قوة روح بقلم الكاتبه فاطمه عيد الجزء الاول

الفرح والفيديوهات فى كل الصحف والمجلات
نديم وهو بيسيب المعلقه ايوه يا جدى وفى التلفزيون كمان 
نديم ..شاب وسيم يبقى اخو ادهم الوسطانى عنده ٣٣ سنه طباعه مختلفة عن ادهم تماما مرح وبيحب الحياه خاطب بنت عمه الصغيره وبيحبها وهو المدير التانى لشركة الشافعى بعد ادهم.. 
هارون ينقل عينه لابنه الدور الاخير فى القصر فاضل قد ايه ويخلص 
قاسم ابو ادهم خلال الاسبوع دا هيكون خلص 
هارون يحرك راسه براحه تمام الدور دا هيكون مخصص لناهد وبنتها وهيستقلوا بيه وهيكون ليهم سلم خارجى للجنينه عشان لو حبوا يخرجوا ميحسوش انهم معانا فى القصر 

بيبص لنديم .. عاوزك تشوف لي خادمه وطباخه ليهم مخصوص فوق مش عاوز ينقصهم حاجه 
جويريه بحزن طب وليه يا جدو ما تعيش معانا تانى انا حبيتها اوى وهى طيبه وهاديه اوى ليه العزلة دى
جويريه الحفيدة الوحيده للعيله بعد نيران .. عندها ٢٢ سنه .. تبقى خطيبه نديم وبنت فاروق الابن الوسطانى للعيله .. بتبادل نديم نفس الحب وطيبه ورقيقه جدا ..
هارون عشان ادهم حاليا متجوز ومش عاوزين حاجه تقف في وش سعادته ومراته متعرفش بلاش نخرب عليه 
امجد بضيق من جده والبنت ذنبها ايه! مش كفايه اللى كنتو بتعملوه فى عمى لا كمان لما ماټ بتذلوا بنته 
امجد يبقى الابن التالت لقاسم .. عنده ٣٠ سنه خريج هندسه وليه شغله الخاص بعيدا عن العيله متجوز وعنده بنت عندها سنه بيكره تفكير عيلته الراجعى من وجه نظره وبيكره اضطهادهم لعمه الله يرحمه ومراته وحتى بعد ما ماټ مرحموش بنته .. بيحب مراته جدا ونوعا ما بيسمع كلامها بدون تفكير 
قاسم پحده وصوت عالى امجد اتكلم كويس مع جدك 
فاروق ابو جويرية بس
هو بيتكلم صح يا قاسم الولد عنده حق احنا هنبنى سعاده ادهم على تعاسة البنت ! 
انتصار مرات قاسم والله ابنى مكنش عاوزها الجوازه دى مبقاش الا الناس البيئه دى اللى نناسبهم ابنى اتجوز الجوازه اللى تليق بيه اما بقى بالنسبه لبنت الشحاته التانيه لو مش عاجبها تتطلق هو كده كده مش عاوزها 
هارون پحده انا مش عاوز اسمع صوت حد فيكو 
كلهم يسكتوا تماما وكل واحد مضايق من وضع مش عاجبه 
يكمل هارون.. انتصار بتتكلم صح عادل باعنا من البدايه وراح اتجوز من عيله لا نعرف لها اصل ولا فصل وجاب بنت نسخه من مامتها حتى بنته جاهله ومش متعلمة وغير لائقه بالعيله .. لكن فى الاول والاخر بنته فهضطر اتحملها تكرما للمېت ووصيته .. اما بالنسبه للطلاق مفيش طلاق فى عيله الشافعى مهما حصل 
نسمة مرات امجد مع احترامى للتدخل يا جدو بس عمرها ما كانت بتتحسب كده .. يعنى دى بنت وجاهله بسبب ظروف باباها واللى هو ابن حضرتك ودا برضو مش ذنبها ولا ذنب مامتها ان دى تبقى نشأتها و.....
