قصه جميله

الباب مقفول لو سمحت احدفى المفتاح
ملك قامت من السرير بسرعه رهيبه وهى بتكلم نفسها ي حبيبتى اكيد مت فريحه مجننها
بدور ع المفتاح مش لقياه
ملك اوضتها مقلوبه ع بعضها غير مرتبه
بدور فى كل حته ومش لقيا المفتاح
وبعد دقايق وتدوير فتحت شنطتها ولقيته فيها
بصت ل سهر وحدفتو ليها
وجريت ع باب الشقه فتحته ودخلت تغسل وشها
سهر فتحت باب العماره وشالت فريحه وطلعت فى الاسانسير
ولما خرجت منه لقت باب الشقه مفتوح
دخلت هى وفريحه وقعدت بيها ع كنبه الصالون
ملك خرجت ولما شافت سهر جريت عليها وهى
بټعيط وبتواسيها ع مت فريحه
سهر ي بنتى استنى عاوزه اقولك حاجه
ملك بتحضنها وفجأه لمحت فريحه نايمه ع كنبه الصالون
ملك بذهول اي ده مين دى عفريت فريحه
ووقعت من طولها اغمى عليها
بعد دقايق سهر فوقتها وحكت معاها ع كل حاجه
من اول مت فريحه وډفنها لحد ما عرفت ان
بنتها عايشه وادفنت حيه واللى عمل كده
واحده من البيت وطبعا ع كلام الداده تحيه
ملك بذهول معقول فى حد يجيلوا قلب يعمل فى طفلة كده وكل ده ليه علشان الفلوس
مش كفايه انها مريضه سكرى ومش عايشه سنها زى باقي الأطفال..
بصت ل فريحه وهى نايمه زى الملاك وحضنتها ي حبيبتى
ملك ل سهر انا عارفة مين اللى عمل كده
سهر بهفه مين
ملك اكيد واحده من سلايفك العقارب
روقيه او معتزه وغالبا روقيه لأنها بتغير منك
وطول عمرها بتحقد عليكى لأنك احسن منها فى كل حاجة
سهر واي إللى خلاكى تقولى كده
ملك ي بنتي انا متأكده لسبب مهم جدا
هو مش سبب واحد دول كذا سبب ومهمين جدا
اولهم.. انك متجوزه من أحمد اصغر اخواته
إنما كبير العيله بحكمته وعقله
ده غير ان حماكى معتمد عليه فى كل شغله
وهى مرات الكبير الخيخه اللى مالوش تلاتين
اى لازمه
وأهم سبب بقى انك ام فريحه اللى هتورث نص الثروه وهرشت فى شعرها وبتفكير
هو حماكى ليه كتب وصيته وقال فيها كده ان البنت هتورث نص الثروه
بصراحه الراجل ده ظالم وانا لو منها اعمل اكتر من كده انا اسفه طبعا بس حطيت نفسي مكانها
سهر انا مش عاوزه فلوس واحمد جوزى اتكلم
معاه وقالوا ألغى الوصيه وهو رفض
ملك عارفه حماكى عمل زى اللى حط السم فى العسل وخلى ولاده ياكلو فى بعض
سهر والله ما عاوزه حاجه بس اطمن ع بنتى
واعرف مين فيهم اللى عملت فى بنتي كده
وانا ورب العزه ما هسبها هعمل فى ابنها زى ما اتعمل فى بنتي
ملك طيب وانتي هتعملى اي دلوقتي
سهر ما انا جايلك علشان كده وبصت ل فريحه
وباستها انا جايه اسيب عندك فريحه الفتره ديه
لحد ما اعرف مين اللى عمل فيها كده
ي
ملك ازاى طيب واحمد!
