حكاية اسيا

جالى شغل فجاءة
انتى مش قلتى انك فى اجازة !
شئ طارئ يا عزت بس انا بخير ٠٠ من فضلك تسبنى ارتاح الليلة دى وبكرة نبقى نتكلم
تمام ٠٠ المهم انك بخير
أغلقت آسيا الهاتف ثم إتصلت بزميل لها فى العمل وأخبرته عن رقم سيارتها وأن وجدها عليه أن يبلغها على الفور انهت مكالمتها ووجدت برنسيس تقف ويبدو عليها التوتر فقالت
خدى التليفون
أخذت برنسيس الهاتف وبدى لها انها متوترة للغاية وخائڤة نظرت لها آسيا بشك ثم قالت
فى ايه يا برنسيس 
وجدت برنسيس نفسها تبكى دون أى مؤشر ثم جلست على الأريكة ووضعت كلتا يداها على وجهها اقتربت منها آسيا پخوف وقالت بنبرة قلق واضحة
حصل حاجة ! ٠٠ حد ضايقك
٠٠ فاروق ضايقك !
هزت رأسها بالنفي ثم نظرت لها طويلا وقالت
انا تعبانة ٠٠ تعبانة يا آسيا وقرفانة من نفسى
فى ايه يا برنسيس !
انتى عارفة كويس فيه ايه ٠٠ مش قادرة اخبى عليه حاسة انى مستهلوش

هو احسن منى
رفعت آسيا أحدى حاجبيها ثم قالت
ايه الكلام الخايب ده يا برنسيس ٠٠ احنا مش قفلنا الموضوع ده خلاص
بس هو من حقه يعرف يا آسيا
حق ايه يام حق انتى ٠٠ كلامك ده بيدل انك مچنونة ومش طبيعية انا عرضت كذا مرة عليكى تروحى لدكتور نفسى وانتى اللى رافضة متخلنيش اضطر انى اوديكى بالعافية ٠٠ هو خوفى وقلقى الزايد عليكى هو اللى مرعك كده
مسحت برنسيس دموعها ثم قالت
من حقه يعرف انا مبقتش قادرة ابص فى عينه حاسة انى كدابة و ٠٠
قاطعتها آسيا پغضب وقالت
عاوزة تقوليله قوليله يا برنسيس عشان بس اعرفك واثبتلك أن اللى موجود فى دماغك دى تخاريف وانتى هتشوفى رد فعله بنفسك مش بعيد يضحك عليكى ويقول انك واحدة مچنونة
او يسبنى
أغمضت آسيا عيناها بآسى ثم قالت
بصى يا برنسيس هو مش من حقه يعرف أى شئ عن ماضيكى اصلا ده لو عندك ماضى اصلا فما بالك بالهبل اللى بتتكلمى فيه ده ٠٠ ولازم تعرفى كويس أن يوم ميلادك بالنسبة ليه يوم ما حطيتى دبلته فى ايديك أى شئ زمان مش من حقه يعرفه اصلا ولو هو سابك عشان السبب ده يبقى هو ميستاهلش اصلا يا برنسيس ده شئ ملكيش ذنب فيه اصلا
نظرت برنسيس لها والدموع تترقرق من عينيها ثم قالت
هو ممكن يسبنى !
أقتربت منها آسيا وأحتضنتها ثم قالت بنبرة حانية
لا يا حبيبتى ٠٠ فاروق واضح انه بيحبك بجد ومش هيتخلى عنك اصلا عشان شئ تافه زى ده ٠٠ لو عاوزانى اكلمه انا اكلمهولك
أبتعدت برنسيس عنها وهزت رأسها بالنفى وقالت
لا انا هكلمه
وصل يونس إلى المنزل ووجد الشرطة بالداخل فأسرع نحو الداخل بحثا عن هايا وجدها فى غرفتها وبجوارها صديقتها ويبدو انهم منهرتان من البكاء عندما وجدته هايا شعرت بأنها وجدت طوق نجاة فأسرعت نحوه وهى تقول
ه٠٠ هو فى ايه ! الظابط بيقولى لازم اخلى بيتنا وبيقول ابيه أنس ماټ و٠٠ انا مش فاهمة حاجة ه٠٠ هو فى حد بيهزر الهزار الۏحش ده
شعر يونس بالآسى عليها والحزن ثم قال
اهدى يا هايا انا جنبك ومش هتخلى عنك ابدا
ط٠٠ طب ابيه فين 
نهضت أصالة عن مقعدها لتستمع لما ستقوله يونس بإنصات
انا آسف يا هايا بس آنس ماټ
لم تستطع أصالة الوقوف أكثر من ذلك فوقعت على الأرضية ووضعت يدها على فمها فقد كانت تحلم أن ينفى ذلك أو يقول أى شئ ولكنه اكد ما سمعته ٠٠
بينما هايا انهرت من البكاء ثم قالت
ط٠٠ طب الشرطة هنا ليه !
