روايه جديده بقلم لولو طارق

شاء الله ها يعجبك بنتى شاطره ونضيفه والله يعنى تاكلو بقلب جامد وبعدين نعمل الشاااى ونتكلم براحتنا 
سعد ماشى يا ست توحيده انتى كدا بتاخدينا من الدار وبتحرجينا بزوقك والله وبيبص لجورى نظره مش مفهومه والا ايه يا جميل 
جورى لا طبعا يا عمو دا طبعنا
محدش يدخل بيتنا الا لما يبقى فى عيش وملح بينا حتى لو مش ها يجلنا تااانى بس لازم يبقى عارف ان البيت بيته فى أى وقت وكل بيوت الحاره كدا 
سعد طيب نفطر مع بعض وندوق أكلك 
قعدو كلهم يفطروووو 
جورى مسكت العيش وبتدى خالد وسعد وبتقولهم انا روحت أشتريت عيش فااااخر من عم مجدى كان مش مصدق نفسه عشان تعرفو تاكلوه 
سعد يعنى ايه عيش فاخر دا 
جورى الحليوه الابيض الا قدامك دا 
سعد مش دا عيش عاااادى بردو 
خالد 
جورى ليه هو فى أفخر من كدا دا انا اروح فى عم مجدى فى داهيه مش كفايه عيش الفرن الا منعرفش له وش من ضهررر 
توحيده افصلى خليهم يعرفوووو ياكلووو 
سعد سبيهااا 
جورى بص بقى يا باشا بكره البتنجان المخلل الا برا وبعشق أعمله فى البيت تقريبا كدا الشارع كله بيستغلنى 
سعد ها ندوق ونعرف يمكن استغلك انا كمان والفول دا بقى 
جورى رفعت ايدها لا بقى دا
لعبتى أحلى
فول بالصلصه انما ايه دماااار شامل 
خالد ربنا يستر 
سعد وايه دا بقى 
جورى بتضحك دى بقى على رأى أم فخرى أقول لها شكشوكه تقول شخشوخه 
سعد انتى فظيعه 
جورى وربنا منا دى ام فخرى الحشريه 
سعد يا شيخه وطبعا دى طعميه ودى جبنه 
جورى أسمحلى بقى دى جبنه قديمه انما ايه تأكلها من هناااا وعينك تنور من هنا 
خالد لا ما تقلقيش عليه بيعشق الحاار
سعد بقولك ايه شكل الاكل حلوووو وانا جوعت وعايز أكل سبينى بقى وبعدين أقولك رأى ماااشى 
توحيده اتفضل بألف هنا 
وخلصو الفطار وجورى شالت الاكل وراحت تعمل شااااى 
جورى اتفضلوو الشاى كله مظبوط 
سعد تسلم ايدك الفطار طعمه يجنن 
جورى بجد عجبك والا مكسوف وبتجاملنا 
سعد مكسوف أقعدى يا بنت عشان لو شغلت دماغى عليكى ها تلفى حوالين نفسك 
خالد تسلم ايدك على الفطااار والشاى 
جورى عد الجمايل وقامت جابت علاج مامتها وبتديهولها وبتشربها الميه الباب خبط وراحت تفتح 
جورى مالك يا حمودى
حمودى طنط جورى ماما ضربتنى 
جورى ليه 
حمودى عشان لعبت فى الطينه 
جورى كدا حمودى القمر الا ها يبقى مهندس لما يكبر يلعب فى الطينه عيب كدا روح اعتذر لماما وقول لها انا اسف 
حمودى وها تجيبلى شيكولاته 
جورى خد هات أحلى شيكولاته لأحلى حمودى ياله بقى عشان عندنا ضيوف وقفلت ودخلت تانى لهم وسعد قاعد مراقب تصرفاتها كلها لانه قاعد وشايف الباب وبحكم ان الشقه صغيره فا سامع كل حاجه 
سعد وانتو بقى عايشين منين يا ست توحيده كنتى بتشتغلى 
توحيده عندى مكنه كنت بخيط لأهل الحاره ولما تعبت جورى بقت تشتغل وتساعدنى عشان مصاريف البيت والعلاج 
جورى من راسها وايديها ربنا ما يحرمنى منك يا ست توحه يا عسل
خالد جورى ممكن فنجنين قهوه واحد ساده والتانى مظبوط 
جورى حاضر وراحت تعمل القهوه وتوحيده استأذنت وقامت عشان كتر القاعده بتتعبها 
خالد عشان خاطرى بلاش تحرجهم بوضعهم 
سعد انا بفهم عايشين ازاى واحمد ربنا انا لولا فعلا انى ارتحت للبنت كنت قولتها لهم صريحه انى مش عايزها فى حياتك بس انا معنديش مانع فى فترة خطوبه نتعرف على اخلاقها وطباعها وبعد كدا ربك يسهلها 
خالد بفرحه ايوا كدا ها تفاتحهم دلوقتى 
سعد لا طبعا ها ناخد معاد ونيجى لهم بس تسيبها من موضوع الجارسونه دا 