سهر پغضب وخوف انا مش هعرف حد ان بنتي عايشه حتى أحمد نفسه لحسن لو اى حد فيهم شم خبر يبقى بسلمو رقبة بنتي ع الجاهز
وبتوعد اعرف بس مين عمل فى بنتي كده
واخد حقي وحق بنتي منها وبعدين
اققول ان فريحه عايشه ومنوره حياتي والدنيا كلها والمطلوب منك ي ملك انك تخبيها عندك
ملك بس كده فريحه فى عنيه
سهر حضنتها جامد بجد مش عارفة اققولك اي
بس عمري ما هنسالك الموقف ده ابدا
ملك انا عندى فكره
سهر فكره اي
ملك بلاش فريحه تقعد عندي هنا
علشان انتي عارفه اكتر شغلى بنفذه فى البيت
ملك بتشتغل مصممه ازياء
وطبعا اخاڤ حد يشوفها
سهر اومال هتقعد فين!
ملك انا هخدها تقعد عند اختي زهره فى المعادى
اي رأيك
سهر وهى هتوافق
ملك اختي زهره دى اجدع خلق الله
وخصوصا بعد ما تعرف اللى حصل معاكى ومع فريحه
سهر پخوف وخضه لا بلاش تعرف
ملك حاضر خلاص متقلقيش
مش هقولها بس هقول اى سبب تانى
سهر تمام انا هقوم امشي بقى لان خارجه من البيت من كام ساعه وتلاقيهم قالبين عليا الدنيا
وقامت وقفت وودعت فريحه وباستها
وقبل ما تخرج من الباب رجعت تانى
قولى ل زهرة انها مريضه سكري وليها نظام معين شكولاتة ممنوع جاتوه ممنوع ماشى اى حلويات ممنوعه وع طول تقيس لها نسبه السكر فى الډم بليز خليها تخلى بالها
ملك حضنتها مټخافيش وابقى طمنيني عليكى
نزلت سهر وسابت فريحه وقلبها مكسور وۏجعها ع فراقها بس اهون عندها من المت
ونزلت ركبت العربيه وطلعت ع فيلا الدمنهوري
وفي نفسها بتوعد اعرف بس انتي مين فيهم وانا هوريكى الويل اكيد زى ما كانت عاوزه تخلص ع بنتي اكيد ناويه تخلص عليا
ي ترى مين فيكم
فى غرفه نوم احمد
سهر واقفه قصاد الدولاب ولابسه قميص نوم ابيض
احمد قاعد ع السرير وبيبصلها
وبيسأل نفسه هى كانت فين واي اللى بتعملو ده
وطبعا نفسيته تعبانه جدا بعد وفاه بنته فريحه
سهر قربت منه وحضنته ممكن تستاخر شويه
ومسكت ايده
احمد اي ده
سهر هو اي اللي اي ده عاوزاك
احمد نعم
سهر اي وانا مش مراتك ولا اي
احمد الدموع نزلت من عينه
انا عارف ان نفسيتك وحشه بس مش لدرجة دى
بنتنا لسه مدفونه الصبح معداش عليها يوم كامل
وانتى بتقولى عاوزاك
احمد اتنطر من ع السرير زى المچنون وبعد عنها وقالها انتي مين انتي مش سهر
احمد اتنطر من ع السرير زى المچنون وبعد عنها
انتى مش سهر مراتي.. انتي مين
احمد بارتباك وإصرار بقولك انتي مين
سهر پغضب انت اټجننت انا سهر مراتك
احمد حط ايده على وشه واتوتر لما حس انه غلط فيها ولغبط في
الكلام
سهر بعدت عنه وورابت وشها الناحيه التانيه
خلاص انا مش عاوزاك ولو سمحت سبني انام
احمد بتوتر فى اي ي سهر ما انا اعتذرتلك
سهر قامت وقعدت على السرير
اه اعتذرتلى علي اي بالظبط ع اني عاوزاك وانت رفضت ولا لما قولتلى انتي مش سهر.!
احمد مسك حنجرته وحس پخنقه وابتدى وشه يحمر ومش قادر
ياخد نفسه
مخڼوق ومش قادر اتنفس
سهر وشها اتغير اي ده مالك!
