبتى بوسى
نسمه .. تمام بعد اذنك
تقفل الباب وانتصار تشهق عشان قفلته فى وشها .. كانت لسه هتخبط
تانى بس تلمح هارون نازل على السلم تجرى وتنزل معاه .. شويه ويصحى كل اللى فى البيت ويتجمعوا على تربيزه السفره عشان الفطار وادهم على قد ما باله مشغول بنيران وعلى اللى هيعمله معاها على قد ما مستغرب بوسى وهدوئها وعدم سؤالها عن اى حاجه من اللى حصلت اليوم اللى قبله وكأن اللى حصل دا شىء طبيعى .. وفى وسط ما هو بيفكر يلاقى الكل باصص له يبصلهم باستغراب
هارون .. انت مش سامعنى .. بقالى ساعه بناديلك !
أدهم .. احم .. مخدتش بالى معلش
هارون .. عملت ايه مع نيران
أدهم .. هتيجى انهارده وتسكن فوق
انتصار بضيق .. وليه ك...
يقاطعها هارون اللى بصلها پحده ونقل نظره لبوسى .. انتصار فهمت قصده وغمضت عينها بضيق اكتر من غبائها
انتصار في محاولة لتلطيف الجو .. طب الحمدلله .. اهو تبقى وسطنا برضو
بوسى .. هى دى اللى شوفناها على الباب امبارح !
أدهم .. ايوه
بوسى باستغراب .. طب وهى ليه مش ساكنه معاكو
أدهم وهو ببشرب القهوة .. كانت مسافره
بوسى .. امممممم
تبص فى الطبق قدامها وتكمل اكل .. أدهم يقوم .. انا رايح الشركه .. هخلص شويه حاجات وارجع
انتصار .. ليه يابنى دا انت لسه عريس
أدهم .. عندى شغل ضرورى
هارون .. مش تستنى لما نيران ترجع عشان تتصرف معاها
أدهم .. لما تيجى هى عارفه هتعمل ايه .. بعد اذنكوا
يخرج من اوضه السفره وبوسى قاعدة تكمل اكل عادى وكأن شىء لم يكن .. جويريه تبصلها باستغراب وتبص لنسمه اللى استغربت زيها بالظبط .. انتصار على الرغم من انها كانت ناويه متدخلش بين أدهم وبوسى .. لكن الوضع معجبهاش
انتصار بابتسامه .. مش تقومى مع جوزك كده وتدلعيه .. دا انتو حتى لسه عرسان
قاسم يبصلها پحده .. تنفخ بضيق وتسكت
بوسى بهدوء .. هو مش بيحب كده .. معتقدش ان الموضوع هيبسطه
انتصار .. ااااه قولتيلى .. طيب يا حبيبتى انتى ادرى بجوزك برضو
بوسى تبتسم لها وتقوم تطلع اوضتها .. وهما يكملوا اكل .. يعدى الوقت
نديم .. طب يا جدى كده انا عينت كل الموظفين الجداد وبدأوا شغل من امبارح
فاروق باستغراب .. عينت جويريه
نديم .. لا .. هى مش محتاجه شغل
جويريه .. انا عاوزه اشتغ.....
يقاطعها نديم .. انا شايف انه ملوش لازمه ..
يبص لفاروق.. هى اتخرجت يا عمى وحضرتك كنت رافض الجواز عشان
الدراسه .. اعتقد الوقت دا مناسب اننا نتجوز .. بقالنا سنتين مخطوبين ودا وقت كافى
فاروق .. والله يابنى انا معنديش مانع ..
بيبص لجويريه.. رأيك ايه يابنتى
جويريه بضيق .. وبتسألنى ليه .. نديم ادرى
فاروق .. يعنى موافقه
جويريه بضيق اكبر .. بعد اذنكوا
تقوم وتمشى من غير ماتتكلم .. فاروق يستغرب تصرف بنته لانها مكنتش فرحانه بالقرار على عكس ما كانت بتحاول معاه يوافق وتتجوز وهى بتدرس عادي .. نديم ابتسم نص ابتسامه لانه فاهم هى متضايقه من ايه
فاروق .. طيب يابنى هبقى اشوفها بليل وارد عليك
نديم .. تمام .. انا هروح الشركه بقى
امجد .. وصلنى فى طريقك عشان عربيتى تتصلح
نديم .. طب يلا
يعدى الوقت .. ادهم فى الشركه بيتابع شغله .. يرن تلفونه .. الو خارجه فين اوك براحتك عايزه تباتى تمام دول اهلك مش عايزه ارجعى البيت .. ليكى حريتك يا بوسى فى الموضوع دا .. يلا بقى ورايا شغل معايا ناس تمام باى
يقفل معاها ويكمل شغله .. يدخل يوسف .. ايه ياعم فى عريس ينزل شغله فى تانى اسبوع .. والله عيب علينا
يوسف .. شاب وسيم .. عنده ٣٤ سنه .. صاحب ادهم الانتيم مش الوحيد لكن بالنسبة لادهم هو أول اصدقائه واهمهم سواء فى الشغل او الحياه العاديه بيعتمد عليه في الصغيرة والكبيرة وبيحب طريقة تفكيره واقتراحاته كان متجوز واحده اجنبيه وخلف منها ولد بس للاسف حصلت خلافات بينهم وطلقها بإرادته فسافرت انجلترا وخدت ابنه معاها وبيشوفه كل فين وفين شعره خفيف جدا ولونه
اسود عينه لونها ازرق قاتم وبشرته خمريه طوله متوسط وجسمه رياضى
ادهم متجاهل كلامه .. ما لسه بدرى يااستاذ .. كنت تعالى بليل احسن
يوسف .. كنت هعمل كده فعلا بس نهى قالت انك جيت فمحبتش اعكنن على نفسى بقى وخصم ومش عارف ايه والواحد عليه أقساط اصلا
أدهم .. ومين قال ان مفيش خصم ! .. مخصوملك.......