تقاطعها انتصار پحده اخرسى ومتدخليش ملكيش دعوه بالكلام دا انتى سامعه اياكى تقولى رأيك فاى حاجه مفضلش غير سيادتك كمان تتكلمى وتدينا رأيك
امجد هو حضرتك مش شايفه انك بتكلمى مراتى وبتهينيها قدامى ولا عشان كلامها صح ومعاها حق 
يبص لجده.. وحضرتك يا جدو قبل ما توفر لها الراحة المادية .. فكرت فى المعنوية ولا هو اكل الحقوق بقى بالساهل 
هارون يقوم يقف بعصبيه من كلامهم اللى فى تطاول بالنسباله 
هارون بزعيق انا مش عاوز اسمع صوت حد فيكو ولا نفس كلامي بس اللى هيتنفذ فى البيت دا 
بيبص لقاسم.. الدور لما يتشطب شوفلى البت دى وامها فى انهى داهية وتجيبهم يقعدوا فوق وعاوز انعزال تام عشان مرات ادهم متضايقش ولا تشك انا مش عاوز اخسر النسب دا ومش عايز اختلاط بيهم مهما يحصل مفهوم 
يسيبهم ويطلع على السلم وكلهم يقوموا .. والليله دى مرت بشعور مختلف على الكل .. تانى يوم .. تصحى نيران بقلق وتتفاجئ انها نامت بالاسدال وعلى سجادة الصلاة اخر حاجه فكراها وعياطها المستمر طول الليل وكأن قلبها بيعلن استسلامه .. تحمد ربنا ان مامتها مدخلتش وشافتها بالحاله دى .. تقلع الاسدال وتدخل تقف فى البلكونة تشم نفسها .. كان وقت شروق الشمس تاخد نفس عميق وتبص للسما بترجى من غير ولا كلمه هى حاسه
من جواها ان ربنا فاهمها وهيساعدها 
شويه وتوصلها مسدج على تلفونها تخرج من الاوضه بسرعه وتمسك التلفون على امل ان اول خطوة في حياتها تتحقق .. لكن تتفاجأ باللي مكنتش عامله حسابه قلبها اتقبض فجأة من محتوى الرسالة والخۏف تملك منها وحست ان حصونها اللى بتعافر عشان تبنيها بتتهد من تانى .. دمعه خانتها ونزلت من عينها .. بتبص لصورها يوم كتب كتابها وهيئتها اللى كانت كفيلة توجعها وللصور التانيه اللى شبه خاصة بين ادهم ومراته الجديدة .. تقرأ المحتوى
.. لو فاكره ان ابنى هيبص لواحدة جربوعه زيك وجاهله تبقى غلطانه ابنى اتجوز اللى تليق بيه وينفع تشيل اسمه واهى الصور كفيلة تثبتلك فرحته.
تتنهد من بين دموعها وتمسح الرساله وتسيب التليفون وترجع تانى تقف فى البلكونة وعينها متعلقه بالسما بتستنجد ب ربنا يريح قلبها ويجبرها 
يعدى الوقت .. فى باريس ادهم يقوم من النوم على صوت بوسى يفتح عينه بهدوء ويبصلها يلاقيها مبتسمه يبتسم ويقول بصوت في آثار النوم صباح الخير 
بوسى صباح النور ياقلبي .. كل دا نوم 
ادهم يتاوب هى الساعه بقت كام دلوقتي
بوسى الساعه داخله على خمسة واحنا كل دا لسه مخرجناش مش عارفه شهر نوم دا بقى مش هانى مون
ادهم ياخبر نمنا كتير فعلا 
اكتفى بابتسامه اختفت مجرد ما قام ودخل الحمام.. شويه وخرج لاقيها قاعده قدام المرايا وبتحط ميك اب وفى فستان على السرير 
ادهم باستغراب انتى خارجه ولا ايه !
بوسى وهى بتحط بودر دا لو معندكش مانع يعنى 
ادهم قعد على السرير وبصلها اه طبعا عندى مانع رايحه فين حضرتك
بوسى ضيقت حواجبها وبصتله
بنظره هو معرفش يفهمها فى ايه يا ادهم اكيد هنخرج سوا يعنى المفروض اننا جايين باريس نغير جو والمفروض اننا برضو لسه متجوزين مالك فى ايه !!!
ادهم اممممم انا مش قادر اخرج دلوقتى خلينا ناكل الاول وبعدين نبقى نشوف الموضوع دا 
بوسى تسيب الروج من ايدها وتقوم تقف قدامه وتربع ايدها اعتقد ان دا مش وقت خروج فعلا لكن وقت اننا نتكلم انا مش فاهمه انت مالك من ساعت ما سافرنا وانت بارد معايا ومش عاوزنا نخرج ولا حتى بتقعد تتكلم معايا حتى لما بتقرب بحس قربك مجرد واجب بتعمله وخلاص حتى ابتسامتك بحسها مجامله هو فى ايه بالظبط! انت حد جبرك تتجوزنى يعنى 
ادهم بهدوء اولا انا محدش يقدر يجبرنى على حاجه ثانيا دا طبعى وانتى مضطرة تستحمليه ثا....
تقاطعه بوسى لا مش مضطرة انت اللى مضطر انك تتخلى عن برودك طول ماانت معايا انا مراتك ودا حقى عليك لما كمان هتفضل بارد معايا اومال امتى مش هتكون كده !
ادهم لانه مش برود .. دا طبعى 
بوسى بصوت عالى مفيش حد طبعه بارد انت مش بتضحك على عيله صغيره ...