احمد قام جري وفتح الشباك وبيحاول يتنفس
بص ورا على سهر ولقاها قاعده على السرير
مكانها بدون اي رد فعل
احمد هاتى البخاخ بسرعه
سهر قامت من ع السرير وبكل برود
بخاخ اي
احمد جري ع الكمود وفتحه وجاب البخاخ بس لقاها فاضيه. اتعصب ورماها على الأرض
سهر وطت على الأرض وخدت البخاخ ومسكته بإيدها وبتحركه بتعجب
اي ده هو انت بتستعملوا من امتي
احمد بصلها وبيبرقلها بعينه
سهر هزت دماغها ب استغراب اي انت بتبصيلى كده ليه! انا فعلا معرفش انك بتستعمل بخاخ
احمد بتفكير فى نفسه معقول اذا كان هى اللى قالتلى استعمل البخاخ ده وهرتاح عليه هى مالها
وراجع تفكيره.. اكيد مت فريحه مأثر عليها
سهر لابست الروب ودخلت الحمام
احمد قعد على الفوتيه وهو مستغرب من تصرفها نحيته لدرجه انه بيكلم نفسه
دي حتي مسألتنيش انا بقيت كويس ولا لأ
بعد دقايق..
احمد فى نفسه سهر اتأخرت فى الحمام
قام يبص عليها ولسه هيخبط ع باب الحمام
كان الدمنهوري بيخبط ع باب الاوضه
احمد فتح الباب
الدمنهوري تعالى انا عاوزك
احمد حاضر
الدمنهوري نزل واحمد قفل باب الاوضه ومن غير ما يبلغ سهر نزل ورااه على مكتبه..
فى المكتب وكان بعد الساعه ٤ الفجر
الدمنهوري قعد على الكرسي
احمد دخل وقفل الباب وراه
احمد خير ي بابا
الدمنهوري هو بعد فريحه هيكون في خير
ما خلاص حفيدتى خدت الخير كله معاها وراحت
احمد پبكاء قضاء ربنا وانا راضي بقضاءوه
الدمنهوري ما انا عارف انه قضاء ربنا بس مش عاوزك تبقى ضعيف
احمد مش فاهم حضرتك تقصد اي
الدمنهوري اقصد انك تشد حيلك وتخلف بنت تانيه بسرعه
احمد بابا انت بتقول اي
فريحه بنتي لسه مېته مكملتش يوم وحضرتك بتقولي اخلف تانى ده انا حتى لسه ما اخدتش عزاها ولا حتي لحقت أحزن عليها
انا قلبي موجوع ع بنتي وصورتها مش مفارقه خيالي
الدمنهوري قام من مكانه وقرب منه وفى اللحظه دي عمار زوج روقيه الاخ الكبير
شاف نور المكتب مفتوح قرب علشان يشوف
مين جوة وحط ايده على الاوكرا ولسه هيفتح الباب سمع صوت الدمنهوري
الدمنهوري انت عارف انك اصغر اخواتك
بس انت الوحيد اللى دايما فى ضهرى
انت يمكن اصغرهم بس اعقلهم
تجارتي كبرت معاك وبيك ومستحيل حد يورثها
غيرك من بعدى.. انت فاهم
وطلبي الوحيد انك تخلف بنت تانيه
علشان هى اللى هتورث نص ثروتي
الشركه والمصنع وحط ايده على كتف احمد
هيبقوا ملكك وليك انت اما اخواتك هيكون حقهم نص الثروه التانى وهو فلوس
عمار من ورا الباب بقى كده يا احمد بيه
بتلعب بدماغ ابوك من ورانا
ده انت بنتك لسه نارها مبردتش
ولما حس ان حد جاى ناحيه الباب طلع جري على اوضته
احمد لدمنهوري پغضب وزعيق ده ظلم اللى انت بتقولو ده ظلم
الدمنهوري مد ايده عليه وضربه بالقلم أخرس ي كلب انت بتقل أدبك عليه وبتقولي اني ظالم
احمد حط ايده ع وشه لأول مرة حضرتك تمد ايدك عليه بس حابب اقولك حاجه
انا لا عاوز فلوس ولا شركات ولا مصانع
مش عاوز غير اني امشي من هنا وابعد انا ومراتي عن الظلم ده
وفتح الباب وخرج
الدمنهوري كلب وميعرفش مصلحته
وبص ع الباب وبزعيق هتسمع كلامي ي باشا
وهتخلف بنت بدل فريحه وهتورث نص الثروه
وانا هكلم سهر تخلف تاني
ولو حد فيكم اعترض ع كلامي
هيكون مصيره الشارع ي أحمد وبزعيق انت فاهم
فى اللحظه دي منار خارجه من المطبخ وفى ايدها كيس بلاستيك اسود وبتبص شمال ويمين
وسمعت كلام الدمنهوري لأحمد
ولما حست ان حماها طلع اوضته والڤيلا فاضيه
طلعت اوضتها وهي بتتسحب
فى اللحظه دي احمد دخل اوضته كان متعصب من كلام الدمنهوري قفل الباب وراه
بيبص ع سهر لقاها نايمه على السرير
اتخض لما شاف شكلها كانت نايمه نوم عميق
لابسة جلابيه بيت سوده مش مبينه ولا حته من جسمها قرب منها وبصلها اوووووي باستغراب
لقاها ماسكه برواز صوره فريحه فى حضنها
فى صباح اليوم التالي..