يقاطعه يوسف اللى طلع تلفونه .. الو بوسى هانم جوز حضرتك متجوز من سنتين وعنده اطفال اه متجوز بنت عمه
ادهم يحدف عليه القلم ويضحك .. مبتهددش
يوسف .. ياعم انت وشك قلب طبق سلطه اول ما عملت انى بكلمها .. تخيل عرفت بقى
ادهم بتنهيده .. شكلها هتعرف
يوسف باستغراب .. ليه
أدهم .. لأن نيران هترجع تقعد فى القصر تانى
يوسف .. يادينى .. نيران دى جبروت لوحدها .. اسم على مسمى .. هتقعدهم سوا ازاى
أدهم .. مش هيقعدوا سوا ومش هيقابلوا بعض اصلا
يوسف .. ازاى يعنى هترجع القصر ومش هيقعدوا سوا
أدهم .. هبقى اقولك بعدين .. روح بس هاتلي حسابات فرع اسكندريه ومصر الجديده .. الفرعين دول مش موجود اى حسابات ليهم
يوسف .. عند نديم هو راجعهم
أدهم .. تمام .. يلا بقى عندنا اجتماع
يقوم ويخرج ويوسف يخرج وراه .. يعدى الوقت ويجي الليل .. نيران ترجع البيت وهى تعبانه ومش شايفه قدامها .. تقعد على الكنبه وتفرد ضهرها
ناهد .. مش يلا يابنتى الوقت اتأخر
نيران تبصلها بتعب .. اه صح .. جهزتي الشنط
ناهد .. خلصت كل حاجه خلاص .. يلا قبل ما أدهم يجى .. احنا مش عايزين مشاكل
نيران .. خليكى هنا وانا هشوف تاكسى واجى
ناهد .. ماشى ياحبيبتى
نيران تقوم وتلبس جزمتها وتنزل تدور على تاكسى .. لقت واحد واديته العنوان وطلعت خدت مامتها والشنط وراحوا البيت
نيران .. على جنب هنا لو سمحت
ناهد .. ما تخليه يدخلنا جوه .. هندخل ازاى بالشنط دى كلها
نيران .. هنتصرف ..
تبص للسواق.. كام
التاكسى يشوف العداد ويقولها .. ينزلوا بالشنط ونيران تروح تنادي البواب ياخد الشنط ويطلعها الجناح الخاص بيها هى ومامتها .. تقفل الباب وتبص للمكان الجناح عباره عن صاله كبيره فيها انتريه وتليفزيون كبير ولابتوب وسفرة صغيرة وفى بلكونه كبيره فى الصاله بتطل على الجنينه وفى اوضتين .. اوضه لمامتها وديكورها كان عادى زى كل ديكورات البيت .. اوضه تانيه كان ديكورها مختلف تماما .. وكل حاجه فيها مصممه زى اوضه ادهم بالظبط وكأن الاوضه دى متصممه ليه هو والاوضه كانت مساحتها اكبر من مساحة اوضه مامتها الضعف .. اوضتها فيها بلكونه كبيره بتطل على حمام السباحة واوضه الجيم واوضه ناهد بتطل على الجنينه لأنها بنفس جهه الصاله وفى مطبخ كبير وحمام فى الصاله دا غير الحمام اللى موجود فى كل اوضه .. وفى اوضه صغيره جنب الباب بالظبط هما مش عارفين الاوضه دى لمين .. ناهد بتبص للدور بتاعهم بانبهار شديد .. ونيران حست پخنقه من المكان و اوضتها اكتر حاجه
ناهد بدهشة .. الشقه دى بتاعتنا! .. انا مش مصدقه
نيران .. دى جزء من القصر مش شقه منفصله .. يعنى هما تحتينا بالظبط .. وبعدين هى مش بتاعتنا ولا حاجه .. هما بس بيربطونا بيهم وخلاص
ناهد بفرحه .. ما لازم يربطونا .. دا انتى مرات اكبر واحد فى
العيله دى وأغناهم كمان .. طبعا لازم يبقى ليكى مكان خاص بيكى ويكون بالمستوى دا
نيران تبتسم مجامله لمامتها وتاخد الشنط بتاعتها وتدخل اوضتها
نيران
.. انا هدخل انام لانى تعبانه