أبتلع يونس ريقه وأغمض عيناه فتابعت هايا 
ارجوك متخبيش عليا يا يونس
أخذ يونس نفس عميق وعلم إنها ستعرف آجلا أم عاجلا بل على العكس تعرف الآن افضل بكثير من أن تعرف فى وقت لاحق حتى لا تشعر پصدمة آخرى
كان بيشتغل فى الممنوع و٠٠ ولازم نخلى الفيلا زى ما الظابط قال
عندما سمعت أصالة ذلك لم يتحمل جسدها تلك الصدمات ففقدت الوعى إما عن هايا وضعت يدها على فمها كاتمة تلك الشهقة التى بداخلها وهى لا تصدق فنظر يونس إلى أصالة ثم قال
ادينى رقم حد من اهلها اكلمه
ثم حاول هو افاقتها فأتصلت هايا ب نادر وطلبت منه أن يأتى كى يصطحب أصالة لأنها متعبة قليلا أغلقت الهاتف وهى تشعر بحالة ذهول تامة لا تريد التحدث لا تريد أى شئ لم يكن يونس يعرف كيف يتصرف معها فقد كان يعرف أن ذلك الصمت يحمل الكثير والكثير فأهتم اولا بمحاولة إفاقة أصالة وانتظر شقيقها حتى آتى وأخذها الذى كان فى حالة ذهول تام من وجود الشرطة بكل مكان ولكنه بالطبع كان يريد أن يأخذ شقيقته ويفهم بعد ذلك ما الذى يجرى منها ٠٠
بعد أن رحلا نادر و أصالة أمسك يونس يد هايا وخرجا سويا من ذلك المنزل التى كانت تسير معه وكأنها مغيبة عن الوعى جعلها تستقل السيارة ثم ذهب إلى منزله الخاص ما أن وصل حتى قال
انزلى يا هايا
نظرت هايا حولها ثم قالت بشرود
احنا فين !
ده بيتى يا هايا هتعيشى معايا
رفعت هى احدى حاجبيها ثم قالت
هعيش معاك ازاى !
هايا انا مش هسيبك انا زى أنس و انتى ٠٠ انتى طول عمرك اختى و ٠٠
نزلت دمعة من عينيها ثم قالت
وبقيت يتيمة ٠٠ ومبقاش ليا حد مش كده !
زفر يونس بضيق ثم قال بإنفعال
انزلى يا هايا ٠٠ هنتكلم فوق
ثم فتح لها باب السيارة وجعلها تترجل ثم ترجل هو الآخر وأغلق سيارته وتبعها نحو الداخل استقلا المصعد سويا حتى صعدوا للطابق الثالث حيث شقته وخرجا سويا ليفتح باب الشقة فدلف للداخل وجدها مازالت تقف بالخارج وهى تنظر لباب الشقة فأمسك
يدها وادخلها للداخل دلفت للداخل معه حتى أوصلها إلى غرفة ما ثم قال
دى هتبقى اوضتك يا هايا
نظرت له وهى لا تفهم ذلك الوضع الجديد الذى مضطرة أن تكون به حتى قالت
ا٠٠ انا حاسة انى بحلم ٠٠

انت بتقول ايه يا يونس ٠٠ ا٠٠ انا مش فاهمة حاجة
نامى دلوقتى يا هايا والصبح نتكلم إن شاء الله
دلفت هى للغرفة وهى تشعر بمشاعر غريبة فقد كانت مضطربة لا تدرى بما حولها أغلقت باب الغرفة وجلست على الفراش تفكر فى الذى حدث طوال ذلك اليوم الذى لا ينتهى فقد كان التفكير مسيطر على عقلها نوم !! أى نوم بعد كل تلك الآخبار التى سمعتها للتو وجدت نفسها تخرج من غرفتها وتبحث عن يونس فى كل الشقة حتى وجدت غرفة أخرى طرقت باب الغرفة ثم دلفت للداخل فنظر لها يونس وهو يقول
خير يا حبيبتى ٠٠ عاوزة حاجة !
ابتلعت ريقها ثم نظرت له وقالت
احنا هنتجوز مش كده !
أتسعت أعين يونس من الصدمة فلا يصدق ما قالته هايا للتو ٠٠
الحلقة الثالثة والعشرون
أبتلع يونس ريقه بصعوبة ثم اقترب منها وهو يقول
انتى قلتى ايه !