سهر قامت من النوم ملقتش احمد جمبها
مسكت الفون واتصلت ب ملك
تطمن علي فريحه وطبعا بلغتها انها هتاخد فريحه المعادى عند زهرة اختها ع حسب اتفاقهم
قفلت معاها وهى كل اللى مطمنها ان البنت عايشه
وفي نفسها اه بنتي عايشة مماتتش واللي فاكره انها قټلتها عايشه هنا فى البيت معايا
باكل انا وهي فى طبق واحد واكيد زي ما نوت
انها ټموت بنتي وقدرت لولا ستر ربنا
اكيد ناويه ع متي
انا لازم اخد حذرى كويس وقامت من ع السرير
دخلت الحمام غسلت وشها
انا لازم اكلم داده تحيه واعرف منها هي كانت
تقصد مين من سلايفى روقيه ولا معتزه
وقطع تفكيرها خبط روقيه ومعتزه ع الباب
خرجت تفتح الباب وعملت نفسها مش قادره تمشي ومڼهاره
روقيه بدموع خباثه قربت منها وحضنتها
شيدي حالك ربنا يصبرك
سهر ساكته مش بترد
معتزه خدتها فى حضنها
بجد انا مش عارفه اققولك اي بس ربنا يعوضك
بالاحسن ان شاء الله
سهر باڼهيار يعوضني بايه
انا بنتي ماټت خلاص انتم اصلا مش حاسين بيا
كل واحده فيكم ابنها فى حضنها اما انا خلاص
بقيت وحيده بنتي راحتتت مني في غمضه عين
منار جايه تجري على صوت سهر
في اي وبصت لسلايفها بغيظ مش انا قولتلكم
بلاش حد منكم يجي هنا دلوقتي علشان يعزي سهر
روقيه انا جايه اققولها تنزل تاخد عزا بنتها
منار كنتي قوليلي وانا هتصرف
منار لسهر يلا ي حبيبتي الناس تحت مستنياكي
سهر انا مش هنزل ولا هاخد عزا
منار انتي بتقولي اي مينفعش
سهر اللى سمعتيه ويلا بقى ع بره كلكم
وزقتهم بإيدها على بره الاوضه
معتزه جريت على اوضه حماها الدمنهوري
وبلغته باللي حصل وان سهر مش هتاخد عزا بنتها
والناس مستنياها وده هيعمل لهم احراج وفضايح
فى الوقت ده أحمد خرج من الحمام
منار واقفه بره الاوضه
افتحى ي سهر عيب ده
انا اختك
احمد لسهر في اي
منار زقت الباب وشافت احمد بالبنطلون بس
بصتلوا اوووى اي ده انا اسفه وورابت وشها
الناحيه التانيه وخرجت من الاوضه
سهر واقفه قصاد المرايا
احمد لابس تيشرت وقرب منها وبيسألها في اي
كان الدمنهوري جاي ع اوضه سهر
ووراه معتزه دخل ع اوضتهم
كانت منار واقفه ع الباب هى وسلايفها
بعد طرد سهر ليهم
سهر شافتهم واقفين واول لما شافت حماها
وقبل ما يتكلم جريت فى حضنه
ي عمي انا بنتي ماټت واستعوضت ربنا فيها
ومش هاخد عزا وطبعا احمد واقف سامع كلامها
ومستغرب
بتبص ع سلايفها
الدمنهوري والناس ي بنتي
سهر العزا ده كلام فاضي وانا استعوضت ربنا فى فريحه بس عوض ربنا كبير
سابت حضڼ حماها وقربت من أحمد ومسكت ايده وعينها ع سلايفها
وحطت ايده ع بطنها انا حامل في شهرين
احمد اي!