يقاطعها ادهم پحده صوتك لو على تانى هتشوفى تصرف مش هيعجبك وبعدين سيادتك مش واخده بالك ان لسه بدرى اوى على النكد دا ! اتفضلى البسى وخلصينا من الحوار دا 
بوسى كانت لسه هتتكلم سكتها بحركة من ايده 
ادهم انتى عارفه كويس انى مبحبش حد يتناقش معايا ويتحاور فى موضوع انا قفلته البسي يلا 
بوسى بس انا لسه مخلصتش كلام ياادهم ولسه معرفتش اجابة اسئلتى !
ادهم وانا معنديش اجابه لاسئلتك 
تجاهلها وقام اخد لبس من الدولاب وهي تبصله بغيظ وقعدت تتابعه بعينها لحد ما خلص .. أدهم وهو بيقفل زراير قميصه يبصلها هو انا مش قولت البسي يلا !
بوسى بعند لا ماهو انا مبقتش عايزه اخرج وحضرتك مش هتمشينى بكلمة وتقعدني بكلمه 
ادهم ببرود تمام براحتك 
كمل لبسه ووقف قدام المرايا ظبط شعره وحط برفيوم وهى كل دا متابعة وهتتجنن من تصرفاته وتجاهله واخد التليفون والفيزا والمفاتيح بتاعته والسجاير ويبصلها تحبى اجبلك حاجه وانا جاى 
بوسى تقف وتبصله وهى بتجز على سنانها بغيظ مكتوم رايح فين سيادتك!!!
ادهم خارج عاوزه تيجى معايا اتفضلى مش عايزه يبقى تحتفظي بأسئلتك لنفسك 
بوسى تتنهد بغيظ وبتحاول تنظم تنفسها وتقتنع انها مش هتعرف تاخد منه لا حق ولا باطل فتقرر انها تعدى الموضوع ولبست الفستان اللى محطوط على السرير وبعدين قعدت قدام المرايا تظبط الميك اب اللى ساح من كتر عصبيتها وضيقتها وكمان من لبسها للفستان بغيظ .. ادهم دخل البلكونه مستنيها تخلص وۏلع سيجارته وبعدين افتكرها يطلع تلفونه واتصل بيها اول رنه خلصت من غير رد .. وتانى وتالت ! بعتلها مسدج وقفل التليفون واخد نفس من سيجارته وبص للمدينة قدامه تانى 
عند نيران .. قاعده فى مكتب وقدامها شخص 
مدحت وحضرتك يا انسه نيران حابه تاخدى المنحة على قد ايه !
.. نقف لحظه .. مدحت .. شاب وسيم عنده ٢٩ سنه شخص ناجح وطموح خريج كليه تربيه واتجه للتدريس وبقى ليه اسمه اللى اتشهر اكتر ببنائه لمدرسه خاصه بيه وسناتر لمحو الأمية في دول مختلفة واهتم بالموضوع دا بسبب جهل باباه ومامته وعجزهم الثقافى بسبب ظروفهم
الصعبة فسخر نفسه لمساعدة الفئه دى من المجتمع باقل التكاليف واعلى الامكانيات .. شخص حنين وبيقدر ظروف اى حد وهين فى التعامل ومتفهم شعره بنى فاتح وخفيف وعينه لونها اخضر غامق .. بشرته خمرية وجسمه رياضي ومتناسق وطويل .. 
نيران حضرتك انا مش عارفه المنح اللى هنا كلها انا بس كنت حابه يكون معايا اى شهاده بتدل انى متعلمه 
مدحت بتفهم تمام .. فى عندك ٣ طرق .. الاولى كورس لمحو الأمية العادى والذى بيتبعه امتحان شهادة محو أمية ودا فى خلال شهرين لو بتيجى يوميا .. والتانيه كورس لمحو الأمية وامتحان وبتاخدى كورس تانى واقدر اعينك بيه فى السنتر تعلمى بتوع محو اميه او فى المدرسة الخاصه بيا تعلمى السنوات التمهيدية ودا بيكون مكافئه للي بياخدوا الشهادات
دى ودا فى خلال اربع شهور وتالت اقتراح الكورس الخارجى .. ودا لما بتاخدى شهاده محو الاميه هنا بتدخلى اختبار قدرات وبقدر من خلال نتيجتك اسفرك اى بلد خليجى انتى بتحدديها وهناك بتاخدى كورس تانى تبع الشركه بتاعتى لكن من فرعها الخارجى ولما تخلصي بتبدأى رحلتك في الخارج .. والاوبشن دا لما بتوصلى لأعلى ليفل فى الدراسه وبيكون برضو مكافاه من الشركه بتاعتى على اجتهادك ودا بيكون فى سنة وبنقدر نكثفه فى ست شهور لو هتحضرى يوميا .. شوفى المناسب ليكى واختارى وتقدرى تبدأى فى الوقت اللى تحدديه 
نيران بدون تفكير السفر انا
عاوزه تالت