خالد انا بشوف لها شغل بشهادتها وها تسيبه 
سعد تمام 
جورى جابت القهوه وجابت مامتها وقعدووو اتكلمو كتيررر بدون تكليف وقضو وقت حلووو جدا مع بعض وراحه بعض الشئ لسعد من ناحية البنت ومامتها 
حسن زيزو حبيب بابا 
زياد ببب 
حسن ايه يا واد العسل دا عيونك خضرا لبابا حبيبك انت ها تدوب البنات كدا مش ها يستحملووو كتير 
زياد 
محمود من دلوقتى 
حسن دا 
محمود طالع لابوه 
صفيه ياما االجيررران ويكتب لهم جوابااات طول عمره شقى 
مريم الله ياختى بريئ 
حسن الله ودتونى فى داهيه 
صفيه ومحمود 
حسن والله برئ يا بيه دا كانو هما الا بيجرو رجلى 
مريم ضړبته بأيديهاا هما بردو الا بيجرو رجلك وانت بقى كنت بتعمل ايه 
حسن ها أعمل ايه 
مريم انا ها انزل الشغل 
حسن بتهزرى يا مريم الدكتور قالك لازم راحه تامه أسبوع على الاقل 
مريم مش ها أجهد نفسى يا حسن لازم ابقى موجوده 
حسن حسن معلش عشان الا فى بطنك وصحتك أهم من الشغل فاهمه 
مريم بأبتسامه خلاص ماااشى المهندس أحمد زهق ياعينى من اعذارى كل شويه 
حسن مشروع الكمبوند بتاعه وبتاااع عموو يزيد عامل ايه 
مريم ماشاء الله ياحسن تحفه بجد ها يبقى ناقله
جااامده فى عالم المعمااار والذوق الراقى جميل قوى والطلبات عليه كتيرر جدا فوق كل التوقعات 
محمود ماشاء الله ربنا يبارك لهم 
حسن احنا عايزين ننقل من الشقه دى ونشترى بيت ياحج واسع بجنيه صغيره عشان العيال لما تكبر شويه تلاقى مكان تلعب فيه ونبقى براحتنا 
محمود والله يابنى عين العقل بس العقارات هنا غاليه مولعه 
مريم انا ممكن ابيع شقتى وها تجيب مبلغ حلووو على تمن الشقه دى والفلوس الا معايا ولو معااك انت كمان يا حسن 
حسن فلوسك وحاجتك ها تفضل زى ما هيا الحمد لله معايا الا يجيب البيت ويوضبه على زوقنا ما تحمليش هم 
صفيه ربنا يوسعها عليك يابنى 
محمود أمين وانا معاااك ما
تقلقش الحمد لله المعرض شغااال حلو قوى 
حسن طيب تمام ها ادور كدا واكلم كام سمسااار والمناسب ناخده ماشى يا زيزو زياد ضحك حسن يبقى كدا ماااشى هى ريرى مش ها تصحى بقى 
مريم شويه وها تصحه ادام الباشا صحى هى
بتقوم بعده على طول 
صفيه روحهم فى بعض سبحان الله 
مريم حسن ممكن تقعد عدل عشان ماما بتكلمنى وها أفتح الكاميرا 
حسن اتعدل وظبط نفسه وبيضحك 
مريم انت بتضحك كدا ليه 
حسن عشان الصوره تطلع حلوه
مريم فتحت ماما حبيبتى عامله ايه وبابا وادهم
وجنا كلكو عاملين ايه 
سعاد الحمد لله يا مريم وحشتينا انتى وزياد وريناد 
حسن قرب وشه من الكاميرا كدا يا حماتى وانا لاء 
سعاد أنت وصفيه الست الطيبه الا بتدخل القلب من غير استأذان وابوك كلكم والله عاملين ايه 
حسن الحمد لله لا ينقصنا الا وجودكم معانا العريس عامل ايه 
ادهم عريس ايه بقى ما راحت علينا وقدمنا 
حسن يا راجل لسا ليك سنه كمان وتبقى قديم بجد والا ايه يا جنا 
جنا قوله محسسنى انه متجوز من 10 سنين 
مريم عامله ايه يا جنا والواد دا عامل معاكى ايه انا عارفه انه رخم 
جنا لا والله يا مريم دا طيب جدا ومش سايبنى ومهتم بيا انتى ظلماااه 
ادهم البنيه فيا ما طمرش فيكى وقفتى فى المطبخ 
حسن يابنى الستات وما ادراك ما الستات 
مريم يا سلام بقيت انا الا وحشه والنبى يا ماما الملاك ابو جناحين الا جمبك دا كان بيعمل فيا ايه 
سعاد الصراحه كان رزل بس حبيبك والا ايه 
مريم حبيبى طبعا دا ادهوووم بردو 
ادهم احبك انا كدا 
جنا ما تعملوها وتجيبو ماما واسر معاكو وتيجووو تقعدو معانا فى التلج دا شويه 
مريم ياريت ينفع انتى عارفه شغل حسن وكمان حملى تعابنى وشغلى فا صعب 
