جوزي كل يوم بيخوني مع واحده بقلم رحاب القاضي
في دماغك وان ضل راجل ولا ضل حيطه..
سميره بسخريه
بس ده مثل صح مدام جوزي موجود يبقي كده الناس هتحترمني..
اميره
الناس هتحترمك باخلاقك وتعاملك معاهم ماحدش بيحترم حد عشان حد تاني يعني نفرض مثلا واحد اخلاقه وحشه بس كان ابوه كويس هل الناس هتحبه عشان ابوه وانتي ما حدش هيحبك ويكرهك عشان حد كل بني ادم بنفسه يا سميره..
خلاص بقي والنبي انا فيا اللي مكفيني دي حياتي ولازم اتحملها بقولك ايه انا هروح اعملنا شاي عشان ناكل الكيك ده ونجيب فيلم نتفرج عليه..
ضحكت اميره وقالت
ماشي يا ستي يلا وما تزعليش حقك عليا انا وجوزك ده ربنا يهديه عليكي ويعرف قيمتك..
_وفي شغل ياسين دخل عنده مكتبه محمد جوز اميره وصاحبه واټصدم لما لقااه بيلبس في القميص بتاعه وفي بنت من الموظفين بتظبط في هدومها...
امشي يا بت انتي اطلعي بره واياكي اشوفك هنا تاني..
البنت باحراج
ااا انا كنت جايه عشان الورق حتي اسأل ياسين بيه وو..
ياسين
اطلعي يا ناني يلا ونتقابل وقت تاني..
طلعت البنت ومحمد قفل الباب وزعق فيه وقال
انت ايه ما عندكش ډم ايه اللي انت كنت بتعمله ده..
ياسين وهو بيقعد علي مكتبه
عجبتني وقولت اتبسط شويه وبعدين ما حدش اخد باله من حاجه اهوو..
بس ربنا شايفك وانت بتعصيه وبتعمل چريمه من الكبائر وفين في مكان اكل عيشنا انت ايه يا ابني ما فيش عندك ضمير..
ياسين
يوووه بقي يا سين ما تكبرش الموضوع وهو مش مستاهل..
محمد
لا الموضوع كبير يا اخي بص علي مراتك وبناتك وافتكر ان اللي بتعمله ممكن جدا يترد فيهم..
ياسين بعصبيه
طيب خلي حد بس يقرب من مراتي وبناتي وانا كنت اكله بسناني..
واللي مش بترضااه علي اهل بيتك بترضااه علي بنات الناس ليه يا استاذ ياسين..
ياسين
بقولك ايه يا محمد. مش انت زعلان عشان ده حصل في الشركه هنا خلاص يا سيدي انا هعمل اللي انا عايزه بعد كده بره ممكن بقي تكبر دماغك مني وتسيبني اشتغل..
محمد
بجد يا خساره يا ياسين هتندم ندم عمرك علي اللي بتعمله ده..
ياسين
يووووه هو انا كل ما ادخل البيت الاقيكي نايمه..
سميره قامت وقالت
هو انت بتدخل امتي البيت يعني ما انت بترجع بعد نص الليل والله واعلم كنت فين..
ياسين
ما انتي لو ماليه عيني ما كنتش هفضل الوقت ده كله بره بس اعمل ايه وشك والعيشه معاكي تسد نفس اي حد انه يعيش اصلا...
ماشي كتر خيرك هتتعشي اقوم اجهزلك ولا ارجع انام..
ياسين
لا مش هتعشي ومش هتنامي هتفضلي صاحيه لحد ما انا انااام وبعد كده تستنيني لحد ما ارجع من بره اومال مراتي ازاي..
سميره پبكاء
انت ايه ما عندكش رحمه ليه بتعمل فيا كده انا مراتك وقبل ما اكون مراتك انا بنت عمك مش واحده مشتريها عشان تهين وتذل فيها براحتك..
ياسين بعصبيه
اممم انتي وحشتك العلقھ بتاعت زمان بس بسيطه اديهالك غالي والطلب رخيص يا بنت عمي..
_ وقفل الباب وسميره فضلت ټعيط وتصوت وبناتها طلعو من اوضتهم وفضلو واقفين بيعيطو وهما خايفين علي مامتهم من اللي بيعمله فيها ابوهم...
_جوزي كل يوم بيخوني مع واحده وامي اجبرتني اكمل معاه 2
_وتاني بوم الصبح كانت سميره بتجهز الفطار في المطبخ ووشها كله كدمات قربت منها بنتها وقالت..
تيا
ماما انا لبست هدومي لوحدي النهارده وكمان ملك ممكن بقي ما تزعليش..
سميره ابتسمت وقالت
مين قالك اني زعلانه منكم يا حبايبي ده انتو عمري واغلي حاجه في حياتي