نتجوز انا وانت
نظر لها بعدم استيعاب لما تقوله ثم قال
هايا انتى مخطوبة اصلا ٠٠ ايه اللى بتقوليه ده
نظرت هايا لتلك الدبلة التى بيدها وقامت بنزعها ثم قالت
كده مبقتش مخطوبة
لم يكن يونس يعلم بماذا تفكر تلك المچنونة ولكنه قرر مجراتها لكى يعلم لما تفكر بالزواج منه خصوصا بذلك الوقت رغم انه رأى بعينيها إنها تحب خطيبها فقال
انتى عاوزنا نتجوز ليه يا هايا
نزلت الدموع من عينيها ثم جلست على أريكة بالجوار وقالت بصوت حزين
ا٠٠ انا عارفة انك مش بتحبنى ٠٠ انا كمان بحب منصف بحبه اوووى يا يونس
اقترب يونس منها وجلس بجوارها ثم قال
كملى يا هايا 
انت عارف منصف لما يعرف أن أبيه أنس مش نزيه زى ما كلنا فاكريين ٠٠ مش هينفع نكمل سوا يا يونس مستحيييل اصلا يتقبل واحدة زيى فى حياته انا لازم افسخ الخطوبة دى وفورا
انتى ليه افترضتى انه هيسيبك مش يمكن ميفرقش معاه
ه٠٠ هو مبيحبنيش اكتر من مانا بحبه ٠٠ لازم٠٠ اسيبه مش ٠٠ مش بس كده انت بتقول اننا هنعيش سوا نعيش بأى صفة يا يونس محدش هيرحمنا انت مش اخويا وا٠٠ انا مليش حد غيرك يا يونس ا٠٠ انا مكنتش اعرف حد غيرك انت وابيه أنس مصډومة ايوة مصډومة ابيه اللى حبيته واحترمته عمرى كله طلع مش محترم 
ثم نظرت له والدموع تترقرق فى عينيها
ب٠٠ بابا كان كده كمان ! عشان كده بيحجزوا ع كل املاكنا 
أخذ يونس نفس عميق ثم قال
أيوة
مسحت هايا دموعها ثم قالت
انا مش طالبة منك كتير يا يونس انك تتجوزنى بس ع الورق كمان مش عاوزة جواز حقيقى انا عمرى ما هحب راجل تانى غير منصف بس كده انت هتبقى قدمت ليا خدمات كتير انى اعيش معاك ومحدش يتكلم علينا وكمان انا مش عاوزة اتجوز بجد عشان محدش هيملك قلبى غير منصف
ثم نظرت له بتوسل
هتعمل ده يا يونس !
ابتلع يونس ريقه ثم رمش بعينه بالإيجاب وقال
حاضر يا هايا ٠٠ بس مش دلوقتى نستنى ع الأقل لحد الأربعين
هزت هايا رأسها بالإيجاب ثم قامت بفرد جسدها على الأريكة فقد كانت تريد أن تهرب من كل ما سمعته فى ذلك اليوم نظر لها يونس وشعر بآسى وحزن على حالها ولكنها ما أن غفت حتى احضر لها غطاء ووضعه عليها ثم ذهب تجاه فراشه وهو ينظر لها ويفكر فى حديثها ذاك ٠٠
كانت أصالة فى حالة شرود تام أحقا كانت تحب شخص لم تعرفه لم ترى وجهه الحقيقى كان حبها كڈبة نزلت الدموع من عينيها وتذكرت حين دخلت المكتب عليه ووجدته مع تلك الفتاة لقد كان ېخونها حقا كان ېكذب شخص مثله لن يكون صادق فى شئ ابدا فلقد صدقته حين قال أن تلك الفتاة لعوب قد كانت تصدقه هو وتكذب احساسها مسحت تلك الدموع لا تعلم شئ فهى رغم كل شئ كانت تحبه ليس من المعقول أن تكرهه فجاءة كانت تود أن يصارحها لتحاول معه حتى يتغير للأفضل ٠٠ أفضل ما هذا الهراء أى أفضل ذاك !! التى تتصوره بخيالها فالنهاية هو قاټل مچرم كانت لابد له من تلك النهاية فتلك عدالة الله ٠٠
وقف نادر على باب غرفتها وهو يرى الدموع الساكنة بداخل عينيهاتلك اقترب بهدوء وهو ممسك بكوب من العصير حتى تهدئ اعصابها ثم جلس أمامها ومد لها يده بالكوب فنظرت له لتتحدث بوهن
مش قادرة
أخذ نادر نفس عميق ثم قال
مش كده كان احسن 
نظرت له بعدم فهم لتسئله
هو ايه الأحسن !
ان ربنا كشف حقيقته قبل ما تتجوزى منه او الحب بينكوا كان يكبر ويكبر او تخلفى واحد هيبقى كل ذنبه ان ابوه مچرم
نظرت له وترقرت الدموع من عينيها لتقول
وانا يعنى محبتوش
يا نادر !