جنا ربنا معاكو ومعانا تقريبا كدا ها نولد فى معاد واحد انا وانتى 
مريم اه شكلها كدا 
سعاد ادينى صفيه أسلم عليها 
صفيه عامله ايه يا حبيبتى وحشنى قعدتك معايا 
سعاد وانتى كمان والله يا ست يا طيبه مريم عامله معاكى ايه 
صفيه مريم دى بنتى الغاليه عمرى ما حسيت بفرق بنها وبين حسن والله 
سعاد ربنا يخليكى ليهم 
صفيه يارب ها تنزلو تنورنا امتى 
سعاد ممكن ننزل قبل ولادة جنا عشان عايزا تبقى مع مامتها 
صفيه ربنا يقومهم بالسلامه يارب 
مريم بابا فين يا ماما 
سعاد لسا ماجاااش يا حبيبتى 
مريم سلملى عليه كتيررر قوى وقوليلو ريناد وزياد بيسلمو عليه كبيره ادددد كدا 
جنا حمزاوى أخيرا شوفتك واحشنى قوى عامل ايه وندى عامله ايه 
حمزه ا اهه جاين نفرحكووو كلكو انهارده 
جنا ربنا يفرحكو يا حبيبى يارب 
ندى انا حامل يا جيجى 
جنا الف مبررروك يا حبايبى كلها 3 شهور وانزل ان شاء الله ها اولد عندكووو 
حمزه تنورينا يا قلب أخوكى وحشتينى قوى يا جنا والله 
جنا وانت كمان يا حمزه ربنا ما يحرمنا منك يا أخويا 
وكلموووو ادهم وبارك لهم وقفلوووو
وثريا كانت طايره من الفرح 
ثريا أخيرا ها أشوف عوضك يا حمزه 
ندى بأستغراب وبصوت واطى يعنى ايه عوضك يا حمزه 
حمزه ابنى يعنى 
ندى اه 
حمزه فين أسر 
سالى عامله ايه يا كوكو 
كارما الحمد لله اخبارك ايه مش ناويه بجد 
سالى لسا بدرى انا عايزا أشتغل ومش مستعجله 
كارما يعنى مفيش حاجه كدا ولا كدا 
سالى انا حبيت مره يا كارما واستندل معايا وفى الاخر لقيته ماشى مع صاحبتى فا الحمد لله انى كنت عامله حدود ليه وطار بدرى بدرى مش عايزا أكرر الموضوع دا تااانى 
كارما واحد وواحده اندل من بعض عااادى يغورو شوفى حياتك مش مستاهله أكيد تستحقى أحسن منه 
سالى صدقينى مش وقته شويه كدا أكون أستوعبت الامر ونسيته عشان ما أكررش غلطى وانسى واحد
بواحد ودا أكبر غلط 
كارما ربنا معاكى وان شاء الله يرزقك بواحد يحبك يا جميل 
سالى ان شاء الله ايه مفيش حاجه جايه فى السكه 
كارما لا لسا بدرى يا بنتى ولا انا ولا مصطفى مستعجلين 
سالى ربنا يسعدكم 
كارما عارفه يا ساااالى
انا بقول كنت عايشه ازاى قبل مصطفى حياتى ملهااااش أى معنى من غيره الحبه الا بيبعد عنى فيهم ويروح شغله ببقى واخده صورته حنين جميل من جوواه مفيهوووش خبث زى ناس كتير بيحب الا حواليه بجد راجل يعتمد عليه تبقى مطمنه ان ضهرك قوووى مش سهل كسره 
مصطفى واقف على باب المطبخ ومبتسم وشاور لسالى تطلع برا وكارما سارحانه وبتكمل مع نفسها
كارما لفت له وبنظرات كلها حب وعيون مليانه دموووع اوعى تتخلى عنى فى يوم من الايام ومهما حصل منى انا بحبك أنت الراجل الوحيد الا عرفته والا قرب منى والا حسيته من اول يوم شفته فيه 
مر
أسبوعين على ابطالنا وكل واحد مشغول فى حياته حسن بيدور على بيت يعيش فيه مع عيلته و حمزه عايش كل لحظه مع ندى ضحك ولعب وهزار وكل يوم يزور مامته ومامتها ومبسوطين بالتجربه الجديده شعور مختلف انهم يبقووو مستنين فرد جديد ها ينضم ليهم ويبقووو عيله صغننه وكارما مصطفى مش مديها فرصه تفكر فى أى حاجه غيره مجننها وعايش الجنون مع بعض ومالين البيت كله شقاوووه ومرح أما خالد كل يوم يتصل على جورى يتكلم معاها منها أكتر يطمنها ويحسسها انها مش أقل من أى حد وانها لازم تثق فى نفسها أكتر وفيه وسعد وانتصار راحو اتقدمو لها رسمى ولبسو الدبل واتفقووو ان الجواز بعد سنه 
مصطفى كوكو يا كارما 
كارما بنوم نعم 
مصطفى فوقى