الدمنهوري بفرحه معقول انا مش مصدق نفسي
الف مبروك خلاص مفيش عزا
وخرج يجرى بره الاوضه والفرحه مش سيعاه
احمد قرب منها معقول حامل
سهر بتشاور بإيدها وبصوابعها الاتنين
حامل فى شهرين
منار والله ما عارفه اققولك مبروك ولا اعزيكي
سهر قولي مبروك وحضنتها
روقيه عوجت شفايفها مبروك
سهر هتباركيلى اكتر لما تعرفي ان بتوحم
زى ما كنت بتوحم فى فريحه
يعنى بعد ٧ شهور هيكون عندي فريحه من جديد
الدمنهوري نزل واعتذر لكل الموجودين وقال إن سهر تعبانه ومش هتقدر تاخد عزا
منار وسلايفها نزلوا وطبعا حمل سهر كان مفاجأه للكل
اما احمد قرر انه ياخد عزا الرجاله فى مسجد
بعيد عن سهر خالص
ولما دقت الساعه ٧ مساءا
جهز هو اخواته الشباب وقبل ما يروحوا المسجد
احمد كلم الدمنهوري علشان يكون معاهم
بس رده انه تعبان
احمد خد اخواته وراح المسجد ياخد العزا
فى الوقت ده سهر كانت واقفه فى الشباك
وعينها فى الجنينه بدور ع تحيه ولما سألت عليها
عرفت من منار انهم اتفجأؤا بيها لمت هدومها ومشيت من الفيلا خالص ومحدش يعرف حاجه عنها
وطبعا سهر اټصدمت لان تحيه كانت عارفه مين اللى عمل فيها كده ومشيها بالنسبه ليها خساره كبيرة.....
بعد مرور ساعات احمد وإخواته رجعوا
وكان الوقت متأخر
احمد طلع اوضته وشاف سهر نايمه
غير هدومه وقرب منها
بعدته عنها انت مچنون انا بنتي لسه مېته
وانت بتعمل كده عيب ده انت حتي لسه راجع من العزا
احمد بتعجب مش ده اللي زعلك مني امبارح
انا بصالحك اهو ي ستي
سهر امبارح!
احمد ايوه لما زعلتي مني وقولتي عاوزاك
وانا من زعلي ع فريحه رفضت
سهر انت بتقول اي انا مش فاهمه حاجه
قاطع كلامهم الباب لما خبط وكانت منار
سهر فتحته تعالى
منار دخلت الاوضه وبصت لأحمد ومسكت ايد
سهر بستأذنك اخد سهر تنام معايا النهارده
اصل اخوك مش هنا وقولت اهو تقعد معايا واهون عليها
احمد ماشي
منار واقفه بتبص لسهر
سهر فتحت الدولاب وقلعة الجلابية السوده
اللى كانت لابساها
واول لما جسمها بان منار بصت لنظرات احمد عليها بغيره انتي هتلبسي اي
سهر هلبس اي يعني
منار خليكى بالجلابيه وتعالي البسى حاجه من عندي وخدتها معاها
وبعد مرور شهر من خدعه لسهر لمت فريحه
وفى نفس الوقت اختفاء تحيه
سهر كانت واخده بالها من كل حاجه كويس اوى
لدرجه انها مكانتش بتاكل غير من ايدها وبس
وابتدت تفكر فى الاڼتقام وفى يوم نويت تفرقع القنبله
وكان كلهم قاعدين ع العشا وقالت
انها حامل فى